(VOVWORLD) - ក្នុងប៉ុន្មានថ្ងៃថ្មីៗនេះ ផ្ទះមហាសាមគ្គីរាប់ពាន់ខ្នងត្រូវបានប្រគល់ជូនជនក្រីក្រ និងប្រជាជនដែលមានស្ថានភាពលំបាកក្នុងមូលដ្ឋានជាច្រើនទូទាំងប្រទេសវៀតណាម។ សកម្មភាពនេះរឹតតែមានអត្ថន័យ ខណៈពេលដែល បុណ្យចូលឆ្នាំថ្មីប្រពៃណីវៀតណាម (Tet Nguyen dan) កាន់តែខិតជិតមកដល់។ ការប្រគល់ជូនផ្ទះមហាសាមគ្គីដល់ជនក្រីក្រ បង្ហាញពីគោលនយោបាយមនុស្សធម៌របស់រដ្ឋ និងកិច្ចសហប្រតិបត្តិការរបស់សហគមន៍ ក្នុងការជួយជនក្រីក្រឲ្យមានជីវភាពល្អប្រសើរ រួមចំណែកធានាសន្តិសុខសង្គម។

(VOVWORLD) - វៀតណាមកំពុងខិតខំប្រឹងប្រែងអនុវត្តបន្តិចម្តងៗនូវការផ្លាស់ប្តូរបៃតង អភិវឌ្ឍន៍ថាមពលកកើតឡើងវិញ...។ ដំណើរការនេះនឹងប៉ះពាល់ដល់ក្រុមជនក្រីក្រ និងក្រុមដែលមានប្រាក់ចំណូលទាប ព្រោះពួកគេពិបាកក្នុងការប្រដេញតាមដំណើរផ្លាស់ប្តូរថាមពល។ នេះគឺជាបញ្ហាមួយក្នុងចំណោមបញ្ហាដែលបានរដ្ឋាភិបាលវៀតណាមផ្តោតការយកចិត្តទុកដាក់ នៅពេលអនុវត្តសេចក្តីថ្លែងការណ៍នយោបាយ ស្តីពីការបង្កើតភាពជាដៃគូអន្តរកាលថាមពលដោយយុត្តិធម៌ (JETP, ខែធ្នូ ឆ្នាំ ២០២២។ ការបំពេញឲ្យបានល្អនូវកិច្ចការនេះ គឺជាការធានាសិទ្ធិមនុស្សក្នុងបរិបទថ្មី។

(VOVWORLD) - វៀតណាមទើបតែបានការពារដោយជោគជ័យនូវរបាយការណ៍ថ្នាក់ជាតិលើកទី៥ ស្តីពីការអនុវត្តអនុសញ្ញាអន្តរជាតិការលុបបំបាត់រាល់ទម្រង់ នៃការរើសអើងពូជសាសន៍ (CERD) នៅសម័យប្រជុំលើកទី ១១១ នៃគណៈកម្មាធិការអនុសញ្ញានៅទីក្រុងហ្សឺណែវ ប្រទេសស្វីស (២៩-៣០ ខែវិច្ឆិកា) ជាពិសេសការធានាសិទ្ធិរបស់ជនជាតិភាគតិច ដូចជាការលុបបំបាត់ភាពអត់ឃ្លាន កាត់បន្ថយភាពក្រីក្រ ធានាសន្តិសុខសង្គម...។ លទ្ធផលនេះបង្ហាញយ៉ាងច្បាស់ ពីការយកចិត្តទុកដាក់ ការវិនិយោគប្រកបដោយប្រសិទ្ធភាពរបស់បក្ស និងរដ្ឋ វៀតណាម លើតំបន់ជនជាតិភាគតិច ធានាសិទ្ធិ និងផលប្រយោជន៍ស្របច្បាប់របស់ប្រជាជន។

(VOVWORLD) - មហាសន្និបាតលើកទី ១៣ នៃសហជីព វៀតណាមអាណត្តិ ២០២៣ - ២០២៨ ប្រព្រឹត្តទៅពីថ្ងៃទី១ ដល់ថ្ងៃទី ៣ ខែធ្នូ នៅរដ្ឋធានីហាណូយ។ នេះជាព្រឹត្តិការណ៍នយោបាយដ៏សំខាន់របស់វណ្ណៈកម្មករ អង្គការសហជីព វៀតណាម និងជាសកម្មភាពនយោបាយដ៏ទូលំទូលាយនៅក្នុងចំណោមកម្មាភិបាល សមាជិកសហជីព និងកម្មករទូទាំងប្រទេស។ អង្គសន្និបាតលើកនេះ នឹងធ្វើការពិភាក្សា រកដំណោះស្រាយដើម្បីធានាសិទ្ធិរបស់ពលករ; ផ្តោតលើការអភិវឌ្ឍសមាជិកសហជីព និងការបង្កើតសហជីពមូល ដ្ឋាននៅតាមសហគ្រាសក្រៅវិស័យរដ្ឋ; បង្កើតក្រុមប្រធានសហជីពមូលដ្ឋាន ដើម្បីបំពេញតម្រូវការនៃភារកិច្ចក្នុងរយៈពេលអភិវឌ្ឍន៍ថ្មីនៃប្រទេសជាតិ។

(VOVWORLD) - វៀតណាមជាប្រទេសដែលមានជនជាតិច្រើន។ ជនជាតិនីមួយៗ សុទ្ធមានអត្តសញ្ញាណវប្បធម៌រៀងៗខ្លួន បង្កើតបានជាសម្បត្តិបេតិកភណ្ឌវប្បធម៌ដ៏សម្បូរបែប។ ការពារនិងលើកកំពស់តម្លៃបេតិកភណ្ឌវប្បធម៌គឺសំដៅបំពេញតាមតម្រូវការវប្បធម៌កាន់តែខ្ពស់របស់ប្រជាជន រួមចំណែកអភិវឌ្ឍន៍វប្បធម៌ វៀតណាមជឿនលឿន ពោរពេញទៅដោយអត្តសញ្ញាណជាតិ ទន្ទឹមនឹងនោះ ក៏បង្កើតប្រភពធនធានសម្រាប់អភិវឌ្ឍន៍ប្រទេសជាតិផងដែរ។

(VOVWORLD) - មហាសាមគ្គីជាតិជនជាតិទាំងមូលតែងតែប្រកាន់យកនូវឋានៈសំខាន់ពិសេស និងខ្ជាប់ខ្ជូនក្នុងគោលការណ៍ណែនាំរបស់បក្ស គោលនយោបាយនិងច្បាប់របស់រដ្ឋវៀតណាម។ គ្រប់ដំណាក់កាលនៃការអភិវឌ្ឍប្រទេសជាតិ ក្នុងសមិទ្ធិផលណាក៏ដោយ ក៏មានវត្តមានស្មារតីនៃសាមគ្គីភាពរបស់កម្មករ កសិករ បញ្ញវន្ត អាជីវករ ប្រជាជនគ្រប់ជនជាតិ និងគ្រប់សាសនា...។ ពួកគេបានឆ្លើយតបទៅនឹងគោលនយោបាយ និងគោលការណ៍ណែនាំរបស់បក្ស និងរដ្ឋ ដោយរួមគ្នាឆ្ពោះទៅរកគោលដៅរួម៖ នាំប្រទេសជាតិឲ្យមានការអភិវឌ្ឍកាន់តែខ្លាំងក្លាទៅមុខ។

(VOVWORLD) - ថ្ងៃទី ៩ ខែវិច្ឆិកា ជារៀងរាល់ឆ្នាំ គឺជាទិវាច្បាប់វៀតណាម ដែលជាព្រឹត្តិការណ៍មួយសំដៅលើកតម្កើងតួនាទីដ៏សំខាន់របស់ប្រព័ន្ធច្បាប់ក្នុងការប្រតិបត្តិនិងគ្រប់គ្រងប្រទេសជាតិ ជាពិសេសក្នុងដំណើរការកសាង និងសុក្រិតនូវរដ្ឋនីតិរដ្ឋសង្គមនិយមនៅវៀត ណាមនាពេលបច្ចុប្បន្ន។ នៅក្នុងផ្ទាំងរូបភាពរួមនៃប្រព័ន្ធច្បាប់ បទប្បញ្ញត្តិស្តីពីការប្រយុទ្ធប្រឆាំងអំពើពុករលួយគឺជាកត្តាមិនអាចខ្វះបាន ដែលរួមចំណែកដល់ការសម្រេចបាននូវគោលដៅនៃការកសាងរដ្ឋនីតិរដ្ឋ។

(VOVWORLD) - នាថ្ងៃទី ២៥ ខែតុលា សម័យប្រជុំលើកទី ៦ រដ្ឋសភានីតិកាលទី ១៥ បានបញ្ចប់ការបោះឆ្នោតទំនុកចិត្តសម្រាប់តំណែងចំនួន ៤៤ ដោយរដ្ឋសភាជ្រើសតាំង ឬអនុម័ត។ នេះជាទម្រង់ឃ្លាំមើលដ៏សំខាន់មួយ ដែលបង្ហាញពីការវាយតម្លៃរបស់រដ្ឋសភា លើលទ្ធផលការងារតាំងពីដើមអាណត្តិរហូតមកដល់ពេលនេះ សម្រាប់មុខតំណែងដែលទទួលបានការបោះឆ្នោតទំនុកចិត្ត។ សំខាន់ជាងនេះទៅទៀត ការបោះឆ្នោតទំនុកចិត្តក៏ជាការលើកកំពស់គុណភាព និងប្រសិទ្ធភាពរបស់ក្បាលម៉ាស៊ីនរដ្ឋ បង្កើតកម្លាំងចលករសម្រាប់អភិវឌ្ឍន៍ប្រទេសជាតិ។

(VOVWORLD) - រដ្ឋាភិបាលវៀតណាមទើបតែបានចេញសេចក្តីសម្រេចចិត្តលេខ ៧៣/២០២៣ របស់រដ្ឋាភិបាល ចុះថ្ងៃទី ២៩ ខែកញ្ញា ឆ្នាំ ២០២៣ ដោយកំណត់លើការលើកទឹកចិត្ត និងការពារកម្មាភិបាលដែលមានភាពស្វាហាប់ មានគំនិតច្នៃប្រឌិត ហ៊ានគិត ហ៊ានធ្វើ និងហ៊ានទទួលខុសត្រូវ ដើម្បីផលប្រយោជន៍រួម។ នេះគឺជាជំហានមួយដើម្បីបញ្ជាក់ពីសេចក្តីសន្និដ្ឋានលេខ ១៤ របស់ការិយាល័យនយោបាយ ចុះថ្ងៃទី ២២ ខែកញ្ញា ឆ្នាំ ២០២១ ស្តីពីគោលនយោបាយលើកទឹកចិត្ត និងការពារកម្មាភិ បាលដែលមានភាពស្វាហាប់ មានគំនិតច្នៃប្រឌិត ដើម្បី ផលប្រយោជន៍រួម។ មតិសាធារណៈវាយតម្លៃខ្ពស់ចំពោះ គោលនយោបាយរៀបចំជួរកម្មាភិបាល បក្ខជនដែលមានទេពកោសល្យ ដែលតែងតែយកចិត្តទុកដាក់នឹងការងារ រួមចំណែកជាវិជ្ជមានដល់ការអភិវឌ្ឍន៍ប្រកបដោយចីរភាពរបស់វៀតណាម។

(VOVWORLD) - នាយករដ្ឋមន្ត្រី លោក Pham Minh Chinh និងគណៈប្រតិភូជាន់ខ្ពស់វៀតណាមទើបបានបញ្ចប់ដំណើរទស្សនកិច្ចចូលរួមសម័យប្រជុំពិភាក្សាទូទៅកម្រិតខ្ពស់ នៃមហាសន្និបាតនីតិកាលទី ៧៨ រួមផ្សំនឹងសកម្មភាពទ្វេភាគីជាច្រើននៅសហរដ្ឋអាមេរិក និងប្រេស៊ីលចាប់ពីថ្ងៃទី ១៧ ដល់ថ្ងៃទី ២៦ ខែកញ្ញា។ ទន្ទឹមនឹងនោះ ប្រធានរដ្ឋសភា លោក Vuong Dinh Hue និងគណៈប្រតិភូជាន់ខ្ពស់រដ្ឋសភាវៀតណាមក៏បានបញ្ចប់ដោយជោគជ័យនូវដំណើរទស្សនកិច្ចជាផ្លូវការនៅបង់ក្លាដែស និងប៊ុលហ្គារី ចាប់ពីថ្ងៃទី ២១ ដល់ថ្ងៃទី ២៦ ខែកញ្ញា។ ដំណើរទស្សនកិច្ចថ្មីៗនេះរបស់ថ្នាក់ដឹកនាំបក្ស និងរដ្ឋវៀតណាម រួមជាមួយនឹងសមិទ្ធិផលការទូតសម្រេចបាននាពេលកន្លងមកនេះ បង្កើតឡើងសញ្ញាសម្គាល់ថ្មីអំពីវៀតណាមនៅលើឆាកអន្តរជាតិ។