(VOVWORLD) - ພາຍຫລັງພາຍຸMolave, ອຳນາດການປົກຄອງແລະປະຊາຊົນຕາແສງບີ່ງທ້ວນເມືອງບີ່ງເຊີນແຂວງກວ໋າງຫງາຍພວມມານະພະຍາຍາມແກ້ໄຂບັນດາຜົນເສຍຫາຍແລະສ້າງຊີວິດການເປັນຢູ່ໃຫ້ກັບຄືນສູ່ສະພາບເປັນປົກກະຕິ. ຮູບແບບ “ເຮືອນປອດໄພ” ໂດຍໂຄງການ “ເພີ່ມທະວີຄວາມສາມາດຕ້ານແລະຮັບມືກັບການກະທົບຈາກການປ່ຽນແປງຂອງດິນຟ້າອາກາດໃຫ້ແກ່ບັນດາວົງຄະນະຍາດທີ່ມີຄວາມສ່ຽງຢູ່ແຄມທະເລຫວຽດນາມໂດຍ ກອງທຶນດິນຟ້າອາກາດສີຂຽວຂອງສະຫະປະຊາຊາດ(Green Climate Fund ຫຼື GCF),ລັດຖະບານຫວຽດນາມແລະໂຄງການພັດທະນາຂອງສະຫະປະຊາຊາດ(UNDP)ໄດ້ຫນູນຊ່ວຍແລະເສີມຂະຫຍາຍປະສິດທິຜົນ, ຊ່ວຍໃຫ້ປະຊາຊົນຢູ່ເຂດນີ້ມີຄວາມປອດໄພໃນບັ້ນເກີດພາຍຸຮ້າຍແຮງທີ່ສຸດໃນຮອບເວລາ 10 ປີຜ່ານມາ.

(VOVWORLD) -ສັນຍາການຄ້າເສລີ ຫວຽດນາມ - ສະຫະພາບເອີລົບ (EVFTA)ໄດ້ຮັບການປະຕິບັດ ອັນໄດ້ເປີດອະນາຄົດອັນດີງາມໃນການພົວພັນລະຫວ່າງ ຫວຽດນາມ ແລະ ອີຢູ. ນີ້ແມ່ນຫນັງສືອະນຸຍາດໃຫ້ບັນດາວິສາຫະກິດ ແລະ ພື້ນຖານເສດຖະກິດຫວຽດນາມ ເຂົ້າໄປຍັງຕະຫລາດຫນຶ່ງທີ່ເຕັມໄປດ້ວຍຄວາມສາມາດບົ່ມຊ້ອນ. ພາຍຫລັງ 2 ເດືອນທີ່ສັນຍາມີຜົນສັກສິດ, ວິສາຫະກິດ ຫວຽດນາມ ໄດ້ຊົມໃຊ້ບັນດາຜົນປະໂຫຍດທຳອິດ. ເຖິງຢ່າງໃດກໍຕາມ ເພື່ອກະກຽມ ຍາດແຍ່ງບັນດາຄຳໝັ້ນສັນຍາຢ່າງເໝາະສົມ ບັນດາວິສາຫະກິດ ຄວນມີຄວາມເຂົ້າໃຈກ່ຽວກັບບັນດາຄຳໝັ້ນສັນຍາໃນ EVFTA ຢ່າງຊັດເຈນ ແລະ ຄົບຖ້ວນກວ່າອີກ ເພື່ອພັດທະນາການເຄື່ອນໄຫວດຳເນີນທຸລະກິດ.

(VOVWORLD) - ຕາມໝາກຜົນບົດລາຍງານດ້ານເສດຖະກິດ ສັງຄົມ 9 ເດືອນຂອງປີ 2020 ຂອງຫວຽດນາມຈາກ ກົມໃຫຍ່ສະຖິຕິ ແລ້ວ, ການເຕີບໂຕ GDP 9 ເດືອນຜ່ານມາ ບັນລຸ 2,12%. ນີ້ແມ່ນລະດັບເຕີບໂຕຕ່ຳສຸດ ເມື່ອທຽບໃສ່ໄລຍະດຽວກັນຂອງ 10 ປີມານີ້ ແຕ່ຕໍ່ຫນ້າການກະທົບຂອງໂລກລະບາດໂຄວິດ 19 ໄດ້ສົ່ງຜົນສະທ້ອນຢ່າງຫນັກຫນ່ວງເຖິງທຸກດ້ານເສດຖະກິດ ສັງຄົມ ຂອງທຸກປະເທດໃນໂລກ, ລະດັບການເຕີບໂຕ 2,12%, ຫວຽດນາມ ໄດ້ຮັບການຕີລາຄາຈາກ ອົງການຈັດອັນດັບໄວ້ວາງໃຈສາກົນ S&P Global Ratings (S&P)ວ່າ ແມ່ນປະເທດຟື້ນຟູເສດຖະກິດດີທີສອງຢູ່ ອາຊີ - ປາຊີຟິກ.

(VOVWORLD) - ຕາມບັນດານັກຊ່ຽວຊານແລ້ວ, ໂລກລະບາດໂຄວິດ 19 ບໍ່ພຽງແຕ່ແມ່ນສິ່ງທ້າທາຍທີ່ຮ້າຍແຮງທີ່ສຸດ ແລະ ເຮັດໃຫ້ພື້ນຖານເສດຖະກິດທົ່ວໂລກຖືກຜົນກະທົບຢ່າງຫນັກຫນ່ວງນັບແຕ່ ຫລາຍທົດສະວັດຜ່ານມາເທົ່ານັ້ນ ຫາກຍັງແມ່ນສິ່ງທົດສອບກ່ຽວກັບຄວາມສາມາດຮັບມື, ຫັນປ່ຽນ ແລະ ບືນຕົວຂຶ້ນຂອງວິສາຫະກິດ. ຕົວຈິງ ໃນສະພາບການນັ້ນ ສ່ວນໃຫຍ່ ບັນດາວິສາຫະກິດຖືກຫລຸບທຶນ, ຮັດແຄບຂອບຂະຫນາດການເຄື່ອນໄຫວດຳເນີນທຸລະກິດທຳການຜະລິດ ແລະ ຊ້ຳບໍ່ຫນຳ ຕ້ອງຖືກລົ້ມລະລາຍຍ້ອນໂລກລະບາດ ແຕ່ໃນນັ້ນ ມີບາງວິສາຫະກິດກໍ່ບໍ່ຫວາດຫວັ່ນຕໍ່ຄວາມຫຍຸ້ງຍາກ ແລະ ບືນຕົວຂຶ້ນຢ່າງເຂັ້ມແຂງ ຍ້ອນຄວາມມານະພະຍາຍາມ, ຕັ້ງຫນ້າ, ມີຫົວຄິດປະດິດສ້າງເພື່ອຮັບມືກັບສະພາບການໃຫມ່ເປັນຢ່າງດີ.

(VOVWORLD) - ຍ້ອນຜົນສະທ້ອນຈາກໂລກລະບາດໂຄວິດ 19, ຈຳນວນນັກທ່ອງທ່ຽວມາຢ້ຽມຢາມ ນະຄອນ ດາລາດ ແຂວງ ເລີມດົ່ງ ໃນເດືອນ ສິງຫາ ແລະ ກັນຍາປີ 2020 ບັນລຸກວ່າ 300.000 ເທື່ອຄົນ, ຫລຸດລົງກວ່າ 60% ເມື່ອທຽບໃສ່ໄລຍະດຽວກັນຂອງປີກາຍ, ໃນນັ້ນ ນັກທ່ອງທ່ຽວສາກົນຫລຸດລົງ 90%. ປະຈຸບັນ ບັນດາວິສາຫະກິດ ທ່ອງທ່ຽວ ແຂວງ ເລີມດົ່ງ ພວມກະຕຸ້ນດ້ານການທ່ອງທ່ຽວ ດ້ວຍຫລາຍມາດຕະການເພື່ອດຶງດູດນັກທ່ອງທ່ຽວ.

(VOVWORLD) - ໂດຍແມ່ນເຂດປູກສະເພາະຕົ້ນໄມ້ໃຫຍ່, ບີ່ງເຢືອງ ຄ່ອຍໆກາຍເປັນແຂວງອຸດສາຫະກຳ ແລະ ຖືກຈັດເຂົ້າ Topນຳຫນ້າບັນດາທ້ອງຖິ່ນດຶງດູດເງິນລົງທຶນໂດຍກົງຈາກຕ່າງປະເທດ FDI ດີສຸດໃນທົ່ວປະເທດ. ບັນລຸໄດ້ໝາກຜົນນີ້ ກໍ່ຍ້ອນແຂວງ ບີ່ງເຢືອງ ຕັ້ງຫນ້າເປີດກວ້າງການພົວພັນຕ່າງປະເທດ, ສ້າງເງື່ອນໄຂສະດວກເພື່ອດຶງດູດບັນດານັກລົງທຶນ. ນີ້ກໍ່ແມ່ນແຜນນະໂຍບາຍ ຊື່ງແຂວງ ບີ່ງເຢືອງ ໄດ້ມີການກຳນົດທິດ ແລະ ຜັນຂະຫຍາຍການປະຕິບັດໂດຍໄວ, ຈາກນັ້ນ ປະກອບສ່ວນຊຸກຍູ້ການພັດທະນາເສດຖະກິດ ສັງຄົມຂອງທ້ອງຖິ່ນ.

(VOVWORLD) -ໃນໄລຍະຜ່ານມາ ໂລກລະບາດໂຄວິດ 19 ໄດ້ເຮັດໃຫ້ຫລາຍປະເພດສິນຄ້າສົ່ງອອກຖືກຜົນສະທ້ອນ ຊ້ຳບໍ່ໜຳຍັງຖືກຊັກຊ້າ, ເຊິ່ງສົ່ງຜົນກະທົບໂດຍກົງເຖິງການຜະລິດ. ເຖິງຢ່າງໃດກໍ່ຕາມ ມູນຄ່າການສົ່ງອອກໄມ້ ແລະ ຜະລິດຕະພັນຈາກໄມ້ຂອງຫວຽດນາມ ໃນ 7 ເດືອນຂອງປີ 2020 ຍັງຄົງບັນລຸກວ່າ 6 ຕື້ USD, ເພີ່ມຂຶ້ນ 6% ເມື່ອທຽບໃສ່ໄລຍະດຽວກັນຂອງປີກາຍ. ນີ້ແມ່ນຄວາມມານະພະຍາຍາມອັນໃຫຍ່ຫລວງຂອງຂະແຫນງກະສິກຳເວົ້າລວມ ແລະ ບັນດາວິສາຫະກິດ, ປະຊາຊົນໃນທົ່ວປະເທດ.

(VOVWORLD) -ຄວາມຄືບຫນ້າການປ່ອຍເງິນລົງທຶນພາກລັດສຳລັບບັນດາໂຄງການຄົມມະນາຄົມຈຸດສຸມເວົ້າລວມ ເປັນຕົ້ນແມ່ນໂຄງການກໍ່ສ້າງເສັ້ນທາງຄວາມໄວສູງ ແຕ່ເຫນືອ -ໃຕ້ ໄດ້ມີບັນດາບາດກ້າວປັບປຸງຫລາຍພໍສົມຄວນ. ຈາກການສຳຫລວດກວດກາຄືນສະພາບການປະຕິບັດແຜນການ, ດ້ວຍບັນດາມາດຕະການທັງສຸມໃສ່ ທັງຫັນເປັນມືອາຊີບ, ໝາກຜົນການປ່ອຍເງິນລົງທຶນບັນດາໂຄງການຈຸດສຸມຂອງຂະແຫນງຄົມມະນາຄົມໄດ້ຮັບປະກັນຄວາມຄືບຫນ້າລວມສຳລັບ 6 ໂຄງການລົງທຶນພາກລັດ ແລະ 5 ໂຄງການລົງທຶນຕາມຮູບການຄູ່ຮ່ວມມືພາກລັດ ແລະ ເອກະຊົນ (PPP), ປະຕິບັດໃຫ້ສຳເລັດໂດຍໄວໃນປີ 2022 ຄືຄາດໝາຍໄດ້ວາງອອກ.

(VOVWORLD) -ໃນຊຸມປີຜ່ານມາ ແຂວງ ດົງນາຍ ໄດ້ປະຕິບັດແຜນນະໂຍບາຍ, ແນວທາງ, ນະໂຍບາຍຂອງພັກ ແລະ ລັດໃນຂົງເຂດການພົວພັນຕ່າງປະເທດ ເປັນຢ່າງດີ, ເປັນເຈົ້າການ ແລະ ຕັ້ງຫນ້າເຊື່ອມໂຍງເຂົ້າກັບສາກົນ, ເປີດກວ້າງບັນດາສາຍພົວພັນມິດຕະພາບ ແລະ ການຮ່ວມມືລົງທຶນ. ບັນດາການເຄື່ອນໄຫວພົວພັນຕ່າງປະເທດໃນໄລຍະຜ່ານມາ ໄດ້ນຳມາເຊິ່ງປະສິດທິຜົນຢ່າງແທ້ຈິງ, ປະກອບສ່ວນຍົກສູງທີ່ຕັ້ງບົດບາດຂອງແຂວງ ດົງນາຍ ແມ່ນແຂວງຫນຶ່ງທີ່ເຕັມໄປດ້ວຍຄວາມຂະຫຍັນຂັນເຄື່ອນ ແລະ ປະດິດຄິດສ້າງ.

(VOVWORLD) -ຊຸມປີມໍ່ໆມານີ້ ການຄ້າເອເລັກໂຕນິກ ໄດ້ພັດທະນາຢ່າງແຮງ ດ້ວຍລະດັບເຕີບໂຕສະເລ່ຍ ແມ່ນ 30%/ປີ, ໄດ້ປະກອບສ່ວນຫລາຍຢ່າງໃຫ້ແກ່ເສດຖະກິດຂອງປະເທດຊາດ. ໃນສະພາບການໂລກລະບາດໂຄວິດ 19 ພວມຜັນແປໄປຢ່າງສັບສົນໃນທົ່ວໂລກນັ້ນ, ບັນດາວິສາຫະກິດ ຫວຽດນາມ ພວມໄດ້ນຳໃຊ້ການຄ້າເອເລັກໂຕນິກເຂົ້າໃນການສົ່ງເສີມ, ໂຄສະນາການຄ້າ ແລະ ຊອກຫາຄູ່ຄ້າ, ປະຕິບັດການພົວພັນທຸລະກິດຢ່າງມີປະສິດທິຜົນ.