(VOVWORLD) - ບັນດາໂປຣແກຣມກ່ຽວກັບແຜນທີ່ໃນປະຈຸບັນຄື: Google Maps ຫຼື Apple Maps ແມ່ນບັນດາໂປຣແກຣມ ທີ່ລຶ້ງເຄີຍກັບຜູ້ນຳໃຊ້ smartphone ດ້ວຍຄວາມສາມາດຊີ້ບອກເສັ້ນທາງ, ສະຖານທີ່. ແຕ່ເຖິງຢ່າງໃດກໍ່ຕາມ, ຢູ່ ຫວຽດນາມ, ມີວິສາຫະກິດ ຫວຽດນາມ ຫຼາຍແຫ່ງໄດ້ເຂົ້າຮ່ວມຂົງເຂດນີ້ດ້ວຍບັນດາມາດຕະການນຳໃຊ້ໂປຣແກຣມ ນີ້ໃນຂອບເຂດ ຫວຽດນາມ ຂຶ້ນເຖິງ 100%.

(VOVWORLD) -ໃນຂອບເຂດການຢ້ຽມຢາມຈີນ ແລະ ເຮັດວຽກຢູ່ຈີນ ຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໃນເດືອນມິຖຸນາປີນີ້, ແຂວງ ລ້າງເຊີນ ໄດ້ລົງນາມໃນຂໍ້ຕົກລົງແມ່ ກັບແຂວງ ກວາງສີ ຂອງຈີນ ກ່ຽວກັບການທົດລອງກໍ່ສ້າງດ່ານຊາຍແດນອັດສະລິຍະ. ນີ້ແມ່ນເງື່ອນໄຂສຳຄັນເພື່ອຊຸກຍູ້ເສດຖະກິດຊາຍແດນລະຫວ່າງ ຫວຽດນາມ - ຈີນ, ເພີ່ມທະວີການເຮັດລະບຽບການດ້ານພາສີຜ່ານແດນສຳລັບສິນຄ້າ, ປະກອບສ່ວນເຂົ້າໃນການພັດທະນາເສດຖະກິດ - ສັງຄົມລວມ.

(VOVWORLD) -ໂຄງການດຳເນີນງານ ແລະ ຄຳຂວັນ “Make in Vietnam” ໂດຍ ກະຊວງຖະແຫລງຂ່າວ ແລະ ສື່ສານ ຫວຽດນາມ ປຸກລະດົມແຕ່ປີ 2019. ນັບແຕ່ນັ້ນມາຮອດປະຈຸບັນ ນັບມື້ນັບມືຫລາຍຜະລິດຕະພັນ, ການບໍລິການເຕັກໂນໂລຊີ ຕອບສະຫນອງຢ່າງຄົບຖ້ວນບັນດາມາດຖານ “Make in Vietnam”. ນັ້ນແມ່ນ: ຄົ້ນຄ້ວາຢູ່ ຫວຽດນາມ, ປະດິດສ້າງຢູ່ ຫວຽດນາມ, ຜະລິດຢູ່ ຫວຽດນາມ. ການຫັນປ່ຽນຢ່າງແຮງຂອງບັນດາວິສາຫະກິດເຕັກໂນໂລຊີ ດິຈີຕອນ ພ້ອມກັບບັນດາຜະລິດຕະພັນເຕັກໂນໂລຊີ ດິຈີຕອນ ພວມຄ່ອຍໆນຳຂະແຫນງອຸດສາຫະກຳເຕັກໂນໂລຊີ ກາຍເປັນເສົາຄ້ຳຂອງພື້ນຖານເສດຖະກິດ ພ້ອມທັງສ້າງທ່ວງທ່າໃຫ້ແກ່ ຫວຽດນາມ ກາຍເປັນປະເທດດິຈີຕອນ ໃນປີ 2030.

(VOVWORLD) - ລັດຖະບານ ຫວຽດນາມ ໄດ້ໃຫ້ສັດຕະຍາບັນ “ໂຄງການຫັນເປັນດີຈີຕອນແຫ່ງຊາດຮອດປີ 2025, ການກຳນົດທິດຮອດປີ 2030” ໃນນັ້ນໄດ້ເນັ້ນໜັກເຖິງການຫັນເປັນດີຈີຕອນໃນທຸກຂົງເຂດຂອງຊີວິດສັງຄົມ. ເພື່ອບັນລຸໄດ້ບັນດາເປົ້າໝາຍທີ່ວາງອອກ, ການຊຸກຍູ້ການຮ່ວມມືກັບບັນດາປະເທດພັດທະນາໃນຂົງເຂດດີຈີຕອນແມ່ນມາດຕະການທີ່ສຳຄັນ. ການໜູນຊ່ວຍໃຫ້ປະຊາຄົມວິສາຫະກິດດີຈີຕອນຂອງ ຫວຽດນາມ ອອກສູ່ໂລກ ແມ່ນໜຶ່ງໃນບັນດາໜ້າທີ່ຈຸດສຸມເຊິ່ງກະຊວງຖະແຫຼງຂ່າວ ແລະ ການສື່ສານ ຫວຽດນາມ ພວມສຸມໃສ່ຜັນຂະຫຍາຍ.

(VOVWORLD) - ໃນຊຸມປີມໍ່ໆມານີ້, ທ່າກ່ຳປັ່ນ ດ່າໜັງ, ນະຄອນ ດ່າໜັງ ຂອງ ຫວຽດນາມ ໄດ້ເສີມຂະຫຍາຍບັນດາຜົນງານຂອງການປະຕິວັດອຸດສາຫະກຳ 4.0 ຢ່າງມີປະສິດທິຜົນ ເພື່ອພັດທະນາວິສາຫະກິດຕາມທິດທັນສະໄໝ, ກ້າວໜ້າ ແລະ ຍືນຍົງ, ຕາມນັ້ນແລ້ວ, ການເຄື່ອນໄຫວທຸລະກຳກໍວ່ອງໄວ, ຊັດເຈນ ແລະ ທັນເວລາ, ປະຢັດເວລາ ແລະ ຄ່າໃຊ້ຈ່າຍ. ວິວັດການຫັນເປັນດີຈີຕອນຢ່າງແຮງ, ສົມທົບກັບບັນດາຜະລິດຕະພັນເຕັກໂນໂລຢີ Make in Vietnam, ໄດ້ຊ່ວຍໃຫ້ທ່າກ່ຳປັ່ນດ່າໜັງ ນຳໃຊ້ ແລະ ຂຸດຄົ້ນວິວັດການຜະລິດໄດ້ຢ່າງສູງສຸດ, ຫຼຸດຜ່ອນຄ່າໃຊ້ຈ່າຍ ແລະ ຍົກສູງສະມັດຕະພາບການຂຸດຄົ້ນ ແລະ ມຸ່ງໄປເຖິງການສ້າງທ່າກ່ຳປັ່ນອັດສະລິຍະ ແລະ ທ່າກ່ຳປັ່ນສີຂຽວ.

(VOVWORLD) - ໃນຄວາມມານະພະຍາຍາມຫັນຍຸດທະສາດ Make in Viet nam ໃຫ້ປາກົດຜົນເປັນຈິງນັ້ນ, ອັນທີ່ເອີ້ນວ່າ Querychat ເຊິ່ງແມ່ນການບໍລິການມຸ່ງໄປສູ່ສາງເກັບມ້ຽນຂໍ້ມູນ ບົນພື້ນຖານຄອມພິວເຕີກຸ່ມເມກ ຂອງ Got It ອັນໄດ້ສ້າງຄວາມສົນໃຈຢ່າງໃຫຍ່ຫຼວງໃນວົງການເຕັກໂນໂລຊີ ຂໍ້ມູນຂ່າວສານ ເພາະວ່າໄດ້ບັນຈຸປະລິມານພູມປັນຍາສູງ. ສາມປີນັບແຕ່ເມື່ອເປີດໂຕ ເມື່ອປີ 2019 ມາຮອດປັດຈຸບັນບັນດານັກຊ່ຽວຊານຂອງ Got It ໄດ້ມີການປັບປຸງ ເພື່ອໃຫ້ Querychat ສາມາດປັບຕົວໃຫ້ແທດເໝາະກັບການພັດທະນາຂອງຍຸກສະໄໝ.

(VOVWORLD) -ກົກໆ ແມ່ນບໍລິສັດ startup ທາງດ້ານເຕັກໂນໂລຢີຂອງ ຫວຽດນາມ ໂດຍເປັນທີ່ຮູ້ຈັກກັນດີກັບ ໂປຼແກຼມ ແລະ ເຄື່ອງມືຄົ້ນຫາ. ນັບແຕ່ຕອນສ້າງຕັ້ງມາຮອດປັດຈຸບັນ, ກົກໆ ຍາມໃດກໍສຸມໃສ່ພັດທະນາຕາມທິດນຳທີ່ວ່າ “ຊ່ວຍນຳມາເຊິ່ງຄວາມສຸກໃຫ້ແກ່ຄົນ ຫວຽດ ດ້ວຍການນຳໃຊ້ຄວາມສາມາດບົ່ມຊ້ອນໃນໂລກດີຈີຕອນຢ່າງສຸດຂີດ” ແລະ “ຜູ້ນຳໃຊ້ແມ່ນສຳຄັນທີ່ສຸດ” – user first.

(VOVWORLD) -ໄປພ້ອມກັບການພັດທະນາຊີວິດ, ສັງຄົມ, ປັດຈຸບັນ, ມາດຕະການເຮືອນຢູ່ອັດສະລິຍະ ພວມນັບມື້ນັບໄດ້ຮັບຄວາມນິຍົມຊົມຊອບຈາກຫຼາຍຄອບຄົວ. ດ້ວຍການໝູນໃຊ້ເຕັກໂນໂລຢີທັນສະໄໝ, ເຮືອນຢູ່ອັດສະລິຍະ ບໍ່ພຽງແຕ່ຊ່ວຍໃຫ້ເຮືອນຂອງທ່ານມີຄວາມສະດວກກວ່າເທົ່ານັ້ນ, ຫາກຍັງຊ່ວຍໃຫ້ທ່ານຍົກລະດັບຊີວິດການເປັນຢູ່ດ້ວຍເຄື່ອງໃຊ້ຢ່າງຄົບຖ້ວນ. ມາດຕະການເຮືອນຢູ່ອັດສະລິຍະ Lumi ແມ່ນໜຶ່ງໃນຈຳນວນນັ້ນ, ເຊິ່ງໄດ້ຮັບການຄົ້ນຄວ້າ ແລະ ສ້າງຕັ້ງຂຶ້ນແຕ່ປີ 2012. Lumi ແມ່ນເຄື່ອງໝາຍການຄ້າທຳອິດກ່ຽວກັບເຮືອນຢູ່ອັດສະລິຍະ ຫວຽດນາມ ໄດ້ຮັບໃບຢັ້ງຢືນ ບັນລຸມາດຕະຖານເອີຣົບ CE ແລະ ໃບຢັ້ງຢືນເປັນຜະລິດຕະພັນທີ່ເໝາະສົມ ແລະ ໄດ້ມາດຕະຖານ (QUACERT) ທີ່ຢັ້ງຢືນຜະລິດຕະພັນພູມປັນຍາ ຫວຽດ, “Make in Vietnam”

(VOVWORLD) - ກຸ່ມບໍລິສັດ Phenikaa, ແມ່ນເຄື່ອງໝາຍການຄ້ານຳໜ້າ, ມີອິດທິພົນຊື່ສຽງຢູ່ ຫວຽດນາມ ແລະ ສາກົນ ກ່ຽວກັບວັດສະດຸທີ່ກ້າວໜ້າ, ວັດສະດຸນຳໃຊ້ໃນລະບົບນິເວດລະດັບສູງ, ຜະລິດຕະພັນອັດສະລິຍະ, ວິທີການແກ້ໄຂແບບອັດສະລິຍະ ແລະ ການຜະລິດອັດສະລິຍະ ທີ່ຫາກໍ່ເປີດນຳໃຊ້ໂຮງງານເອເລັກໂຕນິກອັດສະລິຍະ ແລະ ເຄື່ອງໝາຍ ຫຼອດໄຟ Led ສ່ອງແສງສະຫວ່າງPhenikaa Lighting ເພື່ອສຸຂະພາບແຫ່ງທຳອິດຢູ່ ຫວຽດນາມ. ດ້ວຍລະບົບນິເວດຄົບວົງຈອນ ຕາມຮູບແບບ 3 ຮ່ວມສຳພັນລະຫວ່າງ (ການສຶກສາ - ວິທະຍາສາດ - ການຜະລິດດຳເນີນທຸລະກິດ), Phenikaa ພວມຄ່ອຍໆປະຕິບັດຄວາມຄາດຫວັງປະກອບສ່ວນເຂົ້າໃນການພັດທະນາຄວາມເກັ່ງກ້າສາມາດ ແລະ ພູມປັນຍາ ຫວຽດ, ສ້າງບັນດາຜົນງານໃນການຄົ້ນຄ້ວາວິທະຍາສາດ, ເຕັກໂນໂລຢີ ທີ່ມີລັກສະນະນຳໃຊ້ເປັນສ່ວນໃຫຍ່ເຂົ້າໃນການດຳລົງຊີວິດຢູ່ລະດັບສູງ, ມີຜົນສະທ້ອນຢ່າງບຸກທະລຸໃນຂະແໜງເສດຖະກິດ ແລະ ວິທະຍາສາດ ຂອງຫວຽດນາມ.

(VOVWORLD) -ເອກະສານການເມືອງຂອງກອງປະຊຸມໃຫຍ່ຄັ້ງທີ XIII ຂອງພັກ ໄດ້ກຳນົດການຫັນເປັນດິຈີຕອນແຫ່ງຊາດ ແມ່ນຫນ້າທີ່ສຳຄັນຍິ່ງ, ຕິດພັນກັບ 3 ເສົາຄ້ຳຕົ້ນຕໍ ນັ້ນແມ່ນ ລັດຖະບານດິຈີຕອນ, ພື້ນຖານເສດຖະກິດດິຈີຕອນ, ສັງຄົມດິຈີຕອນໃນໄລຍະຜ່ານມາ, ຫວຽດນາມ ມີຄວາມເອົາໃຈໃສ່ເປັນພິເສດທີ່ວຽກງານຫັນປ່ຽນດີຈີຕອນ, ມຸ່ງໄປເຖິງລັດຖະບານດິຈີຕອນ, ພື້ນຖານເສດຖະກິດດິຈີຕອນ . ມີຫລາຍໂຄງການ, ມາດຕະການ ໄດ້ຍົກອອກມາ ເພື່ອແນໃສ່ເປົ້າໝາຍຊອກຫາ ແລະ ແບ່ງປັນບັນດາມາດຕະການຫັນເປັນດິຈີຕອນ ເພື່ອຊ່ວຍ ຫວຽດນາມ ພັດທະນາກະໂດດຂັ້ນ, ປະກອບສ່ວນນຳ ຫວຽດນາມ ກາຍເປັນປະເທດພັດທະນາຢ່າງຈະເລີນຮຸ່ງເຮືອງ.