(VOVWORLD) - Ha Giang - តំបន់ខ្ពង់រាបថ្មនៅភាគខាងជើងនៃប្រទេសវៀតណាមជាមួយនឹងជួរភ្នំថ្មមុតស្រួចដូចមុខដាវ មានរចនាបថស្ថាបត្យកម្មដែលបានស្ថិតស្ថេរគង់វង្សអស់រយៈពេលជាច្រើនជំនាន់មកហើយនោះគឺផ្ទះជញ្ជាំងដី។ ផ្ទះជញ្ជាំងដី គឺជាលក្ខណៈវប្បធម៌ ជានិមិត្តរូបនៃភាពឧស្សាហ៍ព្យាយាម ភាពប៉ិនប្រសប់ និងការសម្របខ្លួនរបស់ប្រជាពលរដ្ឋជនជាតិ Mong, Dao, Tay... នៅទឹកដីប៉ូលខាងជើងវៀតណាម។

(VOVWORLD) - ស្ថិតនៅចម្ងាយប្រហែល ២០ គីឡូម៉ែត្រពីភាគខាងត្បូងមជ្ឈមណ្ឌលទីក្រុង Thai Nguyen បឹង Ghenh Che គឺជាគោលដៅអេកូឡូស៊ីដ៏ស្រស់បំព្រងមួយកន្លែងនៅក្នុងឃុំ Binh Son ទីក្រុង Song Cong ខេត្ត Thai Nguyen។ ដោយមានផ្ទៃទឹកប្រហែល ៨០ ហិកតា បឹង Ghenh Che គឺជាបឹងសិប្បនិម្មិតមួយដែលព័ទ្ធជុំវិញដោយកោះតូចនិងឧបទ្វីបតូចៗជាង ៥០។ ទេសភាពនៅទីនេះមានភាពសុខដុមរមនារវាងផ្ទៃទឹកស្រស់ថ្លា ជួរភ្នំជុំវិញ និងព្រៃឈើខៀវស្រងាត់ ដែលបានបង្កើតឡើងផ្ទាំងគំនូរធម្មជាតិដ៏មនោរម្យបំផុត។

(VOVWORLD) - ព្រៃ U Minh ស្ថិតនៅតំបន់ប៉ែកខាងលិចភូមិភាគខាងត្បូងប្រទេសវៀតណាម ដែលលាតសន្ធឹងចាប់ពីទន្លេ Ong Doc ភាគខាងត្បូងខេត្ត Ca Mau រហូតដល់ទន្លេ Cai Lon ភាគខាងជើងខេត្ត Kien Giang។ ទន្លេចំនួន ២ ឈ្មោះ Trem Trem និង Cai Tau លាយបញ្ចូលគ្នា ដោយបែងចែកព្រៃ U Minh ជាពីរផ្នែកស្ទើរតែស្មើគ្នា គឺព្រៃ U Minh លើ នៅភាគខាងជើង និងព្រៃ U Minh ក្រោម នៅភាគខាងត្បូង។ ព្រៃ U Minh ក្រោម មានភាពល្បីល្បាញដោយទេសភាពធម្មជាតិដ៏រហោស្ថាន រួមជាមួយនឹងប្រភេទសត្វ និងរុក្ខជាតិចម្រុះ។

(VOVWORLD) - ៥០ឆ្នាំក្រោយថ្ងៃរំដោះ (១៩៧៥ - ២០២៥) នៅតំបន់មូលដ្ឋានបដិវត្តន៍នៅខេត្ត Quang Nam ភាគកណ្តាលវៀតណាម មានទីតាំងទេសចរណ៍សហគមន៍កាន់តែច្រើនឡើងៗ។ ផលិតផលទេសចរណ៍ដែលផ្សារភ្ជាប់ជាមួយនឹងធម្មជាតិ និងវប្បធម៌ប្រចាំមូលដ្ឋានរបស់ប្រជាពលរដ្ឋជនជាតិភាគតិចនៅតាមជួរភ្នំ Truong Son ដ៏មហិមារ គឺជាគោលដៅទាក់ទាញសម្រាប់ភ្ញៀវទេសចរជាច្រើន។

(VOVWORLD) - ពេលនិយាយអំពី Tam Dao មនុស្សជាច្រើនតែងតែគិតដល់ទីរួមស្រុកមួយដែលគ្រប់ដណ្ដប់ដោយអ័ព្ទនៅ Vinh Phuc។ ប៉ុន្តែមានមនុស្សតិចណាស់ដែលដឹងថា នៅភាគខាងកើតនៃជួរភ្នំនេះ ក្នុងស្រុក Dai Tu ខេត្ត Thai Nguyen នៅមានពិភពមួយទៀតដ៏ខុសគ្នាទាំងស្រុង៖ ចង្កេះភ្នំភាគខាងកើត Tam Dao ដែលនៅតែរក្សាបាននូវភាពស្រស់ស្អាតដ៏រហោស្ថាននៃព្រៃស្រោងនិងពោរពេញដោយការសាកល្បងសម្រាប់អ្នកចូលចិត្តដំណើរកម្សាន្តបែប trekking។

(VOVWORLD) - នៅក្នុងបរិវេណបេតិកភណ្ឌវប្បធម៌ពិភពលោក មជ្ឈមណ្ឌលព្រះបរមរាជវាំងថាំងឡុង ក្រៅពីស្លាក់ស្នាមនៅសេសសល់ក្នុងវិមានបុរាណនោះ នៅមានចំណុចលេចធ្លោពិសេសមួយទៀត។ នោះគឺជាកេរ្តិ៍ដំណែលប្រវត្តិសាស្ត្រនៃផ្ទះនិងលេណដ្ឋាន D៦៧ ដែលទីនោះត្រូវបានគេចាត់ទុកថា ជាមជ្ឈមណ្ឌលនៃទីបញ្ជាការ ជាទីស្នាក់ការកណ្ដាលនៃការិយាល័យនយោបាយ និងគណៈ កម្មាធិការយោធាបក្សមជ្ឈិម ដើម្បីដឹកនាំការអនុវត្តបេសកកម្មរំដោះភាគខាងត្បូង។

(VOVWORLD) - នៅថ្ងៃទី ៣០ ខែមេសា ឆ្នាំ ១៩៧៥ ព័ត៌មានអំពីការរំដោះភាគខាងត្បូងវៀត ណាមទាំងស្រុង និងបង្រួបបង្រួមប្រទេសជាតិ ត្រូវបានប្រជាជនជុំវិញពិភពលោក ដឹងដំបូងតាមរយៈរលកវិទ្យុជាភាសាបរទេសនៃវិទ្យុសំឡេងវៀតណាម។ ៥០ឆ្នាំក្រោយ មក ក៏ជាអ្នកដែលធ្វើការនៅប៉ុស្តិ៍ផ្សាយសំឡេងជាភាសាបរទេសនោះ បាននាំបរិ យាកាសដ៏គគ្រឹងគគ្រេងនិងរីករាយនៃទិវាបុណ្យជាតិ ទៅកាន់ពិភពលោក ហើយផ្សព្វ ផ្សាយសារទៅកាន់មិត្តភក្តិអន្តរជាតិអំពី “ប្រទេសវៀតណាមគឺតែមួយ ប្រជាជាតិ វៀតណាមគឺតែមួយ” ផងដែរ។

(VOVWORLD) - ផ្លូវរូងក្រោមដី Cu Chi ត្រូវបានគេចាត់ទុកថាជា "អច្ឆរិយៈ" ក្រោមដីនៃសិល្បៈ សង្គ្រាមឈ្លបវៀតណាម។ ស្ថិតនៅចម្ងាយប្រហែល ៧០ គីឡូម៉ែត្រពីភាគពាយព្យទីក្រុងហូជីមិញ ផ្លូវរូងក្រោមដី Cu Chi ស្រុក Cu Chi គឺជាទម្រង់សមរភូមិចម្រុះនិងច្នៃប្រឌិតរបស់កងទ័ព និងប្រជាជន Cu Chi ក្នុងការតស៊ូដ៏យូរអង្វែងនិងកាចសាហាវអស់រយៈពេល ៣០ ឆ្នាំដើម្បីដណ្ដើមឯករាជ្យ និងសេរីភាពសម្រាប់មាតុភូមិ។

(VOVWORLD) - ក្នុងការតស៊ូប្រឆាំងចក្រពត្តិអាមេរិក សង្គ្រោះជាតិ ផ្លូវ Truong Son ប្រៀបប្រដូចជាសរសៃឈាមដ៏ធំសម្បើមសម្រាប់ដឹកជញ្ជូនកងទ័ព ស្បៀងអាហារ និងបរិក្ខារយោធាពីសមរភូមិក្រោយភាគខាងជើងទៅកាន់សមរភូមិមុខភាគខាងត្បូង។ នៅលើបណ្តាញចរាចរណ៍ដ៏មហិមារនោះ មានបំពង់បង្ហូរប្រេងសាំងដែលមានប្រវែង ១៧០០ គីឡូម៉ែត្រ ដែលលាតសន្ធឹងតាមបណ្ដោយប្រទេសជាតិ ហើយត្រូវបានពង្រីកឡើងដល់ជិត ៥០០០ គីឡូម៉ែត្រ ចាប់ពីខេត្ត Quang Ninh, Lang Son ទៅកាន់ខេត្ត Binh Phuoc។

(VOVWORLD) - ក្នុងបុព្វហេតុបង្រួបបង្រួមប្រទេសជាតិ ផ្លូវ Truong Son បានក្លាយជានិមិត្តរូបអមតៈ ដែលបង្ហាញពីឆន្ទៈប្តេជ្ញាតស៊ូប្រយុទ្ធ ប្ដេជ្ញាយកជ័យជំនះរបស់ប្រជាជាតិវៀតណាម។ នៅលើផ្លូវរឿងព្រេងនេះ កងទ័ព យុវជនស្ម័គ្រចិត្ត និងកងសេនាជននៅខ្សែជួរមុខបានជំនះលើគ្រោះថ្នាក់ទាំងឡាយ បើកផ្លូវ ការពារផ្លូវ ដើម្បីធានាការដឹកជញ្ជូនជំនួយពីភាគខាងជើង ទៅកាន់សមរភូមិភាគខាងត្បូង។ នេះមិនត្រឹមតែជាសរសៃឈាមចរាចរណ៍ ជាស្ពានតភ្ជាប់សមរភូមិក្រោយជាមួយនឹងសមរភូមិមុខប៉ុណ្ណោះទេ ថែមទាំងក៏ជានិមិត្តរូបនៃសេចក្តីប្រាថ្នានៃឯករាជ្យ សេរីភាព និងឯកភាពជាតិទៀតផង។