(VOVWORLD) - ក្រោយពីលើកកំពស់ទំនាក់ទំនងឡើងភាពជាដៃគូយុទ្ធសាស្ត្រ វៀតណាម និងថៃបានពង្រឹងកិច្ចសហប្រតិបត្តិការលើគ្រប់វិស័យ រួមទាំងកិច្ចសហប្រតិបត្តិការលើវិស័យអប់រំ និងបណ្តុះបណ្តាលផងដែរ។ សកម្មភាពតភ្ជាប់វិស័យអប់រំរវាងប្រទេសទាំងពីរ ដូចជាការរៀបចំសិក្ខាសាលាអប់រំ ការចុះហត្ថលេខាលើអនុស្សរណៈយោគយល់គ្នារវាងសហគ្រាសថៃ និងសាកលវិទ្យាល័យវៀតណាម ការផ្តល់អាហា រូបករណ៍ដល់និស្សិត ... បានរួមចំណែកទៅក្នុងការជំរុញកិច្ចសហប្រតិបត្តិការលើវិស័យអប់រំ និងបណ្តុះបណ្តាលធនធានមនុស្ស បំពេញតម្រូវការនៃប្រទេសទាំងពីរ។

(VOVWORLD) - នៅពេលនិយាយដល់ប្រទេសកម្ពុជាម្ដងៗ ភ្ញៀវទេសចរភាគច្រើនតែងតែគិតពីប្រទេសមួយនៃវត្តអារ៉ាមនិងប្រាសាទ ជាមួយនឹងនិមិត្តរូបដ៏លេចធ្លោគឺប្រាសាទអង្គរ។ លើសពីនេះ កម្ពុជាក៏មានឆ្នេរសមុទ្រប្រវែងជិត ៥០០ គីឡូម៉ែត្រ តាមបណ្តោយឈូងសមុទ្រថៃ ដែលមានឆ្នេរនិងកោះដ៏ស្រស់ស្អាតជាច្រើនទៀតផង។ នាពេលកន្លងមក ទេសចរណ៍ពីសមុទ្រនិងកោះ បានរួមចំណែកជួយផ្នែកទេសចរណ៍កម្ពុជារីកចម្រើន លើកកម្ពស់សមត្ថភាពប្រកួតប្រជែង និងទាក់ទាញភ្ញៀវទេសចរទាំងជាតិ និងអន្តរជាតិ។ យោងតាមមជ្ឈដ្ឋានអ្នកជំនាញ ការបង្កើនការតភ្ជាប់ និងការធ្វើពិពិធកម្មផលិតផលទេសចរណ៍សមុទ្រ ដើម្បីទាក់ទាញភ្ញៀវទេសចរពីប្រទេសវៀតណាម កំពុងត្រូវបានប្រទេសកម្ពុជាយកចិត្តទុកដាក់ និងជំរុញយ៉ាងខ្លាំង។

(VOVWORLD) - ក្នុងប៉ុន្មានឆ្នាំថ្មីៗនេះ អាស្រ័យដោយមានការតភ្ជាប់យ៉ាងជិតស្និទ្ធរវាងក្រសួងឧស្សាហកម្ម-ពាណិជ្ជកម្មវៀតណាម និងក្រសួងឧស្សាហកម្ម-ពាណិជ្ជកម្មឡាវ រួមជាមួយគណៈកម្មាធិការនិងស្ថាប័នពាក់ព័ន្ធ ក៏ដូចជាការខិតខំប្រឹងប្រែងរបស់សហគមន៍ធុរកិច្ចនៃប្រទេសទាំងពីរដើម្បីជំនះពុះពារការលំបាក ទំនាក់ទំនងសហប្រតិបត្តិការសេដ្ឋកិច្ច និងពាណិជ្ជកម្មរវាងវៀតណាម និងឡាវ កាន់តែរីកចម្រើនយ៉ាងខ្លាំងក្លា។ ដោយមានសក្ដានុពលអភិវឌ្ឍន៍ដ៏ធំធេង ទំហំពាណិជ្ជកម្មវៀតណាម-ឡាវមិនត្រឹមតែកើនឡើងក្នុងកម្រិតពី ១០ ដល់ ១៥% ក្នុងមួយឆ្នាំប៉ុណ្ណោះទេ ថែមទាំងអភិវឌ្ឍន៍ប្រកបដោយស្ថិរភាព និងចីរភាពទៀតផង។

(VOVWORLD) - ថ្មីៗនេះ រូបភាពនៃដំណើរទេសចរណ៍រាត្រីនៅមណ្ឌលអក្សរសាស្ត្រ Van Mieu - Quoc Tu Giam កំពុងទាក់ទាញការចាប់អារម្មណ៍យ៉ាងខ្លាំងនៅលើបណ្ដាញសង្គម ដោយបានទាក់ទាញភ្ញៀវទេសចរទាំងជាតិ និងអន្តរជាតិយ៉ាងច្រើនកុះករអញ្ជើញមកទស្សនានិងទទួលបទពិសោធន៍ រួមទាំងភ្ញៀវទេសចរថៃផងដែរ។ ដូច្នេះ តើភ្ញៀវទេសចរចាប់អារម្មណ៍ចំពោះអ្វីខ្លះនៃដំណើរទេសចរណ៍រាត្រីប្រភេទថ្មីនេះ?

(VOVWORLD) - បិទទ្វារ និងបិទភ្លើងក្រោយម៉ោង៨យប់។ គ្មានក្លឹបរាត្រី ឬហាងបារខារ៉ាអូខេទេ។ សូម្បីតែគ្មានហាងលក់ទំនិញគ្រប់មុខក៏គ្មានដែរ។ មធ្យោបាយធ្វើដំណើរស្នូលគឺការដើរថ្មើជើង កង់ ឬឡានអគ្គិសនី។ យ៉ាងណាមិញ កោះម៉ាក់ - កោះដ៏រហោស្ថានមួយក្នុងខេត្តត្រាត ភាគខាងកើតប្រទេសថៃ កំពុងទាក់ទាញភ្ញៀវទេសចរក្នុងស្រុកនិងបរទេសយ៉ាងច្រើនកុះករមកទទួលយកបទពិសោធន៍នៃ "របៀបរស់នៅយឺតៗ" សម្របខ្លួនទៅនឹងធម្មជាតិ កាត់បន្ថយស្នាមជើងកាបូន និងរួមគ្នាការពារភពផែនដី។ ជោគជ័យនេះគឺបានមកពីការខិតខំប្រឹងប្រែងរួមគ្នារបស់ស្ថាប័នជាច្រើន អាជ្ញាធរគ្រប់លំដាប់ថ្នាក់ និងជាពិសេសការប្តេជ្ញាចិត្តរបស់សហគមន៍ជនអន្តោគ្រាមជាមួយនឹងធម្មនុញ្ញ "ទេសចរណ៍ប្រកបដោយនិរន្តរភាព"។

(VOVWORLD) - ប្រជាជនខេត្ត Khammuan ប្រទេសឡាវ ជឿថា ប្រសិនបើអ្នកណាមក Khammuan តែមិនទាន់បានញ៉ាំនំគោមខ្មៅ (នំ gai) ឬហ្វើ Xieng Vang នៅឡើយ គឺមិនទាន់បានមក Khammuan ទេ។ តាំងពីយូរយារណាស់មកហើយ នំគោមខ្មៅ និងហ្វើស្ងួត Xieng Vang បានក្លាយជាមុខម្ហូបដ៏ពិសេសដោយឡែកនៃខេត្ត Khammuan ភាគកណ្តាលប្រទេសឡាវ ដែលមនុស្សគ្រប់គ្នាពេលមកដល់ទីនេះម្ដងៗ ក៏ចង់សាកភ្លក់ ឬទិញធ្វើកាដូ។ ជាពិសេស មុខម្ហូបទាំងពីរខាងលើ គឺជាផលិតផលដែលបានកែច្នៃដោយជនជាតិឡាវដើមកំណើតវៀតណាមផ្ទាល់។

(VOVWORLD) - វៀតណាម-ថៃទើបតែប្រារព្ធខួប១០ឆ្នាំនៃទំនាក់ទំនងភាពជាដៃគូយុទ្ធសាស្ត្រ (២០១៣-២០២៣) ហើយនៅសល់តែ២ឆ្នាំទៀតប៉ុណ្ណោះ នឹងប្រារព្ធខួប៥០ឆ្នាំនៃទំនាក់ទំនងការទូត (១៩៧៦ - ២០២៦)។ ដូច្នេះ ឆ្នាំ ២០២៤ នឹងជារបត់ដ៏សំខាន់មួយដើម្បីឆ្ពោះទៅរកការលើកកម្ពស់ទំនាក់ទំនងទ្វេភាគីដល់កម្រិតខ្ពស់បំផុត។ នេះគឺជាខ្លឹមសារសំខាន់មួយក្នុងកិច្ចសម្ភាសន៍រវាងវិទ្យុសំឡេងវៀតណាមជាមួយលោក Nikorndej Balankura ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រថៃប្រចាំនៅវៀតណាម អំពីចំណុចលេចធ្លោនានាក្នុងរយៈពេល ១០ ឆ្នាំនៃទំនាក់ទំនងដៃគូយុទ្ធសាស្ត្រ (២០១៣-២០២៣) និងមុនកិច្ចប្រជុំគណៈរដ្ឋមន្ត្រីចម្រុះវៀតណាម-ថៃ ដែលគ្រោងនឹងប្រព្រឹត្តទៅនៅប្រទេសវៀតណាមក្នុងឆ្នាំនេះ។

(VOVWORLD) - អាស្រ័យដោយការខិតខំប្រឹងប្រែងឥតឈប់ឈរអស់រយៈពេលជាង ៤០ ឆ្នាំមក មជ្ឈមណ្ឌលស្រាវជ្រាវអភិវឌ្ឍន៍ភូមិន្ទ Huai Sai - ស្រុក Cha-am ខេត្ត Phetchaburi បានអនុវត្តន៍គម្រោងពិសោធន៍ដើម្បីប្រែក្លាយដីទំនេរ និងភ្នំត្រងោលទៅជាតំបន់ដីសម្បូរជីជាតិ ជួយប្រជាជននៅទីនេះអាចធ្វើវប្បកម្ម ដាំដុះដំណាំ កែលម្អរបររកស៊ី និងលើកកម្ពស់គុណភាពជីវភាពរស់នៅ។

(VOVWORLD) - ដោយអនុវត្តន៍គោលនយោបាយរបស់បក្ស រដ្ឋ និងទីក្រុងហាណូយអំពីកិច្ចការបរទេសរវាងប្រជាជននិងប្រជាជន ក៏ដូចជាពង្រឹងកិច្ចការបរទេសតាមរយៈកាណាលសារព័ត៌មាននោះ កាលពីចុងខែធ្នូ ឆ្នាំ២០២៣ សមាគមអ្នកកាសែតទីក្រុងហាណូយបានទទួលស្វាគមន៍សមាគមអ្នកកាសែតខេត្តឈៀងម៉ៃ ប្រទេសថៃ មកបំពេញទស្សនកិច្ច និងធ្វើការជាមួយបណ្ដាទីភ្នាក់ងារសារព័ត៌មានរបស់រដ្ឋធានី។ ដំណើរទស្សនកិច្ចបានបន្សល់ទុកនូវចំណាប់អារម្មណ៍ដ៏ល្អប្រសើរជាច្រើនចំពោះគណៈប្រតិភូអ្នកកាសែតថៃ ហើយរឹតបន្តឹងចំណងសាមគ្គីភាព និងមិត្តភាពរវាងសមាគមអ្នកកាសែតទីក្រុងហាណូយ និងសមាគមអ្នកកាសែតខេត្តឈៀងម៉ៃ។

(VOVWORLD) - បទកំណាព្យស្ដីពីក្រុងហាណូយជិត ៥០ បទគឺជាអារម្មណ៍ និងសេចក្តីស្រឡាញ់ទាំងអស់ដែលគ្រូបង្រៀនជនជាតិឥណ្ឌូនេស៊ី លោក Eko Widianto មានចំពោះទីក្រុងនេះ។ វិលត្រឡប់មកហាណូយវិញក្រោយរយៈពេល ៥ ឆ្នាំ ក្នុងប៉ុន្មានថ្ងៃត្រជាក់ដំបូងនៃសិសិររដូវ បុរសមកពីទឹកដីនៃកោះរាប់ពាន់ដែលមានតែពន្លឺព្រះអាទិត្យនិងខ្យល់បកពេញមួយឆ្នាំនេះ ហាក់ដូចជានឹកឃើញដល់ពេលវេលាដែលលោកធ្លាប់រស់នៅ និងធ្វើការនៅហាណូយ ដោយអារម្មណ៍រំភើបជាច្រើន។