(VOVWORLD) - ລັດ ຫວຽດນາມ ຍາມໃດກໍ່ກຳນົດ: ເອົາໃຈໃສ່ ຜູ້ມີຄຸນງາມຄວາມດີຕໍ່ປະເທດຊາດ ແມ່ນຫນ້າທີ່ສຳຄັນ, ມີຄວາມໝາຍວັດທະນະທຳມະນຸດອັນສູງສົ່ງ. ບໍ່ພຽງແຕ່ມີບັນດາການເຄື່ອນໄຫວເອົາໃຈໃສ່ຜູ້ມີຄຸນງາມຄວາມດີໃນໂອກາດວັນທີ 27 ກໍລະກົດ (ວັນທະຫານເສຍອົງຄະນັກຮົບເສຍສະຫລະຊີວິດເພື່ອຊາດ) ປະຈຳປີ ເທົ່ານັ້ນ, ຫາກ ພັກ, ລັດຖະບານ, ທຸກຂັ້ນ, ຂະແຫນງການ, ອົງການຈັດຕັ້ງມະຫາຊົນ ແລະ ປະຊາຊົນໃນທົ່ວປະເທດ ຍັງຕັ້ງຫນ້າເຂົ້າຮ່ວມບັນດາຂະບວນການ “ຕອບບຸນແທນຄຸນ”, “ທົ່ວປວງຊົນເບິ່ງແຍງບັນດາຄອບຄົວທະຫານເສຍອົງຄະ, ນັກຮົບເສຍສະຫລະຊີວິດເພື່ອຊາດ ແລະ ຜູ້ມີຄຸນງາມຄວາມດີຕໍ່ປະເທດຊາດ” ຢູ່ທຸກຈຸດເວລາໃນປີ.

(VOVWORLD) - ປະຊາຊົນບັນດາເຜົ່າ ຢູ່ເຂດພູສູງ ເຊີນລາ ທີ່ເຊື່ອຖືບາງສາສະຫນາຄື: ສາສະຫນາພຸດ, ສາສະຫນາ ກາໂຕລິກ, ໂປແຕສຕັງ.. ໄດ້ກຳນົດວ່າ ອົງການສາສະຫນາ ແລະ ປະຊາຊົນຖືສາສະຫນາແມ່ນພາກສ່ວນຫນຶ່ງທີ່ສຳຄັນໃນກຸ່ມກ້ອນມະຫາສາມັກຄີທົ່ວປວງຊົນທັງຊາດ, ມີການປະກອບສ່ວນຫລາຍຢ່າງໃຫ້ແກ່ການພັດທະນາເສດຖະກິດສັງຄົມຂອງ ທ້ອງຖິ່ນ, ແຂວງ ເຊີນລາ ໄດ້ ແລະ ພວມມີຄວາມເອົາໃຈໃສ່, ສ້າງເງື່ອນໄຂໃຫ້ແກ່ບັນດາອົງການສາສະຫນາ ປະຕິບັດທິດນຳ “ຢູ່ໃນສິນກິນໃນທຳ”, ສາມັກຄີ ແລະ ພັດທະນາ.

(VOVWORLD) - ວັນທີ 2 ກໍລະກົດ, ແຂວງ ກວ໋າງນີງ ຈັດຕັ້ງກອງປະຊຸມໄຈ້ແຍກບັນດາດັດຊະນີປະຕິຮູບ, ດັດຊະນີຄວາມພໍໃຈຂອງປະຊາຊົນ ແລະ ປະກາດໝາກຜົນການຈັດອັນດັບບັນດາດັດຊະນີຂອງບັນດາພະແນກ, ຂະແຫນງການ, ທ້ອງຖິ່ນ ໃນບໍລິເວນແຂວງ ປີ 2020. ຕາມນັ້ນແລ້ວ ປີ 2020 ແມ່ນປີທຳອິດແຂວງ ທີ່ນຳຫນ້າທັງ 4 ຕາຕະລາງຈັດອັນດັບດັດຊະນີແກ້ງແຍ່ງຂັ້ນແຂວງ, ດັດຊະນີປະຕິຮູບດ້ານບໍລິຫານ, ດັດຊະນີຄວາມພໍໃຈຂອງປະຊາຊົນ, ອົງການຈັດຕັ້ງສຳລັບການຮັບໃຊ້ປະຊາຊົນ, ວິິິສາຫະກິດຂອງອົງການບໍລິຫານລັດ ແລະ ດັດຊະນີປະສິດທິຜົນການຄຸ້ມຄອງ ແລະ ບໍລິຫານສາທາລະນະ. ຕໍ່ຈາກຜົນສຳເລັດນີ້ ກວ໋າງນີງ ພວມສືບຕໍ່ຍາດແຍ່ງທ່າແຮງບົ່ມຊ້ອນ, ມຸ່ງໄປສູ່ພື້ນຖານບໍລິຫານຮັບໃຊ້ປະຊາຊົນ, ວິສາຫະກິດໃຫ້ດີສຸດ.

(VOVWORLD) - ໃນສະພາບໂລກລະບາດໂຄວິດ 19 ລະບາດຮອບໃຫມ່, ມີປະຊາຊົນຫລາຍຄົນຢູ່ແຂວງ ຕຽນຢາງ ປະສົບກັບຄວາມຫຍຸ້ງຍາກຫລາຍຢ່າງຍ້ອນວ່າງງານ. ເຂົາເຈົ້າໄດ້ຮັບການຊ່ວຍເຫລືອທາງໄກຈາກບັນດາອົງການ, ສ່ວນບຸກຄົນ ເພື່ອພ້ອມກັນຜ່ານຜ່າຄວາມຫຍຸ້ງຍາກ. ຕະຫລາດນັດ 0 ດົ່ງ (ບໍ່ເກັບຄ່າ) ຢູ່ ຕາແສງ ລອງດິ້ງ ເມືອງເຈົາແທ່ງ ແຂວງ ຕຽນຢາງ ແມ່ນແບບຢ່າງກ່ຽວກັບການຊ່ວຍເຫລືອທີ່ມີຄວາມໝາຍນັ້ນ.

(VOVWORLD) - ຂະແຫນງສາທາລະນະສຸກ ນະຄອນ ໂຮ່ຈີມິນ ພວມລະດົມ ພະນັກງານການແພດນັບຮ້ອຍໆອົງການການແພດຂອງເອກະຊົນ, ຂອງລັດ ແລະ ຂອງກຳລັງກອງທັບ, ຕຳຫລວດ ໃນບໍລິເວນນະຄອນ ກວ່າ 5000 ຄົນ ເພື່ອຮັບໃຊ້ໃຫ້ບັ້ນສັກວັກຊິນກັນໂຄວິດ 19 ຄັ້ງໃຫຍ່ສຸດ ນັບແຕ່ກ່ອນມາຮອດປະຈຸບັນ ດ້ວຍ 836.000 ໂດສພາຍໃນເວລາ 7 ວັນ. ບັນດາພະນັກງານການແພດ ທັງຮັບປະກັນຫນ້າທີ່ວິໄຈຫາເຊື້ອ ທັງຄົ້ນຫາປະຫວັດການສຳຜັດ ແລະ ປະຈຸບັນ ພວມສຸມກຳລັງເຫື່ອແຮງເພື່ອຮັບໃຊ້ບັ້ນສັກວັກຊິນ ຄັ້ງໃຫຍ່ສຸດໃນປະຫວັດສາດຢູ່ ນະຄອນໂຮ່ຈີມິນ ດ້ວຍຄວາມເຊື່ອໝັ້ນຍູ້ໂລກລະບາດໂຄວິດ 19 ໃຫ້ຖອຍໄປ.

(VOVWORLD) - ໂດຍຕັ້ງຢູ່ເຂດໄຕງວຽນ, ແຂວງ ຢາລາຍ ປະຈຸບັນ ມີ 44 ຊົນເຜົ່າສ່ວນຫນ້ອຍດຳລົງຊີວິດຮ່ວມກັນ, ໃນນັ້ນ ມີ 43 ຊົນເຜົ່າສ່ວນຫນ້ອຍ ດ້ວຍພົນລະເມືອງປະມານ 700.000 ຄົນ, ກວມເອົາເກືອບເຄິ່ງຫນຶ່ງພົນລະເມືອງຂອງທົ່ວແຂວງ. ໃນຊຸມປີຜ່ານມາ, ຍ້ອນມີການປະກອບສ່ວນຂອງຜູ້ມີອິດທິພົນຊື່ສຽງໃນວົງຄະນາຍາດຊົນເຜົ່າສ່ວນຫນ້ອຍ, ແຂວງ ຢາລາຍ ສາມາດບັນລຸໄດ້ບັນດາຜົນງານເປັນຫນ້າຊື່ນຊົມໃນທຸກຂົງເຂດ.

(VOVWORLD) -ຕໍ່ຫນ້າສະພາບການໂລກລະບາດໂຄວິດ 19 ຜັນແປໄປຢ່າງສັບສົນ ພ້ອມກັບຄວາມມານະພະຍາຍາມຂອງທົ່ວພັກ ທົ່ວປວງຊົນ, ໃນຊຸມມື້ຜ່ານມາ ມີວຽກງານເຄື່ອນໄຫວການກຸສົນຫລາຍຢ່າງທີ່ແທດຈິງ ຕິດພັນກັບການປ້ອງກັນ ສະກັດກັ້ນໂລກລະບາດໂຄວິດ 19 ສືບຕໍ່ໄດ້ຮັບການຜັນຂະຫຍາຍຢູ່ຫລາຍບ່ອນ ໂດຍມີການເຂົ້າຮ່ວມຂອງຫລາຍອົງການ, ສ່ວນບຸກຄົນ ນັບທັງນັກຮຽນ ນັກສຶກສາຕະຫລອດຮອດຜູ້ເຖົ້າຜູ້ແກ່ ລ້ວນແຕ່ຮ່ວມແຮງຮ່ວມໃຈປະກອບສ່ວນກຳລັງເຫື່ອແຮງ, ວັດຖຸເຄື່ອງໃຊ້...ພ້ອມກັນຍູ້ໂລກລະບາດໃຫ້ຖອຍໄປ.

(VOVWORLD) - ບັນດາຜູ້ທີ່ກ່ອນນີ້ມີການກະທຳຜິດທີ່ເຄີຍເດີນຕາມກຸ່ມພວກປະຕິການ Fulro ພາຍຫລັງສິ້ນສຸດໄລຍະດັດສ້າງ ກັບຄືນເມືອບ້ານ ເຂົາເຈົ້າຍາມໃດກໍ່ໄດ້ຮັບຄວາມເອົາໃຈໃສ່, ສ້າງເງື່ອນໄຂເພື່ອນຳຊີວິດເຂົ້າສູ່ປົກກະຕິຈາກອຳນາດການປົກຄອງແຂວງ. ເຂົາເຈົ້າສ່ວນຫລາຍພາຍຫລັງເຊື່ອມຕົວເຂົ້າກັບວົງຄະນາຍາດກໍລ້ວນແຕ່ປະຕິບັດບັນດານະໂຍບາຍແລະກົດໝາຍຂອງລັດ, ສ້າງຊີວິດທີ່ອີ່ມໜຳສຳລານສົມບູນພູນສຸກ.

(VOVWORLD) -ຄວາມຂະຫຍັນຂັນເຄື່ອນ, ປະດິດຄິດສ້າງ, ກ້າຄິດກ້າທຳ, ແມ່ຍິງ ແຂວງ ກວ໋າງບີ່ງ ພວມມານະພະຍາຍາມອອກແຮງງານທຳການຜະລິດ, Stard up ດຳເນີນທຸລະກິດ ຢືນຢັນບົດບາດກຳລັງຄວາມສາມາດຂອງຕົວເອງ ພ້ອມທັງປະກອບສ່ວນບໍ່ແມ່ນຫນ້ອຍເຂົ້າໃນວິວັດການພັດທະນາບ້ານເກີດເມືອງນອນ, ປະເທດຊາດ.

(VOVWORLD) - ສະໂມສອນ “ເພື່ອນຊ່ວຍເພື່ອນ” ຢູ່ ຕາແສງ ອີອາບັງ ເມືອງ ດັກດວາ ແຂວງ ຢາລາຍ ໄດ້ຮັບການສ້າງຕັ້ງຂຶ້ນເມື່ອວັນທີ 4 ກັນຍາ ປີ 2020. ນີ້ແມ່ນຮູບແບບສະໝັກໃຈ ຊ່ວຍຜູ້ທີ່ສິ້ນສຸດການປະຕິບັດຄຳຕັດສິນຈຳຄຸກຂອງສານ ແລ້ວເມື່ອກັບຄືນບ້ານເກີດເມືອງນອນເພື່ອເຊື່ອມຕົວເຂົ້າກັບວົງຄະນາຍາດຄືນໃຫມ່.