(VOVWORLD) -ໃນ 6 ເດືອນຕົ້ນປີ, ນະຄອນ ຫາຍຟ່ອງ ດຶງດູດເງິນລົງທຶນໂດຍກົງຈາກຕ່າງປະເທດ (FDI) ໄດ້ເກືອບ 2 ຕື້ USD, ບັນລຸ 99% ຂອງແຜນການທັງປີ; ໃນນັ້ນ, ສະເພາະການດຶງດູດເງິນລົງທຶນຢູ່ບັນດາເຂດອຸດສາຫະກຳ, ເຂດເສດຖະກິດ ຄາດວ່າ ແມ່ນປະມານ 1,9 ຕື້ USD. ນີ້ແມ່ນໝາກຜົນຂອງຍຸດທະສາດໂດຍມີແບບມີແຜນ, ເປັນເຈົ້າການໃນການຊຸກຍູ້ການລົງທຶນ, ປ່ຽນໃຫມ່ ແລະ ເພີ່ມທະວີກຳລັງແຮງພາຍໃນຂອງພື້ນຖານເສດຖະກິດ, ຫັນບັນດາສິ່ງທ້າທາຍເປັນກາລະໂອກາດ.

(VOVWORLD) -ຕາມຕາຕະລາງຈັດອັນດັບດັດຊະນີກຳລັງຄວາມສາມາດແກ້ງແຍ່ງຂັ້ນແຂວງ (PCI) ປີ 2022 ໂດຍສະຫະພັນການຄ້າ ແລະ ອຸດສາຫະກຳຫວຽດນາມ (VCCI) ປະກາດຫວ່າງມໍ່ໆມານີ້, ນະຄອນ ດ່າໜັງ ຢືນອັນດັບທີ 9 ໃນຈຳນວນ 63 ແຂວງ, ນະຄອນ, ຫຼຸດລົງ 5 ຂັ້ນ ເມື່ອທຽບໃສ່ປີ 2021. ຕໍ່ຫນ້າຄວາມຈິງດັ່ງກ່າວ, ດ່າຫນັງ ພວມຊອກຫາຫຼາຍມາດຕະການແກ້ໄຂເພື່ອປັບປຸງດັດຊະນີ PCI, ເຮັດໃຫ້ ດ່າຫນັງ ກັບຄືນສູ່ອັນດັບແມ່ນ TOP ນຳຫນ້າທົ່ວປະເທດ.

(VOVWORLD) - ໄລຍະຜ່ານມາ, ພາຍໃຕ້ການຊີ້ນຳຢ່າງຂ້ຽວຂາດຂອງລັດຖະບານຫວຽດນາມ, ອຳນາດການປົກຄອງແຂວງ, ນະຄອນຕ່າງໆ... ໄດ້ວາງອອກຫຼາຍກົນໄກ, ນະໂຍບາຍ ແນໃສ່ແກ້ໄຂຄວາມຫຍຸ້ງຍາກໃຫ້ແກ່ວິສາຫະກິດ ແລະ ປະຊາຊົນ. ຜ່ານນັ້ນ, ກໍປະກອບສ່ວນເຂົ້າໃນການປັບປຸງສະພາບແວດລ້ອມແຫ່ງການລົງທຶນ, ດຳເນີນທຸລະກິດ, ຊ່ວຍວິສາຫະກິດພັດທະນາ.

(VOVWORLD) - 5 ເດືອນຕົ້ນປີ 2023, ວົງເງິນສົ່ງອອກຂອງ ຫວຽດນາມ ປະສົບກັບຄວາມຫຍຸ້ງຍາກ ແລະ ມີຫລາຍປະເພດສິນຄ້າສົ່ງອອກຫລັກແຫລ່ງ ມີການຫລຸດລົງ. ເຖິງຢ່າງໃດກໍຕາມ, ດ້ວຍສັນຍານທີ່ດີຂຶ້ນຂອງບັນດາປະເພດສິນຄ້າກະສິກຳເຊັ່ນ: ເຂົ້າສານ, ຜັກ ໝາກໄມ້; ການສົ່ງອອກໃນເດືອນພຶດສະພາແມ່ນເຕີບໂຕສູງກວ່າເດືອນ ເມສາ; ການສົ່ງອອກເກີນດຸນ 5 ເດືອນບັນລຸເກືອບ 10 ຕື້ USD, ສະພາບເງິນເຟີ້ຢູ່ບາງຕະຫຼາດຫຼຸດລົງ, ຄວາມຕ້ອງການນຳເຂົ້າສິນຄ້າເພີ່ມຂຶ້ນ… ຄຽງຄູ່ກັບຄວາມມານະພະຍາຍາມຂອງບັນດາວິສາຫະກິດ, ສະຫະສະມາຄົມ, ຂະແຫນງສິນຄ້າຂອງຫວຽດນາມ, ຄາດຄະເນວ່າ ການເຄື່ອນໄຫວສົ່ງອອກຂອງຫວຽດນາມ ຈະຟື້ນຕົວຄືນໃໝ່ໃນ 6 ເດືອນທ້າຍປີ.

(VOVWORLD) - ຍ້ອນຜົນສະທ້ອນຈາກການຊຸດໂຊມເສດຖະກິດໂລກພາຍຫລັງໂລກລະບາດໂຄວິດ 19, ສະພາບການເສດຖະກິດສັງຄົມທົ່ວປະເທດພວມປະສົບກັບຄວາມຫຍຸ້ງຍາກຫລາຍຢ່າງ. ເຖິງຢ່າງໃດກໍຕາມ ນະຄອນຫາຍຟ່ອງ ຍັງຄົງບັນລຸລະດັບການເຕີບໂຕ(GRDP)ສູງ, ເພີ່ມຂຶ້ນ 9,65% ເມື່ອທຽບໃສ່ກັບໄລຍະດຽວກັນຂອງປີກາຍ, ສູງທົບ 3 ເທົ່າລະດັບສະເລ່ຍຂອງທົ່ວປະເທດ. ເສດຖະກິດເຕີບໂຕສູງ ແລະ ມີສະຖຽນລະພາບ ແມ່ນປະຖົມປັດໄຈເພື່ອໃຫ້ນະຄອນ ຫາຍຟ່ອງ ສືບຕໍ່ບຸກທະລຸ, ກາຍເປັນກຳລັງຫນູນເຕີບໂຕຂອງເຂດທົ່ງພຽງແມ່ນ້ຳແດງ ແລະ ຂອງທົ່ວປະເທດ.

(VOVWORLD) -ຕາມການຄາດຄະເນແລ້ວ, ການເຕີບໂຕດ້ານເສດຖະກິດ ຂອງນະຄອນ ໂຮ່ຈີມິນ ໃນໄຕມາດ 2 ມີສັນຍານດີຂຶ້ນ ແລະ ອາດຈະບັນລຸ 5,87%. ຖ້າຫາກປຽບທຽບກັບການເຕີບໂຕຂອງໄຕມາດ 1 ບັນລຸພຽງ 0,7% ນັ້ນ, ເສດຖະກິດຂອງນະຄອນໄດ້ຮັບຖືວ່າ ແມ່ນ “ນຳຫນ້າເສດຖະກິດຂອງທົ່ວປະເທດ” ໄດ້ມີບາດກ້າວພັດທະນາຢ່າງແຮງ. ນີ້ແມ່ນສັນຍານທີ່ຫນ້າປະເອີບໃຈຕໍ່ເສດຖະກິດຂອງນະຄອນ ໂຮ່ຈີມິນ ໃນຊຸມເດືອນທີ່ຍັງເຫລືອຂອງປີ 2023.

(VOVWORLD) -ຍ້ອນຜົນສະທ້ອນຈາກໂລກລະບາດໂຄວິດ 19 ພ້ອມກັບການຊຸດໂຊມດ້ານເສດຖະກິດທົ່ວໂລກ... ການດຶງດູດການລົງທຶນຂອງຕ່າງປະເທດ(FDI)ເຂົ້ານະຄອນໂຮ່ຈີມິນໄລຍະຜ່ານມາແມ່ນເຕີບໂຕຊັກຊ້າ. ເພາະສະນັ້ນນັບແຕ່ຕົ້ນປີນີ້ ນະຄອນໂຮ່ຈີມິນໄດ້ປ່ຽນແປງຍຸດທະສາດດຶງດູດທຶນFDI, ຄັດເລືອກໂຄງການທີ່ມີຄວາມເປັນໄປໄດ້, ນຳໃຊ້ເຕັກໂນໂລຊີໃຫມ່, ມີມູນຄ່າເພີ່ມສູງ, ສົ່ງຜົນກະທົບແບບແຜ່ຂະຫຍາຍ, ເຊື່ອມຕໍ່ລະບົບການຜະລິດແລະການສະຫນອງທົ່ວໂລກ.

(VOVWORLD) -ຕາມການສັງເກດຂອງບັນດາອົງການສາກົນ ແລະ ວິສາຫະກິດລົງທຶນຕ່າງປະເທດ, ການແກ້ງແຍ່ງລະຫວ່າງບັນດາປະເທດພວມພັດທະນາໃນການດຶງດູດການລົງທຶນຂອງຕ່າງປະເທດ (FDI) ຈະດຳເນີນຢ່າງຂ້ຽວຂາດ ພິເສດໃນສະພາບການແຫລ່ງທຶນ FDI ໄດ້ຮັບການຄາດຄະເນວ່າຈະຫລຸດລົງໃນປີນີ້, ໃນຂະນະ ຄວາມຕ້ອງການການດຶງດູດເງິນລົງທຶນໃຫ້ແກ່ໄລຍະຟື້ນຟູ ແລະ ພັດທະນາ ພາຍຫລັງໂຄວິດ 19 ແມ່ນເພີ່ມຂຶ້ນສູງ. ໃນສະພາບການນີ້ໄດ້ວາງອອກຫລາຍສິ່ງທ້າທາຍໃຫ້ແກ່ ຫວຽດນາມ ແຕ່ກໍ່ແມ່ນກາລະໂອກາດຊຸກຍູ້, ການປ່ຽນໃຫມ່ ຈິນຕະນາການ, ປະດິດຄິດສ້າງ, ສ້າງສັນວິໄສທັດ.. ເພື່ອເປີດອອກບັນດາກາລະໂອກາດ ແລະ ກຳລັງຫນູນໃຫມ່ ໃນການຮ່ວມມືພັດທະນາ, ດຶງດູດກະແສເງິນລົງທຶນໃຫມ່.

(VOVWORLD) -ການພັດທະນາຮ່ວມສຳພັນ “ເຂດ” ແມ່ນແຜນນະໂຍບາຍຢ່າງລຸລ່ວງ, ສະເຫມີຕົ້ນສະເຫມີປາຍຂອງພັກ ແລະ ລັດ ເພື່ອແນໃສ່ຂຸດຄົ້ນ, ເສີມຂະຫຍາຍຄວາມສາມາດບົ່ມຊ້ອນ, ທ່າໄດ້ປຽບຂອງເຂດ ແລະ ທ້ອງຖິ່ນຕ່າງໆໃນທົ່ວປະເທດຢ່າງສູງສຸດ ເພື່ອພັດທະນາເສດຖະກິດ ສັງຄົມ, ຄວາມໝັ້ນຄົງ ແລະ ຍົກສູງຊີວິດການເປັນຢູ່ທາງດ້ານວັດຖຸ ຈິດໃຈຂອງປະຊາຊົນ. ພັດທະນາຢ່າງຄົບຊຸດ ແລະ ສ້າງການຮ່ວມສຳພັນລະຫວ່າງບັນດາເຂດພາກເພື່ອຂຸດຄົ້ນ ແລະ ເສີມຂະຫຍາຍທ່າໄດ້ປຽບກ່ຽວກັບພື້ນຖານໂຄງລ່າງ, ແຫລ່ງຊັບພະຍາກອນມະນຸດໃຫ້ດີກວ່າເກົ່າ ຈາກນັ້ນ ກໍ່ສ້າງບັນດາລະບົບມູນຄ່າທົ່ວໂລກ, ສ້າງສະພາບແວດລ້ອມແຫ່ງການພັດທະນາໃຫມ່ໃຫ້ແກ່ປະເທດຊາດ.

(VOVWORLD) -ບັນດາຄາດໝາຍພັດທະນາໄດ້ວາງອອກໃນມະຕິກອງປະຊຸມໃຫຍ່ຄັ້ງທີ XIII ຂອງພັກກອມມູນິດ ຫວຽດນາມ ສືບຕໍ່ຢັ້ງຢືນການສ້າງລະບົບພື້ນຖານໂຄງລ່າງຢ່າງຄົບຊຸດ ແມ່ນຫນຶ່ງໃນ 3 ເສົາຄ້ຳບຸກທະລຸຍຸດທະສາດ. ສະນັ້ນ ການກໍ່ສ້າງພື້ນຖານໂຄງລ່າງຄົມມະນາຄົມຂົນສົ່ງ ດ້ວຍທິດນຳ “ໄປກ່ອນເພື່ອເປີດທາງ” ໄດ້ຮັບຖືວ່າແມ່ນປາຍແຫລມກະໂດດຂັ້ນ, ບຸລິມະສິດແຖວຫນ້າຂອງ ຫວຽດນາມ. ເລື່ອງພັດທະນາລະບົບເສັ້ນທາງຄວາມໄວສູງຢ່າງຄົບຊຸດ ໄດ້ປະກອບສ່ວນຊຸກຍູ້ເສດຖະກິດ ສັງຄົມ, ຍົກສູງກຳລັງຄວາມສາມາດແກ້ງແຍ່ງແຫ່ງຊາດ, ລົບລ້າງຄວາມອຶວຫິວຫລຸດຜ່ອນຄວາມທຸກຍາກ.