(VOVWORLD) -ພາຍຫລັງ 01 ປີທີ່ຮັບມື ແລະ ປັບຕົວໃຫ້ແທດເໝາະກັບຄວາມຫຍຸ້ງຍາກຍ້ອນໂລກລະບາດໂຄວິດ 19, ມີວິສາຫະກິດຫລາຍແຫ່ງ ເປັນຕົ້ນແມ່ນວິສາຫະກິດຂະຫນາດກາງ ແລະ ນ້ອຍ ຊອກໄດ້ທິດກ້າວເດີນຢ່າງເໝາະສົມ, ຄ່ອຍໆນຳການເຄື່ອນໄຫວດຳເນີນທຸລະກິດເປັນປົກກະຕິ ແລະ ກ້າວຂຶ້ນເທື່ອລະກ້າວ. ຕົວຈິງສະແດງໃຫ້ເຫັນວ່າ ເລື່ອງເປັນເຈົ້າການໃນການສ້າງວິທີການ ແລະ ມາດຕະການຢ່າງມີຫົວຄິດປະດິດສ້າງ, ໄຫວພິບແມ່ນປັດໄຈຫລັກແຫລ່ງ, ຕັດສິນຊີ້ຂາດເຖິງເລື່ອງວິສາຫະກິດຈະຜ່ານຜ່າຄວາມຫຍຸ້ງຍາກຍ້ອນໂລກລະບາດຄືແນວໃດ.

(VOVWORLD) -ໃນປີ 2020 ຕະຫລາດຫລັກຊັບ ຫວຽດນາມ ແມ່ນຕະຫລາດທີ່ຟື້ນຟູແຮງກວ່າໝູ່ຢູ່ ອາຊີຕາເວັນອອກສ່ຽງໃຕ້ ແລະ ນອນໃນ Top ຕະຫລາດຫລັກຊັບ ຟື້ນຟູດີສຸດຢູ່ໃນໂລກ. ໄລ່ຮອດເດືອນ ເມສາ ປີ 2021, ຕະຫລາດຫລັກຊັບ ຫວຽດນາມ ສືບຕໍ່ບັນລຸການເຕີບໂຕຢ່າງແຮງ ແລະ ມີຜູ້ຊ່ຽວຊານຫລາຍທ່ານ ຕັ້ງຄວາມຫວັງວ່າ ຕະຫລາດຫລັກຊັບຫວຽດນາມ ຈະດຶງດູດກະແສເງິນລົງທຶນຈາກຕ່າງປະເທດຕື່ມອີກ.

(VOVWORLD) -ສະຫະສະມາຄົມ ຊອບແວ ແລະ ບໍລິການເຕັກໂນໂລຊີຂໍ້ມູນຂ່າວສານ ຫວຽດນາມ (VINASA) ຫາກໍ່ຈັດການມອບລາງວັນດວງດາວ ປີ 2021. ດ້ວຍເກືອບ 300 ຜະລິດຕະພັນທີ່ໄດ້ສະເຫນີມາ, ປີນີ້ ມີ 180 ຜະລິດຕະພັນດີເດັ່ນທີ່ໄດ້ຮັບການເຊີດຊູ. ລາງວັນດວງດາວແມ່ນອີງໃສ່ບັນດາມາດຖານກ່ຽວກັບລາຍຮັບ ການເຕີບໂຕ, ເຕັກໂນໂລຊີ ການປະດິດຄິດສ້າງ ແລະ ລະດັບກະທົບເຖິງສັງຄົມ - ປະສິດທິຜົນ - ແກ້ໄຂຄວາມຫຍຸ້ງຍາກໃນຊີວິດ.

(VOVWORLD) -ເປັນຄັ້ງທີ 4 ຢ່າງລຽນຕິດ, ອັນດັບຫນຶ່ງໃນຕາຕະລາງຈັດອັນດັບດັດຊະນີກຳລັງແກ້ງແຍ້ງຂັ້ນແຂວງ (PCI) ແມ່ນຂຶ້ນກັບແຂວງ ກວ໋າງນີງ. ດ້ວຍຄຸນນະພາບການບໍລິຫານເສດຖະກິດທີ່ດີເດັ່ນ, ປັບປຸງດັດຊະນີເຂົ້າຮ່ວມການຕະຫລາດ, ແກ້ໄຂຄວາມຫຍຸ້ງຍາກຢ່າງທັນການ, ຮ່ວມເດີນທາງກັບວິສາຫະກິດ, ມີມາດຕະການຮັບມືຢ່າງວ່ອງໄວ ແລະ ມີໄຫວພິບ ເພື່ອຍົກສູງກຳລັງຄວາມສາມາດໃນການປັບຕົວໃຫ້ແທດເໝາະກັບສະພາບການຂອງວິສາຫະກິດໃນຊ່ວງເວລາເກີດໂລກລະບາດໂຄວິດ 19 ແມ່ນສິ່ງທີ່ຊ່ວຍໃຫ້ ກວ໋າງນີງ ຮັກສາອັນດັບ 1 ໄວ້ໄດ້.

(VOVWORLD) -ເຖິງວ່າ ຖືກປະສົບກັບຄວາມຫຍຸ້ງຍາກຫລາຍຢ່າງຍ້ອນໂລກລະບາດໂຄວິດ 19 ກໍຕາມ ແຕ່ໃນໄຕມາດ 1 ປີນີ້ ການສົ່ງອອກຜັກໝາກໄມ້ ພັດບັນລຸການເຕີບໂຕຢ່າງແຮງ. ໝາກຜົນນັ້ນກໍ່ຍ້ອນປະຕິບັດການຄວບຄຸມໂລກລະບາດໄດ້ເປັນຢ່າງດີ ຊ່ວຍໃຫ້ການເຄື່ອນໄຫວສົ່ງອອກບໍ່ຖືກຕັດຕອນ ແລະ ໃນໄລຍະຈະມາເຖິງ ຄາດວ່າ ການສົ່ງອອກຈະບັນລຸການເຕີບໂຕສູງພໍສົມຄວນ.

(VOVWORLD) - ເລື່ອງສ້າງລະບົບຊີວະພາບຕົວເມືອງທະເລແບບຍືນຍົງ, ສາມາດແກ້ງແຍ້ງກັບບັນດາຕົວເມືອງທະເລອື່ນໃນພາກພື້ນ, ກາຍເປັນສູນຂອງການເດີນເຮືອ ແລະ ເຊື່ອມຕໍ່ກັບໂລກນັ້ນ ແມ່ນໜ້າທີ່ສຳຄັນຂອງນະຄອນ ໂຮ່ຈີມິນ ໃນໄລຍະຈະມາເຖິງ. ດ້ວຍບົດບາດເປັນນະຄອນນຳໜ້າຂອງເຂດເສດຖະກິດຈຸດສຸມທາງພາກໃຕ້ ຫວຽດນາມ. ທາງນະຄອນ ໂຮ່ຈີມິນ ໄດ້ເປັນເຈົ້າການສ້າງແຜນການພັດທະນາເສດຖະກິດທະເລ ເຊື່ອມຕໍ່ກັບລະບົບຕົວເມືອງສາກົນ, ປະກອບສ່ວນເຂົ້າໃນຍຸດທະສາດພັດທະນາເສດຖະກິດທະເລ ຫວຽດນາມ ແບບຍືນຍົງໃນປີ 2030, ວິໄສທັດຮອດປີ 2045 ຂອງປະເທດຊາດ.

(VOVWORLD) -ກໍຄືກັນກັບແມ່ຍິງຫຼາຍຄົນຢູ່ນະຄອນ ເກີ່ນເທີ, ໃນຫຼາຍປີຜ່ານມາ, ນາງ ເລແທັງອ໊າຍຍີ, ສະມາຊິກສະຫະພັນແມ່ຍິງເທດສະບານ ເທີ໊ຍບິ່ງ, ເມືອງ ນິງກ່ຽວ ໄດ້ຍາດແຍ່ງເວລາ ພ້ອມດ້ວຍການຊ່ວຍເຫຼືອຈາກສະຫະພັນແມ່ຍິງ ເສີມຂະຫຍາຍສີມືຫຍິບແສ່ວຂອງຕົນ, ສ້າງຕັ້ງຮາກຖານຜະລິດເຄື່ອງຫັດຖະກຳຖັກແລນຂອບຂະໜາດນ້ອຍ ດ້ວຍຊື່ວ່າ “ແລນຖໍ”. ປັດຈຸບັນ, ບັນດາຜະລິດຕະພັນຂອງ ອ໊າຍຍີ ໄດ້ວາງຂາຍຢູ່ຫຼາຍປະເທດ ແລະ ເປັນທີ່ຮູ້ຈັກຂອງລູກຄ້າຕ່າງປະເທດຫຼາຍຄົນ.

(VOVWORLD) - ໂດຍກຳນົດໄດ້ວ່າ ພື້ນຖານໂຄງລ່າງ, ເສັ້ນທາງຄົມມະນາຄົມແມ່ນບາດກ້າວກະກຽມສຳຄັນເພື່ອພັດທະນາທ່າກຳປັ່ນທະເລ, ແຂວງ ກວ໋າງນີງ ຈະລົງທຶນກໍ່ສ້າງບັນດາເສັ້ນທາງໄປຍັງທ່າກຳປັ່ນໃນບໍລິເວນແຂວງ ດ້ວຍທຶນຈາກງົບປະມານ. ນີ້ແມ່ນບາດກ້າວກະກຽມສຳຄັນ ເພື່ອສາມາດດຶງດູດບັນດານັກລົງທຶນປະກອບສ່ວນເສີມຂະຫຍາຍກຸ່ມທ່າກຳປັ່ນເວົ້າລວມ ແລະ ເສດຖະກິດທາງທະເລຂອງແຂວງ ກວ໋າງນີງ ເວົ້າສະເພາະ.

(VOVWORLD) - Moody’s ແມ່ນອົງການຈັດອັນດັບຄວາມໄວ້ວາງໃຈສາກົນ ຫາກໍ່ດັດປັບຈັດແງ່ຫວັງເສດຖະກິດຂອງຫວຽດນາມ ຂຶ້ນເປັນອັນດັບຕັ້ງຫນ້າ. ພ້ອມກັນນັ້ນ Moody’s ກໍ່ຮັກສາອັນດັບຄວາມໄວ້ວາງໃຈແຫ່ງຊາດຂອງຫວຽດນາມ ຢູ່ໃນອັນດັບຄືເກົ່າ ແມ່ນ Ba3 ສຳລັບບັນດາບ້ວງເງິນດ້ວຍການຈຳໜ່າຍທະນະບັດສະກຸນເງິນພາຍໃນປະເທດ ແລະ ເງິນຕາຕ່າງປະເທດ ແລະ ບັນດາບ້ວງກູ້ຢືມຂັ້ນສູງທີ່ບໍ່ໄດ້ຮັບການຄຳ້ປະກັນ. Moody’s ກໍ່ຮັບຮູ້ໝາກຜົນແຫ່ງການບໍລິຫານນະໂຍບາຍມະຫາພາກ, ການເຂົ້າຮ່ວມຂອງທັງລະບົບການເມືອງ ກ່ຽວກັບຜົນສຳເລັດໃນການຄວບຄຸມໂລກລະບາດໂຄວິດ 19.

(VOVWORLD) - ເຊື່ອມຕໍ່ລະຫວ່າງເຂດກ່ຽວກັບພື້ນຖານໂຄງລ່າງ ແລະ ເສດຖະກິດ ເຂດທົ່ງພຽງແມ່ນ້ຳຂອງ ໂດຍລັດຖະບານໄດ້ລະບຸໃນມະຕິເລກທີ 120 ຊື່ງໄດ້ປະກາດໃຊ້ເມື່ອປີ 2017 ເພື່ອແນໃສ່ພັດທະນາເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ ເພື່ອຮັບມືກັບການປ່ຽນແປງຂອງດິນຟ້າອາກາດ. ມາຮອດປະຈຸບັນ ມີຫລາຍກິດຈະກຳລົງທຶນກໍ່ສ້າງພື້ນຖານໂຄງລ່າງຄົມມະນາຄົມຂອງເຂດທົ່ງພຽງແມ່ນ້ຳຂອງ ໄດ້ຮັບການກໍ່ສ້າງສຳເລັດ, ສ້າງກຳລັງຫນູນຊຸກຍູ້ການພັດທະນາເສດຖະກິດ ສັງຄົມ. ພ້ອມກັນນັ້ນ ກໍມີຫລາຍມາດຕະການລົງທຶນ ໄດ້ມີຄວາມເອົາໃຈໃສ່ເຖິງການຮັບມືກັບການປ່ຽນແປງຂອງດິນຟ້າອາກາດ ແລະ ນ້ຳທະເລຂຶ້ນສູງ, ຮັບປະກັນສະຖຽນລະພາບແບບຍືນຍົງ.