(VOVWORLD) -ກວ໋າງນີງ ແມ່ນທ້ອງຖິ່ນ ມີພື້ນຖານໂຄງລ່າງພັດທະນາ, ດ້ວຍສະຫນາມບິນ, ທ່າກຳປັ່ນທະເລ, ເສັ້ນທາງຄວາມໄວສູງ. ການບໍລິການ Logistics ໄດ້ຮັບການກຳນົດວ່າແມ່ນຂະແຫນງບໍລິການສຳຄັນ ສວມບົດບາດໃນການຫນູນຊ່ວຍ, ເຊື່ອມຕໍ່ ແລະ ຊຸກຍູ້ການພັດທະນາເສດຖະກິດ ສັງຄົມ, ຊ່ວຍໃຫ້ແຂວງ ກວ໋າງນີງ ກາຍເປັນສູນ ບໍລິການ Logistics ຢູ່ເຂດທາງພາກເຫນືອຫວຽດນາມ. ໄລຍະຜ່ານມາ ແຂວງກວ໋າງນີງ ໄດ້ສຸມໃສ່ລົງທຶນພື້ນຖານໂຄງລ່າງ, ກະກຽມທຸກເງື່ອນໄຂສະດວກເພື່ອພັດທະນາ ບໍລິການ Logistics.

(VOVWORLD) -ສືບຕໍ່ເລື່ອງເຂົ້າເປັນສະມາຊິກອົງການການຄ້າໂລກ (WTO) ເມື່ອປີ 2007, ໃນຊຸມປີມໍ່ໆມານີ້ ຫວຽດນາມ ໄດ້ເຊັນສັນຍາການຄ້າສຳຄັນຫລາຍສະບັບກັບບັນດາຄູ່ຮ່ວມມືເສດຖະກິດໃຫຍ່, ພົ້ນເດັ່ນແມ່ນສັນຍາຄູ່ຮ່ວມມືຮອບດ້ານ ແລະ ກ້າວຫນ້າຂ້າມ ປາຊີຟິກ (CPTPP) ແລະ ສັນຍາການຄ້າເສລີ ຫວຽດນາມ - ສະຫະພາບເອີລົບ (EVFTA), ເປີດກາລະໂອກາດທີ່ດີໃຫ້ຊາວກະສິກອນສົ່ງອອກຜະລິດຕະພັນກະເສດ. ເຖິງຢ່າງໃດກໍຕາມ, ມີນັກຊ່ຽວຊານ, ນັກວາງແຜນກຳນົດດ້ານເສດຖະກິດຫລາຍທ່ານຢູ່ ພາຍໃນ ແລະ ຕ່າງປະເທດ ໄດ້ກ່າວເຕືອນວ່າ ໄປຄຽງຄູ່ກັບບັນດາກາລະໂອກາດໃຫຍ່ນັ້ນ ອາດຈະມີສິ່ງທ້າທາຍຫລາຍຢ່າງບໍ່ແມ່ນຫນ້ອຍສຳລັບຂະແຫນງກະສິກຳ ແລະຊາວກະສິກອນຫວຽດນາມ.

(VOVWORLD) -ໃນສະພາບການປະຕິວັດອຸດສາຫະກຳຄັ້ງທີ 4 ພວມພັດທະນາຢ່າງແຮງ, ປັດໄຈສຳຄັນແຖວຫນ້າເພື່ອພັດທະນາປະຈຸບັນ ບໍ່ແມ່ນຊັບພະຍາກອນທຳມະຊາດ, ແຫລ່ງກຳລັງດ້ານການເງິນ ຫາກແມ່ນປັນຍາ, ວິທະຍາສາດ ເຕັກໂນໂລຊີ, ແນວຄວາມຄິດປ່ຽນໃຫມ່ການປະດິດຄິດສ້າງ ແລະ ຄຸນນະພາບແຫລ່ງຊັບພະຍາກອນມະນຸດ. ບັນດາປັດໄຈນີ້ໄດ້ຮັບຖືວ່າ ແມ່ນຄວາມສາມາດບົ່ມຊ້ອນ, ທ່າແຮງຂອງຊາວຫວຽດນາມ. ເພື່ອນຳຫວຽດນາມ ກາຍເປັນປະເທດອຸດສາຫະກຳ, ທັນສະໄຫມໂດຍໄວ, ກ່ອນອື່ນໝົດຕ້ອງມີການປ່ຽນແປງຈີນຕະນາການການກະທຳ.

(VOVWORLD) -ເສດຖະກິດລວມໝູ່ດ້ວຍຫລັກແຫລ່ງແກ່ນສານແມ່ນສະຫະກອນ ແມ່ນພາກສ່ວນເສດຖະກິດສຳຄັນໃນການພັດທະນາຂອງຫວຽດນາມ. ໄລຍະຜ່ານມາ, ສະພາບການໂລກເວົ້າລວມ ແລະ ຫວຽດນາມ ເວົ້າສະເພາະ ມີການຜັນແປຢ່າງສັບສົນ ແຕ່ພາກສ່ວນສະຫະກອນ ຍັງຄົງເຄື່ອນໄຫວເປັນປົກກະຕິ ແລະ ພັດທະນາເທື່ອລະກ້າວໃນແຕ່ລະປີ.

(VOVWORLD) -ດ້ວຍພົນລະເມືອງ 1,4 ຕື້ຄົນ, ຈີນ ແມ່ນປະເທດນຳຫນ້າໃນທົ່ວໂລກກ່ຽວກັບການນຳເຂົ້ານ້ຳນົມ ແລະ ຜະລິດຕະພັນນ້ຳນົມ ແລະ ກໍ່ແມ່ນຕະຫລາດບົ່ມຊ້ອນສຳລັບບັນດາວິສາຫະກິດສົ່ງອອກຜະລິດຕະພັນນ້ຳນົມຂອງຫວຽດນາມ. ນີ້ແມ່ນກາລະໂອກາດໃຫຍ່ສຳລັບຂະແຫນງລ້ຽງງົວນົມ ແລະ ຜະລິດ ປຸງແຕ່ງນ້ຳນົມຂອງຫວຽດນາມ ໄປໄກກວ່າ. ກາລະໂອກາດໃຫມ່ສຸດຂອງກຸ່ມບໍລິສັດ TH ຫາກໍ່ສົ່ງອອກ ໂຄຕ້າ ນ້ຳນົມ ເຂົ້າຕະຫລາດ ຈີນ.

(VOVWORLD) -ໂດຍແມ່ນແຂວງພູດອຍຕັ້ງຢູ່ເຂດຊາຍແດນ ດ້ວຍ ປະຫວັດສາດ, ທັດສະນີຍະພາບສວຍງາມຫລາຍແຫ່ງ … ແຂວງ ກາວບັ່ງ ໄດ້ກຳນົດວ່າ ເສດຖະກິດດ່ານຊາຍແດນ ແລະ ການທ່ອງທ່ຽວ ແມ່ນປາຍແຫລມໃນການພັດທະນາເສດຖະກິດໃນຊຸມປີຈະມາເຖິງ. ສະນັ້ນ ວິທີການເຊື່ອມຕໍ່ດ້ານຄົມມະນາຄົມເຖິງບັນດາດ່ານຊາຍແດນ, ເຂດທ່ອງທ່ຽວຢູ່ບໍລິເວນ ກາວບັ່ງ ໄດ້ຮັບການສ້າງຂຶ້ນ. ເພື່ອຜັນຂະຫຍາຍຄວາມສາມາດບົ່ມຊ້ອນທ່າແຮງດ້ານເສດຖະກິດດ່ານຊາຍແດນ, ຕິດພັນກັບການພັດທະນາການທ່ອງທ່ຽວ, ແຂວງ ກາວບັ່ງ ໄດ້ສ້າງວິທີການເຊື່ອມຕໍ່ດ້ານຄົມມະນາຄົມບັນດາດ່ານຊາຍແດນ, ຊຸກຍູ້ການພັດທະນາການທ່ອງທ່ຽວຢູ່ບໍລິເວນ.

(VOVWORLD) -ປັນຍາປະດິດ (AI) ໄດ້ຮັບຖືວ່າ ແມ່ນຫນຶ່ງໃນບັນດາເຕັກໂນໂລຊີຫລັກແຫລ່ງຂອງການປະຕິວັດອຸດສາຫະກຳ 4.0. ການພັດທະນາປັນຍາປະດິດໄດ້ຮັບຖືວ່າແມ່ນກາລະໂອກາດໃຫມ່ໃຫ້ແກ່ຫວຽດນາມ ໃນຍຸກດີຈີຕອນ, ຜ່ານການເຊື່ອມຕໍ່ບັນດາພາກສ່ວນໃນເຂດປັນຍາປະດິດຈາກສະຖາບັນຄົ້ນຄວ້າ, ມະຫາວິທະຍາໄລ, ວິສາຫະກິດ, ກຸ່ມເຕັກໂນໂລຊີ ຕະຫລອດຮອດບັນດາວິສາຫະກິດ Startup.

(VOVWORLD) -ພົ້ນເດັ່ນຂຶ້ນຢູ່ໃນແຜນທີ່ເສດຖະກິດຫວຽດນາມ, ບີ່ງເຢືອງ ແມ່ນຫນຶ່ງໃນບັນດາທ້ອງຖິ່ນນຳຫນ້າໃນການສ້າງສະພາບແວດລ້ອມເປັນມິດ ແລະ ດຶງດູດການລົງທຶນຢ່າງມີປະສິດທິຜົນ. ເພື່ອຮັບໃຊ້ໃຫ້ເປົ້າໝາຍພັດທະນາຮອບດ້ານ, ແຂວງ ບີ່ງເຢືອງ ໄດ້ຜັນຂະຫຍາຍການກໍ່ສ້າງນະຄອນໃຫມ່ ດ້ວຍຫລາຍກິດຈະກຳທັນສະໄຫມທີ່ສຸດ. ນີ້ໄດ້ຮັບຖືວ່າ ແມ່ນກິດຈະກຳຈຸດສຸມ ໃນໄລຍະໃຫມ່ ຊື່ງອົງຄະນະພັກ, ອຳນາດການປົກຄອງ ແລະ ປະຊາຊົນແຂວງ ບີ່ງເຢືອງ ຕັດສິນໃຈກໍ່ສ້າງເພື່ອແນໃສ່ເປົ້າໝາຍພັດທະນາຢ່າງຮອບດ້ານ, ໝັ້ນຄົງ.

(VOVWORLD) -ໄລຍະຜ່ານມາ, ແຂວງ ບີ່ງເຢືອງ ບັນລຸໄດ້ໝາກຜົນສຳຄັນຫລາຍຢ່າງໃນຂົງເຂດການຕ່າງປະເທດ ດ້ວຍການຈັດຕັ້ງຫລາຍເຫດການສຳເລັດຜົນດ້ວຍຂອບຂະຫນາດສາກົນ. ຜ່ານນັ້ນ ຫນູນຊ່ວຍກິດຈະການພັດທະນາເສດຖະກິດສັງຄົມຂອງແຂວງ ຢ່າງຕັ້ງຫນ້າ. ແຂວງ ກໍ່ໄດ້ຕ້ອນຮັບຫລາຍຄະນະຜູ້ແທນສາກົນຂັ້ນສູງ, ບັນດາຄະນະຜູ້ແທນການທູດ, ບັນດາກຸ່ມບໍລິສັດໃຫຍ່, ບັນດາຄະນະວິສາຫະກິດຕ່າງປະເທດມາຢ້ຽມຢາມ ແລະ ເຮັດວຽກຢູ່ ທ້ອງຖິ່ນ. ໃນສະພາບການໂລກາພິວັດ ແລະ ເຊື່ອມໂຍງເຂົ້າກັບສາກົນນັບມື້ນັບເລິກເຊິ່ງກວ້າງຂວາງ, ແຂວງ ບີ່ງເຢືອງ ໄດ້ ແລະ ພວມມານະພະຍາຍາມເພີ່ມທະວີການຮ່ວມມືສອງຝ່າຍ ແລະ ຫລາຍຝ່າຍ ເພື່ອແນໃສ່ຍູ້ແຮງການພັດທະນາເສດຖະກິດ ສັງຄົມ ນັບມື້ນັບໝັ້ນຄົງກວ່າ ຊື່ງແມ່ນຫນຶ່ງໃນບັນດາຫນ້າທີ່ຈຸດສຸມ ແມ່ນສຸມໃສ່ແຫລ່ງກຳລັງ ເພື່ອແນໃສ່ຜັນຂະຫຍາຍປະຕິບັດແຜນຮ່າງ “ນະຄອນ ອັດສະລິຍະ - ບີ່ງເຢືອງ” ແລະ ຍຸດທະສາດບຸກທະລຸ “ບີ່ງເຢືອງ Navigator 2021”.

(VOVWORLD) -ໃນໄລຍະຜ່ານມາ, ວຽກງານການພົວພັນຕ່າງປະເທດປະຊາຊົນແຂວງ ບ່າເຣັ້ຍຫວຸ້ງເຕົ່າ ມີການເຄື່ອນໄຫວທີ່ແທດຈິງ, ລະອຽດຫຼາຍຢ່າງ, ປະກອບສ່ວນສຳຄັນເຂົ້າໃນພາລະກິດພັດທະນາເສດຖະກິດ-ສັງຄົມຂອງແຂວງ.