(VOVworld) - នៅសប្ដាហ៍កន្លងទៅ កាណាល់ជាតិផ្សាយជាភាសាបរទេស
វិទ្យុសម្លេងវៀត ណាម​ទទួលបានសំបុត្រនិងការហៅទូរស័ព្ទប្រមាណ២០០ពីមិត្ត
អ្នកស្ដាប់ មកពីគ្រប់ទិសទីលើពិភពលោក។ក្នុងកម្មវិធីប្រអប់សំបុត្រមិត្តអ្នកស្ដាប់
ពេលនេះ យើងខ្ញុំសូមឱទ្ទេសនាមជាមួយលោកអ្នកនាងនិងប្រិយមិត្តអំពីពិធីបុណ្យ
ខ្មោច (ពិធីបុណ្យ Halloween) នៅវៀតណាម តាមសំណូមពររបស់លោក Richard
Lemke នៅប្រទេសអាមេរិក។
មិត្តវ័យក្មេងតុបតែងមុខទៅលេង Halloween

ជ្រាបចូលក្នុងវៀតណាមចាប់ពីទសវត្សមុនមក ពិធីបុណ្យ​ Halloween កំពុង
ក្លាយទៅជាពិធីបុណ្យកាន់តែពេញនិយមនៅវៀតណាមពីមួយថ្ងៃទៅមួយថ្ងៃ។ជា
រៀងរាល់ឆ្នាំ បណ្ដាសាលារៀន ផ្សារទំនើប ភោជនីយដ្ឋាន និងគ្រួសារសុទ្ធតែ
រៀបចំសកម្មភាពទទួលពិធីបុណ្យនេះ ដោយមានរូបភាពសម្បូរបែប។ក្នុងប៉ុន្មាន
ឆ្នាំកន្លងមក នាយប់ថ្ងៃទី៣១ តុលា ដែលជាថ្ងៃប្រព្រឹត្តទៅពិធីបុណ្យ Halloween
នៅតាមវិថីនានាក្នុងមជ្ឈមណ្ឌលទីក្រុងធំៗដូចជារដ្ឋធានីហាណូយ និងទីក្រុង
ហូជីមិញ សុទ្ធតែរងការកកស្ទះដោយសារមានមនុស្សជាច្រើនធ្វើដំណើរទៅលេង
កំសាន្តក្នុងសម្លៀកបំពាក់តុបតែងជាខ្មោច។ Nguyen Duc Thien ជានិស្សិតឆ្នាំទី២នៃ
មហាវិទ្យាល័យ Ton Duc Thang ទីក្រុងហូជីមិញបានសំណេះសំណាល ថា៖
“នាបច្ចុប្បន្ន ពិធីបុណ្យ Halloween ប្រព្រឹត្តទៅតែនៅតាមតំបន់មជ្ឈមណ្ឌល
ដែលប្រមូលផ្ដុំជនបរទេសច្រើន ហើយមានការចូលរួមរបស់ជនវ័យក្មេងប៉ុណ្ណោះ។
ប៉ុន្តែ ខ្ញុំគិតថា ថ្ងៃណាមួយពិធីបុណ្យនេះនឹងអភិវឌ្ឍន៍កាន់តែទូលំទូលាយដូចនៅ
ប្រទេសលោកខាងលិច។ជាធម្មតា នៅទិវាបុណ្យផ្សេងៗនៅវៀតណាម ទាំងអស់
គ្នាតែងតែស្លៀកពាក់ខោអាវស្អាត ប៉ុន្តែចំពោះទិវាបុណ្យនេះ ត្រូវស្លៀកពាក់ខោ
អាវអាក្រក់និងចម្លែក។ប្រការនេះពិសេសណាស់”។
តាមរឿងព្រេងពីគ្រិស្តសាសនាថា ទិវា Halloween ជាទិវាមួយដើម្បីមនុស្ស
គ្រប់រូបឧទ្ទិសបួងសួងជូនដល់វិញ្ញាណក្ខ័ន្ទសាច់ញាតិដែលបានលាចាកលោក។
នាទិវានេះ គ្រិស្តសាសនិកតែងតែស្លៀកពាក់សម្លៀកបំពាក់តុបតែងជាខ្មោច​
ហើយដើរពី ផ្ទះនេះទៅផ្ទះនោះដើម្បីសុំនំបុ័ងដែលជានិមិត្តរូបនៃចំណីអាហារ
សំរាប់ព្រលឹងវិញ្ញាណ។ពួកគេជឿជាក់ថា សុំបាននំបុ័ងច្រើន​ គឺព្រលឹងរបស់សាច់
ញ្ញាតិកាន់ តែទទួលបានការឧទ្ទិសកុសលច្រើន។អាចនិយាយបានថាពិធីបុណ្យ
​ Halloween មានលក្ខណៈស្រដៀងគ្នាជាមួយថ្ងៃពេញបូណ៍មី ខែជេស នៅវៀត
ណាមឬគេហៅថាទិវា លើកលែងទោសព្រលឹងវិញ្ញាណនៅវៀតណាម។ប៉ុន្តែ
ជនវៀតណាមតែងតែទទួលទិវា ពេញបូណ៍មី នៅតាមគ្រួសារ ហើយផ្ដោតការ
យកចិត្តទុកដាក់ដល់ ពិធីសែនព្រេន ច្រើនជាង។រីឯនៅប្រទេសលោកខាងលិច
គេតែងតែប្រមូលផ្ដុំយ៉ាង ច្រើនកុះករក្នុងទិវាបុណ្យ Halloween ដើម្បីរៀបចំសកម្ម
ភាពលេងកំសាន្ត។ លោកស្រី Shantel អ្នកគ្រូជនជាតិកាណាដាមួយរូបដែល
កំពុងរស់នៅទីក្រុង ហាណូយបានចែករំលែកថា៖
“នៅកាណាដា​ Halloween​ ជាទិវាបុណ្យធំមួយ។មនុស្សគ្រប់រូបតុបតែងមុខ
លេងកំសាន្ត ហើយទៅសុំស្ករគ្រាប់។នៅពេលខ្ញុំតូចៗ ខ្ញុំធ្លាប់សុំបានស្ករគ្រាប់ជា
ច្រើន ។រីឯជនវៀតណាម គេមិនទទួលពិធីបុណ្យ Halloween ដូច្នេះទេ។ទិវានេះ
ហាក់ដូចជាឱកាសដើម្បីយុវជនប្រមូលផ្ដុំលេងកំសាន្ត"។
ប្អូនៗកុមារក៏ចូលចិត្តទិវាបុណ្យ Halloween ដែរ

ក្នុងប៉ុន្មានឆ្នាំកន្លងមក វៀតណាមបើកទ្វារទាំងខាងសេដ្ឋកិច្ចនិងខាងវប្បធម៌
ផង។ដោយហេតុនេះរាល់លក្ខណៈវប្បធម៌ដែលមានប្រភពដើមពីប្រទេសដទៃលើ
ពិភពលោក ជាពិសេសគឺប្រទេសអឺរ៉ុបនានា កំពុងជ្រៀបចូលវៀតណាមកាន់តែ
ច្រើនពីមួយថ្ងៃទៅមួយថ្ងៃ។ទិវាបុណ្យធំៗរបស់លោកខាងលិចដូចជាទិវាបុណ្យ
បន្លំ ខែមេសា ទិវាបុណ្យក្ដីស្រឡាញ់ ទិវាបុណ្យខ្មោច ឬទិវាបុណ្យណូអែល នា
បច្ចុប្បន្ន ត្រូវបានជំនាន់វ័យក្មេងជួយជ្រោមជ្រែងយ៉ាងសកម្ម។ហើយការលាយ
ឡំវប្បធម៌ រវាងលក្ខណៈបុរាណនិងឱឡារឹកនៃទ្វីបអាស៊ីជាមួយនឹងលក្ខណៈទំ
នើបនិងភាពផុលផុសនៃទ្វីបអឺរ៉ុប ធ្វើឲ្យវៀតណាមកាន់តែក្លាយទៅជាទីកន្លែងគួរ
ឲ្យទាក់ទាញ ចំពោះភ្ញៀវទេសចរអន្តរជាតិ។
សង្ឃឹមថា អស់លោកអ្នកនាងនិងប្រិយមិត្តពេញចិត្តជាមួយព័ត៌មានពោល
ខាង លើ។រាល់សំណួររបស់ប្រិយមិត្តសូមផ្ញើរមកអាស័យដ្ឋាន៖កម្មវិធីផ្សាយជា
ភាសា ខ្មែរ កាណាល់ផ្សាយជាភាសាបរទេស វិទ្យុសម្លេងវៀតណាម លេខ៤៥
វិថី Ba Trieu ខ័ណ្ឌ Hoan​ Kiem​ រដ្ឋធានីហាណូយឬ email៖ vov5khmer@yahoo.
com.vn។លោកអ្នកនាងក៏អាចស្ដាប់ឬអានឡើងវិញកម្មវិធីផ្សាយជាប្រចាំថ្ងៃនៅ
លើគេហទំព័រ www.vovworld.vn។សូមជួបអស់ប្រិយមិត្តនាសប្ដាហ៍ខាងមុខ៕