(VOVWORLD) - ជាបុគ្គលមួយក្នុងចំណោមបុគ្គលទាំង១៤រូប ដែលត្រូវបានប្រគល់កិត្តិនាមជា “ពលរដ្ឋគំរូវ័យក្មេង” នៃទីក្រុងហូជីមិញ អ្នកស្រី Nguyen Hong Truc Vi (អាយុ២៨ឆ្នាំ) ក៏ជាបេក្ខជនតែម្នាក់គត់ដែលតំណាងឲ្យផ្នែកវប្បធម៌ សិល្បៈនៃទីក្រុងផងដែរ។ មុននោះ Truc Vi ក៏បានចូលរួមសម្ដែងហើយនាងដណ្ដើមបានរង្វាន់លេខ១នៃការប្រកួតទេពកោសល្យ សៀកទូទាំងប្រទេសឆ្នាំ២០២១នៅទីក្រុងហាណូយ ហើយត្រូវបានក្រសួងវប្បធម៌ កីឡានិងទេសចរណ៍ផ្ដល់ការលើកសរសើរ។ ដើម្បីមានស្នាដៃដូចថ្ងៃនេះ Vi ត្រូវតែឆ្លងកាត់ដំណើរការដ៏វែងមួយនៃការប្រឹងប្រែងហ្វឹកហាត់យ៉ាងស្វិតស្វាញ។

(VOVWORLD) - បុរស Tran Dang Van Tai និស្សិតឆ្នាំទី១នៃសាលាជាន់ខ្ពស់បច្ចេកវិទ្យា Thu Duc ជាយុវជនមួយរូបក្នុងចំណោមយុវជនចំនួន ១៤រូប ដែលទើបបានសម្ព័ន្ធយុវជនទីក្រុង ហូជីមិញប្រគល់កិត្តិនាមជា “ពលរដ្ឋគំរូវ័យក្មេងទីក្រុងហូជីមិញ” ឆ្នាំ២០២១។ Tran Dang Van Tai មិនត្រឹមតែសិក្សារៀនសូត្រពូកែប៉ុណ្ណោះទេ ថែមទាំងចូលរួមយ៉ាងសកម្ម ក្នុងការងារប្រយុទ្ធប្រឆាំងនឹងជម្ងឺរាតត្បាតទៀតផង។ ស្មារតីបម្រើ សហគមន៍ដោយ ស្ម័គ្រចិត្តរបស់ Tai បានបង្ហាញពីថាមពលយុវវ័យដែលចូលរួមចំណែកក្នុងការកសាង ទីក្រុង ហូជីមិញឲ្យកាន់តែអារិយ្យធម៌ ទំនើបនិងប្រកបដោយសេចក្ដីស្រឡាញ់។

(VOVWORLD) - លោកស្រី Phan Thi Mai អាយុ៥២ឆ្នាំ នៅភូមិ Khanh Hung A ឃុំ Khanh Hai ស្រុក Tran Van Thoi ខេត្ត Ca Mau ជាគ្រិស្តសាសនិកម្នាក់។ លោកស្រីតែងតែប្រកាន់យ៉ាងខ្ជាប់នឹងការប្រៀនប្រដៅពីព្រះគម្ពីរ ហើយអនុវត្តន៍ប្រការដ៏ល្អប្រសើរនោះនៅក្នុងជីវភាពប្រចាំថ្ងៃ។ ការស្រឡាញ់និងការចែករំលែកគឺជាពាក្យស្លោករបស់លោកស្រី Mai ដើម្បីរស់នៅឲ្យបានល្អទាំងខាងផ្លូវលោកទាំងខាងផ្លូវធម៌។

(VOVWORLD) - អាស្រ័យដោយមានឆន្ទៈនិងកម្លាំងចិត្តដ៏មោះមុត កញ្ញាជនជាតិ Dao ឈ្មោះChao Thi Yen នៅភូមិ Ngam Xa ឃុំ Nam Chac ស្រុក Bat Xat ខេត្ត Lao Cai បានផ្លាស់ប្ដូរជីវិត ដោយខ្លួនឯង។ ជក់ចិត្តនឹងការសិក្សា ហើយឆ្លងកាត់ដំណើរការមួយពោរពេញទៅ ដោយការលំបាកសាកល្បង ដើម្បីជាទីចុងក្រោយទទួលបានរង្វាន់ដ៏ថ្លៃថ្លាដែលជា អាហារូបករណ៍ដ៏ពេញលេញរបស់សហភាពអឺរ៉ុប។ Yen គឺជាប្រភពបំផុសគំនិតសម្រាប់ មិត្តវ័យក្មេងជនជាតិ Dao ជាច្រើននិយាយដោយឡែកនិងបងប្អូនជនជាតិភាគតិច និយាយរួម។

(VOVWORLD) - អស់រយៈពេលជាង២០ឆ្នាំផ្សាភ្ជាប់នឹងអនុវិទ្យាល័យ Nguyen Truong To ឃុំ Ea H Ding ស្រុក Cu M’gar ខេត្ត Dak Lak លោកគ្រូ Luong Huu Hai ទោះបីរស់នៅតែម្នាក់ឯងក្នុងផ្ទះសំណាក់ តែលោកគ្រូបានជួយឲ្យសិស្សានុសិស្សក្រីក្ររាប់រយនាក់ មិនត្រូវបោះបង់ចោលការរៀនសូត្រពាក់កណ្ដាលឡើយ។ មិនត្រឹមតែបង្ហាត់បង្រៀនអក្សរប៉ុណ្ណោះទេ លោកគ្រូថែមទាំងជួយប្អូនៗនៅឆ្ងាយពីសាលារៀនមានកន្លែងស្នាក់នៅដោយឥតគិតថ្លៃ ហើយចលនាទិញសម្លៀកបំពាក់ សៀវភៅ កង់ជូនសិស្សានុសិស្សក្រលំបាក ទទួលទំនុកបម្រុងសិស្សានុសិស្សដែលមានស្ថានភាពពិសេស ជួយប្អូនៗបានទៅសាលារៀនដើម្បីចិញ្ចឹមក្ដីសុបិន។

(VOVWORLD) - ជានាយទាហានស្ត្រីដំបូងគេរបស់វៀតណាមដែលត្រូវបានបញ្ជូនទៅបំពេញបេសកកម្មរក្សាសន្តិភាពនៅស៊ូដង់ខាងត្បូង អ្នកស្រី Do Thi Hang Nga កម្មាភិបាលនៃមជ្ឈមណ្ឌលរក្សាសន្តិភាពវៀតណាម (បច្ចុប្បន្នជានាយកដ្ឋានរក្សាសន្តិភាពវៀតណាម - ក្រសួងការពារប្រទេស) បានជំនះលើបញ្ហាប្រឈមជាច្រើន។ នេះជានាយទាហានម្នាក់ក្នុងចំណោមនាយទាហានវៀតណាម២នាក់ ដែលត្រូវបានអង្គការសហប្រជាជាតិ (អ.ស.ប) វាយតម្លៃថា បានសម្រេចភារកិច្ចយ៉ាងល្អប្រពៃបំផុត។

(VOVWORLD) - ដោយមានទឹកចិត្តមេត្តាករុណា ភិក្ខុនី Thich Nu Lien Tam ព្រះចៅ អធិការវត្ត Buu Tam នៅភូមិ Phuoc An ឃុំ Phu Tan ស្រុក Chau Thanh ខេត្ត Soc Trang បានរួមដៃជាមួយអាជ្ញាធរមូលដ្ឋានចម្អិនអាហារសម្រាប់ ជូនដល់ប្រជាជនដែលកំពុងធ្វើចត្តាឡីស័កដោយសារផលប៉ះពាល់នៃជម្ងឺ កូវីដ-១៩។

(VOVWORLD) - លោក Vu Huu Le នាយកក្រុមហ៊ុនទទួលខុសត្រូវមានកម្រិត មេកានិច សាងសង់និងដំឡើង Hong Ha ទីក្រុង Yen Bai ជាបុគ្គលមួយនាក់ក្នុងចំណោមបុគ្គលឆ្នើមចំនួន៦នាក់ ដែលទើបបានលើកតម្កើងនៅកម្មវិធី ភាពរុងរឿងវៀតណាម ឆ្នាំ២០២១ ដោយមានស្នាដៃឆ្នើមៗក្នុងការធ្វើពលកម្ម ផលិតកម្ម; ការច្នៃប្រឌិតដោយឥតឈប់ឈរ ហ៊ានគិតហ៊ានធ្វើហ៊ានលះបង់ រួមចំណែកយ៉ាងសក្តិសមដល់ការអភិវឌ្ឍរបស់ប្រទេសជាតិ។ នៅខេត្ត Yen Bai លោកត្រូវបានមនុស្សរាល់គ្នាស្គាល់ដល់ដោយការជក់ចិត្តស្រាវជ្រាវ ផលិតម៉ាស៊ីន ឧបករណ៍កសិកម្មសម្រាប់បម្រើការធ្វើយន្តូបនីយកម្មក្នុងវិស័យកសិកម្ម រុក្ខកម្ម។

(VOVWORLD) - ធំដឹងក្ដីនៅស្រុក Huong Khe ខេត្ត Ha Tinh សាស្ត្រាចារ្យរង បណ្ឌិត គ្រូបង្រៀនប្រជាជន លោក Hoang Van Khoan ជានិច្ចកាលមានអត្តចរិតដ៏មោះ មុតតែស្លូតបូតរបស់មនុស្សដែលបានប្រសូត្រឡើងក្នុងលំហវប្បធម៌ Lam Hong។ តាំងពីចាប់ផ្ដើមការងារជាគ្រូបង្រៀនរហូតដល់ពេលនេះលោកមានអាយុជាង ៨០ឆ្នាំទៅហើយ លោកនៅតែជក់ចិត្តនឹងការស្វែងរកអាថិ៍កំបាំងនៅក្រោមដី ហើយបង្កើតឡើងសំណង់ស្រាវជ្រាវវិទ្យាសាស្ត្រជាច្រើន។

(VOVWORLD) - នៅតាមតំបន់ឆ្ងាយដាច់ស្រយាល តំបន់ដែលមានលក្ខណៈលំបាក ពិសេស តែងតែមានលោកគ្រូ អ្នកគ្រូដែលខិតខំប្រឹងប្រែងជំនះពុះពារលើការ លំបាក ដើម្បីសម្រេចបេសកកម្មបណ្ដុះមនុស្ស។ ក្នុងនាទីមនុស្សវៀតណាមថ្ងៃ នេះ សូមអញ្ជើញលោកអ្នកនាងនិងប្រិយមិត្តជួបសំណេះសំណាលជាមួយ លោកគ្រូ Hoang Van Ninh ជាគ្រូបង្រៀន វ័យក្មេងម្នាក់ជាមួយនឹងក្ដីសុបិន បង្រៀនអក្សរដល់កុមារនៅតំបន់ក្រីក្របំផុតនៃទីរួមខេត្ត Sapa ខេត្ត Lao Cai។