(VOVWORLD) -ວັດເຢີຍໝາຍເຖິງວັດເຈຍ ຫຼື ຍັງເອີ້ນວ່າວັດມະຫາຕູບ ແມ່ນກຸ່ມສະຖາປັດຕະຍາກຳທີ່ພົ້ນເດັ່ນໃນການເຫຼື້ອມໃສ ຂອງພໍ່ແມ່ພີ່ນ້ອງຊາວເຜົ່າຂະແມ, ຫ່າງຈາກນະຄອນ ຊອັກຈັງ ປະມານ 30 ກິໂລແມັດ ໄປທາງທິດຕາເວັນອອກສ່ຽງໃຕ້. ມາຢ້ຽມຢາມແຫ່ງນີ້, ແຂກທ່ອງທ່ຽວບໍ່ພຽງແຕ່ໄດ້ຢ້ຽມຊົມຄວາມງາມທີ່ເປັນເອກະລັກສະເພາະ ຂອງວັດເກົ່າແກ່ທີ່ມີອາຍຸ 400 ປີເທົ່ານັ້ນ, ຫາກຍັງໄດ້ເຊື່ອມຕົວເຂົ້າກັບທຳມະຊາດທີ່ລຶກລັບມະຫັດສະຈັນ ດ້ວຍບັນດາຝູງເຈຍທີ່ແຂວນຕົວຢູ່ທຸກໆງ່າໄມ້ໃນບໍລິເວນວັດ

(VOVWORLD) -ເກິນເທີບໍ່ພຽງແຕ່ມີຊື່ສຽງດ້ວຍທິວທັດທຳມະຊາດ ທີ່ເປັນໜ້າຈັບອົກຈັບໃຈ, ຊາວທ້ອງຖິ່ນມີຈິດໃຈຮັກແພງແຂກຄົນເທົ່ານັ້ນ, ຢູ່ແຫ່ງນີ້ຍັງມີຄວາມດູດດື່ມດ້ວຍບັນດາສວນຕົ້ນໄມ້ກິນໝາກທີ່ສຸກເຫຼືອງ ຢູ່ເຂດດິນສັນດອນທີ່ອຸດົມສົມບູນທີ່ພາກໃຕ້. ເມື່ອມາຢ້ຽມຊົມບັນດາເຂດສວນຕົ້ນໄມ້ກິນໝາກຢູ່ເກິນເທີ, ແຂກທ່ອງທ່ຽວຈະໄດ້ເຊື່ອມຕົວເຂົ້າກັບບັນຍາກາດທີ່ປອດໂປ່ງ, ເຢັນສະບາຍຢູ່ເຂດບ້ານນາ, ໄດ້ຍ່າງເລາະຫຼິ້ນ, ໄດ້ຊີມໝາກໄມ້ຊະນິດຕ່າງໆທີ່ຫາກໍ່ເດັດເອົາຈາກງ່າໄມ້ ຫຼື ໄດ້ຊີມບັນດາເຍື່ອງອາຫານທີ່ປຸງແຕ່ງ ຈາກສິນພິເສດຢູ່ເຂດແມ່ນ້ຳລຳເຊພາກໃຕ້ຫວຽດນາມ

(VOVWORLD) -ດ້ວຍອ່າງເກັບນ້ຳຢູ່ເຂດເຂື່ອນໄຟຟ້າ ກວ້າງກວ່າ 10.500 ເຮັກຕາ, ພ້ອມກັບທິວທັດທຳມະຊາດ ທີ່ສວຍງາມຫຼາຍແຫ່ງ, ກວິ່ງຍາຍ ອຸປະມາດັ່ງ “ອ່າວຮ້າລອງເທິງບົກ” ຂອງເຂດໄຕບັກ (ເຂດທາງທິດຕາເວັນຕົກສ່ຽງເໜືອ). ຢູ່ແຫ່ງນີ້ຍັງແມ່ນດິນແດນທີ່ເຂັ້ມຂົ້ນໄປດ້ວຍສີສັນວັດທະນະທຳ, ມີຫຼາຍງານບຸນປະເພນີທີ່ເປັນເອກະລັກ ຂອງຊຸມຊົນເຂດແມ່ນຳ້ລຳເຊ ລຽບຕາມສອງຟາກຝັ່ງແມ່ນ້ຳດາ.

(VOVWORLD) -ໃນການຕໍ່ຕ້ານ ຕ້ານຈັກກະພັດອາເມລິການກູ້ຊາດ, ທາງຫຼວງເລກ 9 ແມ່ນສັນຍາລັກແຫ່ງນ້ຳໃຈມິດຕະພາບແບບພິເສດ ຫວຽດນາມ-ລາວ ແລະ ໄດ້ເຂົ້າສູ່ເທບນິຍາຍຂອງກອງທັບ ແລະ ປະຊາຊົນສອງປະເທດ ຍ້ອນບັນດາວິລະກຳທີ່ລືຊາຜາກົດ. ປັດຈຸບັນ ທາງຫຼວງເລກ 9 ແມ່ນສະຖານທີ່ແດງ ໃນການເດີນທາງກັບເມືອຫາກົກເຄົ້າເຫງົ້າກໍ ຂອງແຂກທ່ອງທ່ຽວ ຫວຽດນາມ ແລະ ລາວ ພ້ອມທັງແມ່ນເສັ້ນທາງເຊື່ອມຕໍ່ ລະຫວ່າງບັນດາພື້ນຖານເສດຖະກິດ ໃນພາກພື້ນອາຊີຕາເວັນອອກສ່ຽງໃຕ້, ອັນໄດ້ເປີດທິດທາງພັດທະນາໃຫ້ແກ່ທັງອະນຸພາກພື້ນແມ່ນ້ຳຂອງທີ່ກ້ວາງໃຫ່ຍ

(VOVWORLD) -ທ່າອາກາດສະຍານສາກົນ ລອງແທັ່ງ ຊຶ່ງແມ່ນໂຄງການໃຫ່ຍ ຂອງລັດຖະບານ ຫວຽດນາມ ພວມມານະພະຍາຍາມຍູ້ໄວ ຄວາມຄືບໜ້າຜັນຂະຫຍາຍປະຕິບັດ. ໂຄງການຄາດວ່າຈະສຳເລັດ ແລະ ນຳເຂົ້າໃຊ້ການໃນປີ 2025 ດ້ວຍຄວາມຫວັງຈະກາຍເປັນໜຶ່ງໃນບັນດາສູນຂົນສົ່ງທາງອາກາດ ທີ່ທັນສະໄໝແຖວໜ້າ ຢູ່ພາກພື້ນອາຊີຕາເວັນອອກສ່ຽງໃຕ້.

(VOVWORLD) -ເຂດທ່ອງທ່ຽວລະດັບຊາດ ໝົກເຈົາ ລວມມີສອງເມືອງ: ໝົກເຈົາ ແລະ ເວີນໂຮ່ ຫ່າງຈາກນະຄອນຫຼວງ ຮ່າໂນ້ຍ ປະມານ 200 ກິໂລແມັດ. ຢູ່ແຫ່ງນີ້ໄດ້ຮັບຖືວ່າແມ່ນ “ດາລາດ” ຂອງເຂດທາງທິດຕາເວັນຕົກສ່ຽງເໜືອ ດ້ວຍອາກາດເຢັນສະບາຍຕະຫຼອດປີ, ທິວທັດທຳມະຊາດສວຍສົດງົດງາມ ເປັນໜ້າຈັບໃຈ. ເຂດທ່ອງທ່ຽວແຫ່ງນີ້ມີຫຼາຍຊົນເຜົ່າອ້າຍນ້ອງດຳລົງຊີວິດຢູ່ຮ່ວມກັນ, ແຕ່ລະເຜົ່າກໍ່ມີສີສັນວັດທະນະທຳ ທີ່ເປັນເອກະລັກສະເພາະ, ອັນໄດ້ສ້າງຮູບພາບວັດທະນະທຳ ທີ່ມີຫຼາຍຮູບຫຼາຍສີ

(VOVWORLD) -ໂດຍແມ່ນຊາວຫວຽດນາມ, ບໍ່ວ່າຜູ້ໃດກໍ່ມີຄວາມຫວັງ ຢາກໄດ້ໄປຢ້ຽມຢາມ ແຫຼມຊາຫວີ ເທື່ອໜຶ່ງ, ເຊິ່ງແມ່ນຕອນດິນ ເໜືອສຸດຂອງປະເທດຊາດ. ແຫຼມຊາຫວີ ຂຶ້ນກັບບໍລິເວນຕາແສງ ຈາໂກ ນະຄອນ ໝອງກ໋າຍ ເຊິ່ງແມ່ນດິນແດນຢູ່ສຸດ ທາງທິດຕາເວັນອອກສ່ຽງເໜືອ ຂອງປະເທດຊາດ. ພ້ອມກັບຫຼຸງກູ ຕອນດິນເໜືອສຸດ, ອາປາຈາຍ ຢູ່ສຸດທາງທິດຕາເວັນຕົກ, ແຫຼມກາເມົ່າ ຕອນດິນໃຕ້ສຸດ ແລະ ແຫຼມດ້ຽນ ຢູ່ສຸດທາງທິດຕາເວັນອອກຂອງປະເທດຊາດນັ້ນ, ແຫຼມຊາຫວີ ກໍ່ແມ່ນສະຖານທີ່ທ່ອງທ່ຽວທີ່ດູດດື່ມ ສຳລັບບັນດາຜູ້ມັກທ່ອງທ່ຽວຄົ້ນຫາ ດິນແດນຂອງປະເທດຊາດ.

(VOVWORLD) -ເມື່ອງລໍ່, ແຂວງ ອຽນບ໋າຍ ໄດ້ຮັບຖືກວ່າ ແມ່ນບ້ານເກີດເມືອງນອນຂອງຊາວເຜົ່າໄທດຳ ດ້ວຍພື້ນຖານວັດທະນະທຳ ທີ່ເຂັ້ມຂົ້ນໄປດ້ວຍສີສັນຊົນເຜົ່າ. ບໍ່ພຽງແຕ່ມີທິວທັດທຳມະຊາດທີ່ສວຍງາມທີ່ເປັນໜ້າຈັບໃຈເທົ່ານັ້ນ, ເມື່ອງລໍ່ ຍັງດຶງດູດແຂກທ່ອງທ່ຽວ ດ້ວຍບັນດາສະຖີຕິທີ່ເປັນເອກະລັກສະເພາະ

(VOVWORLD) -ແຂວງ ບິ່ງເຢືອງ ຂຶ້ນກັບເຂດທາງທິດຕາເວັນອອກພາກໃຕ້, ນອນໃນເຂດເສດຖະກິດຈຸດສຸມພາກໃຕ້ ຫ່າງຈາກນະຄອນໂຮ່ຈີມິນ 30 ກິໂລແມັດ ໄປທາງທິດຕາເວັນອອກສ່ຽງເໜືອ. ນີ້ແມ່ນໜຶ່ງໃນບັນດາທ້ອງຖິ່ນ ທີ່ຂະຫຍັນຂັນເຄື່ອນກວ່າໜູ່ ໃນທົ່ວປະເທດ, ສະພາບແວດລ້ອມແຫ່ງການດຳເນີນທຸລະກິດ ເອື້ອອຳນວຍຄວາມສະດວກ ແລະ ດູດດື່ມສຳລັບບັນດານັກລົງທຶນຕ່າງປະເທດ. ປັດຈຸບັນ, ແຂວງ ບິ່ງເຢືອງ ພວມກໍ່ສ້າງນະຄອນເປັນທັນສະໄໝ, ມຸ່ງໄປສູ່ກາຍເປັນຕົວເມືອງອັດສະລິຍະ

(VOVWORLD) -ຟອງຍາ-ແກບາງ ແມ່ນທິວທັດທີ່ສວຍສົດງົດງາມ ເຊິ່ງທຳມະຊາດໄດ້ດົນບັນດານໃຫ້ແກ່ ປະຊາຊົນແຂວງ ກວາງບິ່ງ. ປ່າສະຫງວນແຫ່ງຊາດ ຟອງຍາ-ແກບາງ ແມ່ນການປະສົມປະສານ ລະຫວ່າງບັນດາສາຍພູຫີນປູນ, ປ່າດົງດິບ ແລະ ແມ່ນ້ຳຊອນ, ພ້ອມກັບລະບົບຖ້ຳທຳມະຊາດ ໄດ້ສ້າງເປັນຮູບພາບ ພູຜາປ່າໄມ້ແມ່ນ້ຳລຳເຊ ທີ່ເຮັດໃຫ້ຜູ້ຄົນມີຄວາມຫຼົງໄຫຼ. ປ່າສະຫງວນແຫ່ງຊາດ ຟອງຍາ-ແກບາງ ໄດ້ຮັບການຮັບຮອງຈາກອົງການ Unesco ເປັນສອງເທື່ອ ແມ່ນມໍລະດົກທຳມະຊາດໂລກ