ចំណង់ចំណូលចិត្តដាំដើមឈើលំអលើតុនៅ​វៀតណាម

មិត្ត បាន ថានីតា និងមិត្តអ្នកស្ដាប់ជាទីមេត្រី!

ដើមឈើលំអលើតុកំពុងក្លាយទៅជានិន្នាការរបស់មនុស្សជាច្រើនរូប ដើម្បីតុបតែងលំអកន្លែងសិក្សាររៀនសូត្រ តុធ្វើការ តុតុបតែងខ្លួន ហាងលក់កាហ្វេ ឬក៏ការិយាល័យធ្វើការជាដើម។ អាចនិយាយបានថា៖ វត្តមានរបស់ដើមឈើបៃតង មិនត្រឹមតែធ្វើឲ្យខ្យល់មានភាពបរិសុទ្ធប៉ុណ្ណោះទេ ថែមទាំងជួយបន្ធូរស្រាលភាពតានតឹង និងនាំមកនូវសិរីសួស្ដី លាភសំណាងជូនមនុស្សទៀតផង។ ដើមឈើមិនត្រឹមតែស្រស់ស្អាតដោយសារសោភ័ណភាពតូចច្រឡឹងប៉ុណ្ណោះទេ ថែមទាំងដោយសារផើងផ្ការ ដែលធ្វើពីវត្ថុធាតិដើមដ៏វិសេសវិសាលដូចជាកុលាលភាជន៍ ប៉សឺឡែន និងឈើទៀតផង។

លក្ខណៈទូទៅនៃដើមឈើលើតុ គឺមានរូបរាងតូចច្រឡឹង និងងាយស្រូលលើកដាក់។ ដើមឈើទាំងនេះរួមមានប្រភេទដើមឈើដាំលើដី ឬដើមឈើដាំក្នុងទឹក។ ជាពិសេស ដើមឈើមួយចំនួនត្រូវបានបត់ពត់ឲ្យចេញជារូបរាង Bonsai គួរឲ្យចម្លែកភ្នែកណាស់។ លោកស្រី Nguyen Thu Huong ម្ចាស់ហាងលក់ដើមឈើបៃតងមួយរូបនៅវិថី Hoang Hoa Tham ទីក្រុងហាណូយបានឲ្យដឹងថា៖

“ក្នុងរយៈពេល ១ ឆ្នាំថ្មីៗនេះ តម្រូវការទិញដើមឈើលំអការិយាល័យគឺចាប់ផ្ដើមមានការអភិវឌ្ឍ ហើយតម្រូវការនេះកាន់តែកើនឡើងពីមួយថ្ងៃទៅមួយថ្ងៃ។ នាបច្ចុប្បន្ននេះ ការិយាល័យធ្វើការមានទំហំតូចល្មម ព្រមទាំងមានឧបការណ៍សម្ភារៈ និងឯកសារធ្វើការជាច្រើនទៀត។ ហេតុដូច្នេះហើយ យើងត្រូវការដើមឈើ ដើម្បីតុបតែងលម្អទីកន្លែងធ្វើការ និង ធ្វើឲ្យខ្យល់មានភាពបរិសុទ្ធផងដែរ”។

ដើម្បីឆ្លើយតបនឹងតម្រូរការជ្រើសរើសទិញប្រភេទដើមឈើលំអលើតុនេះ នាបច្ចុប្បន្ននៅទីផ្សារ អ្នកលក់បានដាក់លក់ ដើមឈើជាច្រើនប្រភេទ និងសម្បូរបែប។ ផើងផ្កានីមួយៗមានតម្លៃពី ៨ ហ្មឺនដុង ដល់ ២៥ ហ្មឺនដុង។ លោកស្រី Nguyen Thi Huong Quynh អតិថិជនស្រឡាញ់ចូលចិត្តដើមឈើលើតុមួយរូបនៅវិថី Hoang Quoc Viet ទីក្រុងហាណូយបានចែករំលែកថា៖

“នាងខ្ញុំដាំដើមឈើលំអក្នុងរយៈពេលជាង ១ ឆ្នាំហើយ។ ចាប់ពីពេលដាំដើមឈើមក នាងខ្ញុំមានអារម្មណ៍បន្ធូរស្រាលភាពតានតឹង ហើយធ្វើឲ្យខ្យល់មានភាពបរិសុទ្រនៅក្នុងការិយាស័យធ្វើការ។ នាងខ្ញុំចូលចិត្តដើមឈើ Kim Ngan ណាស់ ដោយសារតាមហុងស៊ុយគឺមានន័យថា “មាសប្រាក់”។ ដើមឈើនេះ មិនត្រឹមតែងាយស្រួលថែរក្សាប៉ុណ្ណោះទេ ថែម ទាំងអាច រីកលូតលាស់ យ៉ាង ល្អ នៅក្នុងបន្ទប់មានម៉ាស៊ីនត្រជាក់ទៀតផង”។

ទោះបីជាប្រភេទដើមឈើ Kim Ngan Kim Tien Truong Sinh De Dai Vuong Phat Loc និង Loc Van ក៏ដោយ ដើមឈើលើតុហាក់ដូចជានាំធម្មជាតិខិតមកជិតមនុស្សថែមទៀត ហើយធ្វើឲ្យបរិយាកាសរស់នៅរបស់យើងមានភាពរស់រវើក និងទាក់ភ្នែកទៀតផងដែរ។

លោកអ្នកនាងជាទីមេត្រី! សង្ឃឹមថាលោកអ្នកនាងនឹងពេញចិត្តនូវព័តមានដែលយើងខ្ញុំទើបផ្តល់ជូន។ សូមអស់លោកអ្នកនាងផ្ញើសំបុត្រមកយើងខ្ញុំតាមអាស័យដ្ឋាន៖ កម្មវិធីផ្សាយជាភាសាខ្មែរ គណកម្មការកិច្ចការបរទេស វិទ្យុសម្លេងវៀតណាមលេខ ៤៥ វិថី Ba Trieu ទីក្រុងហាណូយ ឬ email: vov5khmer@gmail.com។ លោកអ្នកនាងអាចស្តាប់និងអានឡើងវិញរាល់ខ្លឹមសាររបស់កម្មវិធីផ្សាយជាភាសាខ្មែរលើគេហទំព័រ www.vovworld.vn.។កម្មវិធីប្រអប់សំបុត្រយើងខ្ញុំសូមបញ្ចប់នៅត្រឹមនេះ។សូមជួបអស់លោកអ្នកនាងនាសប្តាហ៍ខាងមុខ៕