(VOVWORLD) -ປີ 2022 ຮ່າໂນ້ຍ ແມ່ນທ້ອງຖິ່ນທຳອິດໃນທົ່ວປະເທດ ປະກາດໃຊ້ມະຕິຫົວເລື່ອງວ່າດ້ວຍການພັດທະນາອຸດສາຫະກຳວັດທະນະທຳ, ວາງເປົ້າໝາຍພັດທະນາຂະແໜງອຸດສາຫະກຳວັດທະນະທຳນະຄອນຫຼວງຢ່າງຮອບດ້ານ ນັບທັງທາງດ້ານຂອບຂະໜາດ,ຄຸນນະພາບຜະລິດຕະພັນການບໍລິການ ແລະ ຕະຫຼາດ, ນຳອຸດສາຫະກຳວັດທະນະທຳກາຍເປັນຂະແໜງເສດຖະກິດປາຍແຫຼມຂອງນະຄອນຫຼວງ. ຮ່າໂນ້ຍ ໄດ້ ແລະ ພວມມານະພະຍາຍາມຫັນກຳລັງແຮງທາງດ້ານວັດທະນະທຳກາຍເປັນແຫຼ່ງກຳລັງຊຸກຍູ້ການພັດທະນາແບບຍືນຍົງຂອງນະຄອນຫຼວງ.

(VOVWORLD) -ບໍ່ພຽງແຕ່ມີທິວທັດທຳມະຊາດທີ່ໃຫຍ່ໂຕມະໂຫຖານເທົ່ານັ້ນ ແຂວງ ລາຍເຈົາ ຍັງມີພື້ນຖານວັດທະນະທຳຫຼາກຫຼາຍສີສັນຂອງຊາວຊົນເຜົ່າ. ໂດຍເສີມຂະຫຍາຍຄວາມສາມາດບົ່ມຊ້ອນ ແມ່ນດິນແດນແຫ່ງວັດທະນະທຳອຸດົມສົມບູນ, ແຂວງ ລາຍເຈົາໄດ້ອະນຸລັກຮັກສາສີສັນວັດທະນທຳບັນດາເຜົ່າຕິດພັນກັບການພັດທະນາການທ່ອງທ່ຽວ

(VOVWORLD) - ຢູ່ແຂວງເຊີນລາ, ຊາວເຜົ່າຢ້າວຕ່ຽນສ່ວນຫຼາຍແມ່ນດຳລົງຢູ່ເມືອງໝົກເຈົາ, ວັນໂຮ່ ແລະຝູ່ອຽນ.ກໍ່ເຊັ່ນດຽວກັນກັບວົງຄະນາຍາດຊາວເຜົ່າຢ້າວຕ່ຽນແລະບາງກຸ່ມເຜົ່າຢ້າວອື່ນໆຢູ່ ຫວຽດນາມ, ຊາວເຜົ່າຢ້າວຕ່ຽນຢູ່ທີ່ນີ້ຍັງຄົງສາມາດຮັກສາບັນດາຈຸດວັດທະນະທຳທີ່ເປັນເອກະລັກ,ໃນນັ້ນຕ້ອງເວົ້າເຖິງບຸນເຕັ້ນລຳ.

(VOVWORLD) -ຟ້ອນ ແຊ ເຜົ່າຜູ້ໄທ ແມ່ນປະເພດສິລະປະທີ່ເປັນເອກະລັກໃນຊີວິດວັດມະນະທຳ ແລະ ການເຫຼື້ອມໃສ ຂອງພໍ່ແມ່ພີ່ນ້ອງເຜົ່າຜູ້ໄທ ໃນແຂວງ ເຊີນລາຢູ່ເຂດ ເຕິຍບັກ ທາງທິດຕາເວັນຕົກພາກເໜືອ ຫວຽດນາມ. ທີ່ພິທີເຊີດຊູ “ສິລະປະຟ້ອນ ແຊ ເຜົ່າຜູ້ໄທ” ໂດຍອົງການ Unesco ໄດ້ເຊີດຊູແມ່ນມໍລະດົກວັດທະນະທຳ ບໍ່ເປັນວັດຖຸ ເປັນຕົວແທນຂອງມວນມະນຸດ ໂດຍຄະນະກຳມະການປະຊາຊົນແຂວງ ເຊີນລາ ຈັດຂຶ້ນເມື່ອບໍ່ດົນມານີ້, ພໍ່ແມ່ນພີ່ນ້ອງເຜົ່າຜູ້ໄທ ແລະ ປະຊາຊົນບັນດາເຜົ່າໃນແຂວງ ເຊີນລາ ຍິ່ງເພີ່ມຄວາມເອກອ້າງທະນົງໃຈ ແລະ ພາກພູມໃຈ ກຳນົດວ່າຈະພ້ອມກັນຮັກສາ ແລະ ເສີມຂະຫຍາຍສິລະປະຟ້ອນແຊ ໃນຊີວິດຍຸກປັດຈຸບັນໃຫ້ດີຍິ່ງໆຂຶ້ນ.

(VOVWORLD) -ຟ້ອນແຊແມ່ນປະເພດສິລະປະເປັນເອກະລັກໃນຊີວິດວັດທະນະທຳແລະການເຫຼື້ອມໃສຂອງພໍ່ແມ່ພີ່ນ້ອງເຜົ່າຜູ້ໄທຢູ່ບນດາເຂດເຕິຍບັກທາງທິດຕາເວັນຕົກພາກເໜືອຫວຽດນາມເຊິ່ງລວມມີເຊີນລາ, ດ້ຽວບຽນ, ອຽນບ໊າຍ, ລາຍເຈົາ... ເພື່ອຈັດງານບຸນຟ້ອນແຊທີ່ຟົດຟື້ນມ່ວນຊື່ນກໍ່ບໍ່ອາດຂາດເຄື່ອງດົນຕີປະເພດຕ່າງໆຄືແຄນ, ກອງ, ຄ້ອງ..

(VOVWORLD) - ເຖິງວ່າໄປໃສ, ຢູ່ໃສກໍ່ຕາມ, ແຕ່ປະຊາຊົນເຊື້ອຊາດ ຫວຽດນາມ ຍາມໃດກໍ່ອວ່າຍໜ້າເມືອຫາກົກເຄົ້າເຫງົາກໍ, ຍາມໃດກໍ່ອະນຸລັກຮັກສາຄຸນຄ່າທີ່ເປັນມູນເຊື້ອອັນລ້ຳຄ່າຂອງຊາດ, ການເຂົ້າວັດເພື່ອຂໍຄວາມສະຫງົບສຸກ, ຄວາມໂຊກດີແມ່ນຕົວຢ່າງໜຶ່ງ.

(VOVWORLD) -ມໍລະດົກວັດທະນະທຳໂລກ ພະລາດຊະວັງ ທັງລອງ ແມ່ນກຸ່ມປູຊະນີຍະສະຖານວັດທະນະທຳປະຫວັດສາດພິເສດ ຕິດພັນກັບກຸງ ທັງລອງ - ຮ່າໂນ້ຍ. ກິດຈະກຳສະຖາປັດຕະຍະກຳທີ່ໃຫຍ່ໂຕນີ້ ຖືກກໍ່ສ້າງໃນຫຼາຍໄລຍະປະຫວັດ ແມ່ນປູຊະນີຍະສະຖານທີ່ສຳຄັນອັນດັບໜຶ່ງ ໃນລະບົບບັນດາປູຊະນີຍະສະຖານຢູ່ ຫວຽດນາມ. ຍ້ອນເຫດນັ້ນ ວຽກງານອະນຸລັກຮັກສາເສີມຂະຫຍາຍຄຸນຄ່າພະລາດຊະວັງ ທັງລອງ ຕ້ອງເຮັດແນວໃດໃຫ້ສົມກັບຂອບຂະໜາດຂອງມໍລະດົກ ຍາມໃດກໍ່ໄດ້ຮັບຄວາມເອົາໃຈໃສ່ຜັນຂະຫຍາຍຈາກອຳນາດການປົກຄອງນະຄອນຫຼວງ ຮ່າໂນ້ຍ ແລະ ວົງການນັກວິທະຍາສາດ ແລະ ບັນດາອົງການທີ່ກ່ຽວຂ້ອງ

(VOVWORLD) - ກ່ອນນີ້ 103 ປີ ກົງກັບຄ່ຳຄືນວັນເພງເດືອນ 8 ປີ 1919 ຢູ່ບ້ານ ຫວິງເຮືອງ ເມືອງ ແທັກຮວ່າ ແຂວງ ບາກລຽວ ປັດຈຸບັນແມ່ນຕາແສງ ສອງ ນະຄອນ ບາກລຽວ ໄດ້ປາກົດມີບົດປະພັນວັນນະຄະດີສິລະປະທີ່ເປັນເອກະລັກ ເຮັດໃຫ້ຜູ້ຄົນທັງຫຼາຍມີຄວາມສະດຸ້ງໃຈ ນັ້ນແມ່ນບົດເພງ ຢະໂກ໋ ຮວ່າຍລາງ ຂອງອະດີດນັກດົນຕີ ກາວວັນເລົ່າ. ນັບແຕ່ນັ້ນມາບົດເພງນີ້ໄດ້ກາຍເປັນບົດເພງອຳມະຕະ ໃນພື້ນຖານສິລະປະ ເຊິ່ງຕິດພັນກັບຊື່ສຽງຮຽງນາມຂອງນັກສິລະປິນຫຼາຍຄົນ ພ້ອມກັບສິລະປະຂັບ ກ໋າຍເລືອງ ຫວຽດນາມ

(VOVWORLD) -ພາຍຫຼັງຖືກຕັດຕອນເປັນເວລາສອງປີ ຍ້ອນໂລກລະບາດໂຄວິດ - 19, ລາຍການສະແດງດົນຕີປະສານສຽງ “ສິ່ງທີ່ຍັງຍືນຍົງຄົງຕົວຕະຫຼອດການ” ປີ 2022 ໂດຍກະຊວງ ຖະແຫຼງຂ່າວ ແລະ ສື່ສານ ຫວຽດນາມ ຊີ້ນຳນັ້ນ ໄດ້ກັບຄືນສູ່ການເຄື່ອນໄຫວໃນວັນທີ 2 ກັນຍາ ຢູ່ໂຮງລະຄອນໃຫຍ່ ຮ່າໂນ້ຍ. ດ້ວຍຫົວຂໍ້ “ຄວາມຄາດຫວັງ ຫວຽດນາມ” ລາຍການ ສະແດງດົນຕີປະສານສຽງລະດັບຊາດ “ສິ່ງທີ່ຍືນຍົງຄົງຕົວຕະຫຼອດການ” ປີ 2022, ນອກຈາກສະແດງໃຫ້ເຫັນຄວາມຄາດຫວັງຢ່າງແຮງກ້າຂອງຊາດ ຫວຽດນາມ ຜ່ານຜ່າຄວາມຫຍຸ້ງຍາກລຳບາກ ໄດ້ຟື້ນຕົວ ແລະ ສ້າງສາປະເທດຊາດ ໃຫ້ກາຍເປັນປະເທດຈະເລີນຮຸ່ງເຮືອງ ເຂັ້ມແຂງ ວັດທະນາຖາວອນນັ້ນ, ກໍຍັງມີພາກໜຶ່ງເຊີດຊູຖັນແຖວແພດໝໍ ພາຍຫຼັງການເຄື່ອນໄຫວຕ້ານໂລກລະບາດດ້ວຍຄວາມເຄັງຕຶງ ເປັນເວລາຍາວນານ.

(VOVWORLD) -ກວ່າ 20 ປີທີ່ຜ່ານມາອ້າຍດັ້ງວັນເຮົ້າຢູ່ບ້ານຊວັນລາຕາແສງເຟື້ອງຢຶກ ເມືອງຝູຊວຽນຮ່າໂນ້ຍໄດ້ຮຽນຮູ້ ແລະຄົ້ນຄວ້າ, ປັບປຸງບັນດາຜະລິດຕະພັນຕໍ່ແຮ່ ເຊິ່ງແມ່ນຮູບປັ້ນເຄື່ອງຫຼິ້ນພື້ນເມືອງຂອງເດັກຢູ່ ຫວຽດນາມດ້ວຍສັດປະເພດຕ່າງໆຖືກປັ້ນດ້ວຍແປ້ງ. ບໍ່ພຽງແຕ່ຮັກສາອາຊີບທີ່ມີມາແຕ່ດົນນານຂອງໝູ່ບ້ານຕໍ່ແຮ່ ຊວັນລາ ດ້ວຍຄວາມເກັ່ງກ້າສາມາດແລະຄວາມເມົາມົວ, ນັກສິລະປະການໜຸ່ມດັ້ງວັນເຮົ້າຍັງນຳອາຊີບປັ້ນຮູບດ້ວຍແປ້ງມາສູ່ພໍ່ແມ່ພີ່ນ້ອງ ແລະ ແຂກທ່ອງທ່ຽວທັງຢູ່ພາຍໃນແລະຕ່າງປະເທດ