(VOVWORLD) - នាពេលថ្មីៗនេះ ខេត្ត Long An បាននាំចេញក្រូចឆ្មាទៅកាន់ទីផ្សារមជ្ឈិមបូព៌ា តាមរយៈសហគ្រាសធំៗមួយចំនួន។ ដើម្បីបង្កើនប្រាក់ចំណេញ និងទទួលបានទីផ្សារដ៏មានសក្ដានុពលនេះ សហករណ៍ក្នុងស្រុកបានទៅកាន់មជ្ឈិមបូព៌ាដើម្បីស្វែងរកទីផ្សារលក់ដុំ បើកការិយាល័យ និងចុះកិច្ចសន្យាដោយផ្ទាល់ ដើម្បីផ្គត់ផ្គង់ក្រូចឆ្មារដល់ប្រទេសជាច្រើននៅក្នុងតំបន់នេះ។ នេះបានបង្កស្ថិរភាព ហើយនាំមកនូវតម្លៃខ្ពស់សម្រាប់កសិផលនេះ។

(VOVWORLD) - ក្នុងរយៈពេល ៦ ខែដើមឆ្នាំ២០២៤នេះ ស្ថានភាពសេដ្ឋកិច្ចវៀតណាមបានរក្សានិន្នាការវិជ្ជមាន ដោយកំណើន GDP ឈានដល់ ៦,៤២% ។ ក្នុងនោះ ផលិតកម្មអាជីវកម្មបានកត់ត្រាការស្តារឡើងវិញយ៉ាងខ្លាំងក្លា រួមចំណែកយ៉ាងសំខាន់ដល់កំណើនសេដ្ឋកិច្ចទាំងមូល ដែលសន្យាថានឹងបង្កើតសន្ទុះសម្រាប់កំណើនក្នុងឆមាសទីពីរនៃឆ្នាំនេះ និងឆ្នាំបន្ទាប់ទៀត។

(VOVWORLD) - ទេសចរណ៍ខេត្ត Quang Binh កំពុងជំរុញខ្លាំងការធ្វើអាជីវកម្ម ពង្រីកការអភិក្រមទីផ្សារទេសចរណ៍តាមរយៈវេទិកាឌីជីថល។ ការអនុវត្តបច្ចេកវិទ្យា ធ្វើ បរិវត្តកម្មឌីជីថល និងតាមរយៈវេទិកាឌីជីថលបាននាំមកនូវឱកាសកាន់តែច្រើនសម្រាប់វិស័យទេសចរណ៍ និងធុរកិច្ចទេសចរណ៍ សម្រេចបាននូវគោលដៅទេសចរណ៍បៃតង និរន្តរភាព និងឆ្ពោះទៅពិភពលោក។

(VOVWORLD) - ខេត្ត Lao Cai គឺជាខេត្តព្រំដែណនៅតំបន់ព្រៃភ្នំភាគពាយ័ព្យវៀតណាម ដែលមានគុណសម្បត្តិជាច្រើនសម្រាប់ការអភិវឌ្ឍន៍ទេសចរណ៍ ដូចជាអាកាសធាតុអំណោយផល ធនធានធម្មជាតិសម្បូរបែប និងអត្តសញ្ញាណវប្បធម៌វិសេសវិសាល។ Lao Cai បានស្វាគមន៍ភ្ញៀវទេសចរជាង ៣,៥ លាននាក់ ស្មើនឹង ៤១,៦% នៃផែនការឆ្នាំ។ សម្រេចបានលទ្ធផលនេះគឺដោយសារមានវិធីសាស្ត្រច្នៃប្រឌិត និងមានប្រសិទ្ធភាពរបស់អង្គភាពអាជីវកម្មទេសចរណ៍ ជាពិសេសសហគមន៍នៅក្នុងតំបន់។

(VOVWORLD) - នាប៉ុន្មានខែដើមឆ្នាំនេះ ខេត្ត Ba Ria - Vung Tau មានគម្រោងវិនិយោគផ្ទាល់ពីបរទេស (FDI) ដែលបានចុះបញ្ជីថ្មីចំនួន ១៨គម្រោង ដោយមានទុនវិនិយោគសរុបជាង ១,៥ ពាន់លានដុល្លារអាមេរិក កើនឡើង ៤២ ដងបើធៀបនឹងរយៈពេលដូចគ្នាកាលពីឆ្នាំមុន។ ចំនួនគម្រោងដែលបានកែសម្រួលបង្កើនដើមទុនក៏បានកើនឡើង ១,៣ ដងផងដែរ។ ជាមួយនឹងតួលេខខាងលើ នេះជាលើកដំបូងហើយ ដែលខេត្ត Ba Ria - Vung Tau នាំមុខគេនៅទូទាំងប្រទេស ក្នុងការទាក់ទាញទុន FDI ។ លទ្ធផលនេះគឺសម្រេចបានដោយមានកិច្ចខិតខំប្រឹងប្រែងយ៉ាងខ្លាំងក្លាពីអាជ្ញាធរមូលដ្ឋាន។

(VOVWORLD) - នាប៉ុន្មានឆ្នាំកន្លងទៅ ពាណិជ្ជកម្មអេឡិចត្រូនិក (E-commerce) បានរីកចម្រើនយ៉ាងឆាប់រហ័ស និងក្លាយជានិន្នាការលេចធ្លោនៃពាណិជ្ជកម្មសកល។ នៅប្រទេសវៀតណាម ធុរកិច្ចកាន់តែច្រើនឡើងកំពុងអនុវត្តពាណិជ្ជកម្មអេឡិចត្រូនិកសម្រាប់ប្រតិបត្តិការរបស់ខ្លួន។ មិនត្រឹមតែទទួលបានជោគជ័យនៅទីផ្សារក្នុងស្រុកប៉ុណ្ណោះទេ ធុរកិច្ចទាំងនេះក៏បានផ្លាស់ប្តូរខ្លួនឯងដោយឥតឈប់ឈរ ក្តាប់យកនិន្នាការរបស់អ្នកប្រើប្រាស់ ដើម្បីកសាងយុទ្ធសាស្ត្រធ្វើអាជីវកម្មសមស្រប សំដៅនាំយកទំនិញវៀតណាមតាមរយៈវេទិកាពាណិជ្ជកម្មអេឡិចត្រូនិកឆ្លងដែន ឈានចូលទីផ្សារកាន់តែច្រើននៅទូទាំងពិភពលោក។

(VOVWORLD) - នាប៉ុន្មានខៃដើមឆ្នាំនេះ ការនាំចេញអង្កររបស់វៀតណាមសម្រេចបាន ជាង ១,៤ ពាន់លានដុល្លារអាមេរិក។ ក្នុងបរិបទនៃការថយចុះប្រភពផ្គត់ផ្គង់អង្ករពិភពលោក ដោយសារតែប្រទេសមួយចំនួននៅតែរឹតបន្តឹងការនាំចេញអង្ករ និងអាកាសធាតុមិនអំណោយផលបានប៉ះពាល់ដល់បិរមាណផល ការនាំចេញអង្កររបស់វៀតណាមត្រូវបានព្យាករណ៍ថា នឹងមានការរីកចម្រើន ហើយឈានដល់ទីផ្សារកាន់តែច្រើននាពេលអនាគតដ៏ខ្លីខាងមុខនេះ។

(VOVWORLD) - មិនត្រឹមតែមានទេសភាពធម្មជាតិ និងវប្បធម៌ដ៏វិសេសវិសាលប៉ុណ្ណោះទេ ខេត្ត Cao Bang ក៏មានខ្សែព្រំដែនប្រវែងជាង ៣៣៣ គីឡូម៉ែត្រជាប់ជាមួយប្រទេសចិន ដោយមានគោលដៅទេសចរណ៍ដ៏គួរឲ្យទាក់ទាញជាច្រើនផងដែរ។ ដូច្នេះហើយ ខេត្ត Cao Bang បានកំណត់ទេសចរណ៍ឆ្លងដែនគឺជាសក្តានុពលដ៏ធំធេងដែលត្រូវជំរុញ ដើម្បីបង្កើតកម្លាំងចលករសម្រាប់ការអភិវឌ្ឍន៍សេដ្ឋកិច្ចសង្គមរបស់ខេត្ត។

(VOVWORLD) - ការកសាងនិងសុក្រឹត្យបណ្តាញហេដ្ឋារចនាសម្ព័ន្ធដឹកជញ្ជូន គឺជាជំហានលោតផ្លោះមួយក្នុងចំណោមជំហានលោតផ្លោះទាំង ៣ នៅក្នុងសេចក្តីសម្រេចចិត្តនៃមហាសន្និបាតបក្សខេត្ត អាណត្តិ ២០២០-២០២៥ ដើម្បីជំរុញការអភិវឌ្ឍន៍របស់ខេត្ត Ha Giang។ ដូច្នេះហើយ ខេត្ត Ha Giang បាននិងកំពុងផ្តោតការយកចិត្តទុកដាក់កៀងគរប្រភពធនធានទាំងអស់សម្រាប់ការវិនិយោគលើការអភិវឌ្ឍន៍ហេដ្ឋារចនាសម្ព័ន្ធដឹកជញ្ជូន។ គម្រោងហេដ្ឋារចនាសម្ព័ន្ធដឹកជញ្ជូនជាបន្តបន្ទាប់ដែលត្រូវបានខេត្តអនុវត្តនាពេលថ្មីៗនេះ រួមចំណែកលុបបំបាត់ការកកស្ទះចរាចរណ៍ បង្កើតកម្លាំងចលករដើម្បីទាក់ទាញការវិនិយោគ អភិវឌ្ឍសេដ្ឋកិច្ច-សង្គម និងជាមូលដ្ឋានគ្រឹះសម្រាប់ខេត្ត Ha Giang បោះជំហានទម្លុះទម្លាយយ៉ាងខ្លាំងក្លា។

(VOVWORLD) - ក្នុងបរិបទដែលពិភពលោកមានការវិវឌ្ឍន៍ដ៏ស្មុគស្មាញជាច្រើន ការអនុវត្តន៍គោលដៅអភិវឌ្ឍន៍ប្រកបដោយចីរភាពរបស់បណ្តាប្រទេស រួមទាំងវៀតណាមដែលមានខឿនសេដ្ឋកិច្ចបើកចំហខ្ពស់ កំពុងប្រឈមមុខនឹងបញ្ហាជាច្រើន។ សហគមន៍ធុរកិច្ចវៀតណាមកំពុងខិតខំប្រឹងប្រែងក្តាប់យកឱកាស និងជម្នះលើបញ្ហាប្រឈមក្នុងដំណើរការបរិវត្តកម្មឌីជីថល និងបរិវត្តកម្មបៃតង។ ការគាំទ្ររបស់ទីភ្នាក់ងារគ្រប់គ្រងរដ្ឋ អំពីយន្តការនិងគោលនយោបាយសម្រាប់អាជីវកម្ម គឺមានសារៈសំខាន់ខ្លាំងណាស់សម្រាប់ដំណើរការនេះ។