(VOVWORLD) - ការអភិវឌ្ឍដ៏សម្បើមបំផុតមួយក្នុងប្រវត្តិសាស្ត្រមនុស្សជាតិ គឺការបង្កើតអ៊ីនធឺណិត និងការអភិវឌ្ឍ Cyberspace (គឺជាការប្រើប្រាស់ បណ្តាញកុំព្យូរទ័រ និងមធ្យោបាយទំនាក់ទំនងផ្សេងៗដូចជានៅលើទូរស័ព្ទ ដែលមានការតភ្ជាប់គ្នាដោយប្រព័ន្ធអ៊ិនធឺណេត និងឌីជីថល….)។ គោលគំនិតនេះនាំមកនូវអត្ថប្រយោជន៍ដ៏ធំ សម្បើម ជួយលើកកំពស់គុណភាពជីវភាពរបស់មនុស្ស។ ដូចបណ្តាប្រទេសផ្សេងទៀតក្នុងពិភពលោកដែរ វៀតណាមបានកសាងប្រព័ន្ធច្បាប់ស្តីពីសិទ្ធិ និងសេរីភាពលើបណ្តាញអ៊ីនធឺណិត ដើម្បីធានាសិទ្ធិនិងសេរីភាពជាមូលដ្ឋានរបស់មនុស្ស លើកកម្ពស់នូវសមត្ថភាពក្នុងការទទួលនិងប្រើប្រាស់សិទ្ធិមនុស្សនៅលើបណ្តាញអ៊ីនធឺណិត ខណៈពេលដែលកាត់បន្ថយ និងលុបបំបាត់ ផលប៉ះពាល់អវិជ្ជមានរបស់អ៊ីនធឺណិតនៅលើមនុស្ស។ ប្រព័ន្ធច្បាប់នេះគឺសមស្របទាំងស្រុងជាមួយនឹងបណ្តាអនុសញ្ញាអន្តរជាតិស្តីពីសិទ្ធិមនុស្ស ដែលវៀត ណាមបាននិងកំពុងចូលរួម។

(VOVWORLD) - កាលពីថ្ងៃទី ២ ខែមិថុនាកន្លងមកនេះ អង្គការ Freedom House បានប្រើប្រាស់ឡើងវិញនូវល្បិចចាស់មួយ ដោយបានចេញផ្សាយនូវអ្វីដែលគេហៅថា "របាយការណ៍ស្តីពីការការពារលទ្ធិប្រជាធិបតេយ្យពេលរស់នៅនិរទេស" ជាមួយនឹងព័ត៌មានប្រឌិតនិងព័ត៌មានខុសឆ្គងជាច្រើន អំពីស្ថានភាពជាក់ស្តែងនៅក្នុងប្រទេសវៀតណាម។ បន្ទាប់នោះមួយរំពេច សារព័ត៌មានបរទេសមួយចំនួនដែលមានគំនិតអរិភាព ឬទស្សនៈខ្វះសុឆន្ទៈចំពោះវៀតណាម និងបណ្តាញសារព័ត៌មានដែលដំណើរការដោយមុខសញ្ញាប្រកិរិយា មុខសញ្ញាប្រឆាំង និងជនឆ្លៀតឱកាសនយោបាយបានកេងប្រវ័ញ្ច និងផ្សព្វផ្សាយព័ត៌មានដែលមានខ្លឹមសារមិនពិតខាងលើ ដើម្បីបំផ្លើសការពិត ប្រតិបត្តិការសកម្មភាពប្រឆាំងនឹងបក្ស រដ្ឋវៀតណាម។

(VOVWORLD) - កម្មវិធីជាតិស្តីពីការបង្ការទប់ស្កាត់ និងកាត់បន្ថយពលកម្មកុមារខុសច្បាប់សម្រាប់ដំណាក់កាល ២០២១-២០២៥ កំពុងត្រូវបានវៀតណាម ជំរុញល្បឿនអនុវត្តន៍។ នៅខាងក្រៅសន្និសីទសកលលើកទី ៥ ស្តីពីការលុបបំបាត់ពលកម្មកុមារ ដែលទើបបានប្រព្រឹត្តទៅនាថ្ងៃទី ១៥ ឧសភា ឆ្នាំ ២០២២ នៅទីក្រុង Durban ប្រទេសអាហ្វ្រិកខាងត្បូង, អគ្គនាយក ILO លោក Guy Ryder បានវាយតម្លៃខ្ពស់ចំពោះតួនាទីរបស់វៀតណាម ក្នុងការ “ប្រយុទ្ធប្រឆាំង” ពលកម្មកុមារខុសច្បាប់នៅទូទាំងពិភពលោក ដោយសន្មត់ថា វៀតណាមកំពុងរួមដៃគ្នានិងអនុវត្តន៍ដោយស្ម័គ្រចិត្តជាមួយនឹងកិច្ចប្រឹងប្រែងពិសេស ដើម្បីលុបបំបាត់ពលកម្មកុមារខុសច្បាប់។

(VOVWORLD) - វៀតណាមតែងតែដាក់ប្រជាជននៅចំកណ្តាលនៃរាល់សកម្មភាពអភិវឌ្ឍន៍។ ឧបនាយករដ្ឋមន្ត្រីរដ្ឋាភិបាលវៀតណាម លោក Vu Duc Dam បានសង្កត់ធ្ងន់ដូច្នេះ នៅក្នុងកិច្ចពិភាក្សាកម្រិតខ្ពស់នៃកិច្ចប្រជុំប្រចាំឆ្នាំលើកទី ៧៨ នៃគណៈកម្មការសេដ្ឋកិច្ច និងសង្គមតំបន់អាស៊ី-ប៉ាស៊ីហ្វិក របស់អង្គការសហប្រជាជាតិ (ESCAP) ដែលប្រព្រឹត្តទៅចាប់ពីថ្ងៃទី ២៣ ដល់ថ្ងៃទី ២៧ ខែឧសភា ឆ្នាំ ២០២២ នៅទីក្រុងបាងកក ប្រទេសថៃ។ ជាការពិត ការលើកកំពស់កត្តាមនុស្សក្នុងការអភិវឌ្ឍសេដ្ឋកិច្ចរបស់ប្រទេសជាតិ តែងតែជាទស្សនៈស្នូលក្នុងគោលមាគ៌ាដឹកនាំនយោបាយរបស់បក្សកុម្មុយនិស្តវៀតណាមនាសម័យកាលបច្ចុប្បន្ន។

(VOVWORLD) - ការមូលបង្កាចនិងបំផ្លើសការពិត អំពីស្ថានភាពសេរីភាពសារព័ត៌មានក្នុងប្រទេសវៀតណាម គឺជាល្បិចកល់មួយដែលតែងតែត្រូវបានអង្គការ និងក្រុមជ្រុលនិយមមួយចំនួនដែលខ្វះសុច្ឆន្ទៈចំពោះប្រទេសវៀតណាមប្រើប្រាស់ ក្នុងនោះមានអង្គការអ្នកកាសែតគ្មានព្រំដែន (RSF) ផងដែរ។ នៅថ្ងៃទី ៣ ខែឧសភា ឆ្នាំ ២០២២ អង្គការ RSF បានប្រកាសម្តងទៀតនូវអ្វីដែលហៅថា “តារាងចំណាត់ថ្នាក់ប្រចាំឆ្នាំអំពីសេរីភាពសារព័ត៌មាន” សម្រាប់រៀបចំណាត់ថ្នាក់សេរីភាពសារព័ត៌មានទូទាំងពិភពលោក ដែលក្នុងនោះមានព័ត៌មានមិនពិតអំពីស្ថានភាពសេរីភាពសារព័ត៌មានរបស់សារព័ត៌មានវៀតណាម។ នេះត្រឹមតែជាល្បែងចាស់គំរិលដែលត្រូវបានសរសេរឡើងវិញ ដើម្បីបន្ទាបកេរ្តិ៍ឈ្មោះសិទ្ធិមនុស្សវៀត ណាមក្នុងឆាកអន្តរជាតិប៉ុណ្ណោះ។

(VOVWORLD) - បន្តបង្កើនការកសាង កែតម្រូវបក្សនិងប្រព័ន្ធនយោបាយគឺជាខ្លឹមសារសំខាន់មួយដែលត្រូវបានលើកយកមកពិភាក្សានៅក្នុងសន្និបាតលើកទី ៥ នៃគណៈកម្មាធិការមជ្ឈិមបក្ស នីតិកាលទី ១៣ ដែលកំពុងប្រព្រឹត្តទៅនៅទីក្រុងហាណូយ។ ក្នុងសុន្ទរកថាបើកសន្និបាតនេះ អគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម លោក Nguyen Phu Trong បានលើកឡើងនិងក្រើនរំលឹកនូវបញ្ហាសំខាន់ៗជាច្រើនអំពីការកសាងបក្សនិងប្រព័ន្ធរដ្ឋាភិបាល ដើម្បីឆ្លើយតបនឹងតម្រូវការអភិវឌ្ឍន៍របស់ប្រទេសជាតិក្នុងរយៈពេលខាងមុខ ដែលបានចែងក្នុងគម្រោងស្តីពីការកសាងអង្គការបក្សនិងបក្ខជន; គម្រោងបង្កើតគណៈកម្មាធិការដឹកនាំថ្នាក់ខេត្តទទួលបន្ទុកការប្រឆាំងអំពើពុករលួយ អសកម្ម; របាយការណ៍ស្តីពីការត្រួតពិនិត្យការដឹកនាំរបស់ការិយាល័យនយោបាយនិងគណៈលេខាក្នុងឆ្នាំ២០២១។

(VOVWORLD) - នាព្រឹកថ្ងៃទី ២៧ ខែ មេសា ឆ្នាំ ២០២២ នៅទីក្រុងហាណូយ ក្រសួងការពារប្រទេសវៀតណាមបានរៀបចំពិធីជូនដំណើរកងវិស្វកម្មលេខ ១ និង កងពេទ្យកម្រិត ២ លេខ ៤ ទៅបំពេញបេសកកម្មរក្សាសន្តិភាពអង្គការសហប្រជាជាតិ នៅ Abyei និងស៊ូដង់ខាងត្បូង។ សកម្មភាពរក្សាសន្តិភាពរបស់វៀតណាមរួមជាមួយអង្គការសហប្រជាជាតិក្នុងរយៈពេល ៨ ឆ្នាំកន្លងទៅបានរួមចំណែកបញ្ចេញពន្លឺអំពីរូបភាពរបស់ប្រទេសជាតិនិងប្រជាជនវៀតណាមដែលស្រឡាញ់សន្តិភាព ដើម្បីសហគមន៍មនុស្សជាតិរីកចម្រើននិងអភិវឌ្ឍន៍។

(VOVWORLD) - អង្គការខ្វះសុឆន្ទៈមួយចំនួន ជាពិសេស “គណៈកម្មការសេរីភាពសាសនាអន្តរជាតិអាមេរិក” (USCIRF) នាពេលថ្មីៗនេះ បានធ្វើការវាយតម្លៃដោយលំអៀង និងបំប្លែងការពិតអំពីស្ថានភាពសេរីភាពសាសនានៅប្រទេសវៀតណាម ដោយមិនអើពើដល់ការពិតជាក់ស្តែងគឺ រដ្ឋនីតិរដ្ឋសង្គមនិយមវៀតណាម តែងតែអនុវត្តន៍យ៉ាងខ្ជាប់ខ្ជូននូវគោលនយោបាយធានាសេរីភាពខាងជំនឿ សាសនាសម្រាប់ប្រជាពលរដ្ឋគ្រប់រូប។

(VOVWORLD) - នៅប្រទេសវៀតណាម ក្នុងរយៈពេលប៉ុន្មានឆ្នាំកន្លងមកនេះបានកើតមានឡើងករណីពុករលួយនិងអវិជ្ជមានជាច្រើន ដែលមានលក្ខណៈប្រឈមមុខនឹងមតិសាធារណៈ ប្រឈមមុខនឹងគោលមាគ៌ារបស់បក្ស និងច្បាប់របស់រដ្ឋ។ ជាមួយនឹងស្មារតីដ៏ប្ដូរផ្ដាច់ក្នុងការស៊ើបអង្កេត ការចោទប្រកាន់ និងការកាត់ក្តី ស្ថាប័នដែលមានអំណាចការពារច្បាប់បានចាត់ការយ៉ាងម៉ឹងមាត់រឿងក្តីជាច្រើន រួមចំណែកការពារសន្តិសុខជាតិ ថែរក្សាសណ្តាប់ធ្នាប់និងសុវត្ថិភាពសង្គម។ សកម្មភាពទាំងនេះជាសក្ខីភាពបង្ហាញថា វៀតណាមកំពុងអនុវត្តន៍កាន់តែល្អប្រសើរជាងនូវគោលនយោបាយកសាងនីតិរដ្ឋសង្គមនិយម។

(VOVWORLD) - ក្រុមប្រឹក្សាសិទ្ធិមនុស្សរបស់អង្គការសហប្រជាជាតិ (UN) ទើបតែបានបញ្ចប់សម័យប្រជុំប្រចាំលើកទី ៤៩ នៅទីស្នាក់ការអង្គការសហប្រជាជាតិនៅទីក្រុងហ្សឺណែវ ប្រទេសស្វីស។ កិច្ចប្រជុំនេះបានប្រព្រឹត្តទៅរយៈ ៥ សប្តាហ៍ ចាប់ពីថ្ងៃទី ២៨ ខែកុម្ភៈ ដល់ថ្ងៃទី ១ ខែមេសា ឆ្នាំ ២០២២។ ក្នុងកិច្ចប្រជុំនេះ វៀតណាមបានអះអាងជាថ្មីនូវបំណងប្រាថ្នារបស់ខ្លួនក្នុងការរួមចំណែកដល់កិច្ចខិតខំប្រឹងប្រែងរួមរបស់ពិភពលោក តាមរយៈបេក្ខភាពជាសមាជិកក្រុមប្រឹក្សាសិទ្ធិមនុស្សអង្គការសហប្រជាជាតិសម្រាប់អាណត្តិ ២០២៣-២០២៥ ជាមួយនឹងសារថា “ការគោរពគ្នាទៅវិញទៅមក ការសន្ទនានិងកិច្ចសហប្រតិបត្តិការ។ ធានាសិទ្ធិមនុស្សសម្រាប់អ្នកទាំងអស់គ្នា”។