Khanh Phan – អ្នកថតរូបស្ត្រីនាំសម្រស់វៀតណាមឈានទៅឆ្ងាយ

(VOVWORLD) - ពីបុគ្គលិកធនាគារម្នាក់ ក្លាយជាអ្នកថតរូប កញ្ញា Khanh Phan បានអះអាងពីខ្លួនឯងដោយស្នាដៃដ៏ល្អឥតខ្ចោះ រួមចំណែកនាំសម្រស់វៀតណាមចែងចាំងពន្លឺលើឆាកអន្តរជាតិ។

ជាមួយនឹងចំណង់ចំណូលចិត្តសម្រាប់សិល្បៈថតរូប នាងបានឈ្នះពានរង្វាន់ដ៏មានកិត្យានុភាពជិត ៣០ រួមទាំងពានរង្វាន់លេខមួយ Drone Award ២០១៩ ពានរង្វាន់លេខ១ SkyPixel Award ឆ្នាំ ២០១៩ និងជាពិសេសពានរង្វាន់កំពូលនៅ SkyPixel Award ឆ្នាំ ២០២៣ ជាមួយនឹងស្នាដៃ “រ៉ូបផ្កា”។ ស្នាដៃនេះបានបង្កការចាប់អារម្មណ៍យ៉ាងខ្លាំងនៅពេលដែលបានពណ៌នាស្ត្រីនៅតំបន់ណាមបូខាងលិច កំពុងប្រមូលផលព្រលឹត យ៉ាងសាមញ្ញ និងពោរពេញដោយលក្ខណៈសិល្បៈ។

ប្រៀបខ្លាំអរបស់ Khanh Phan គឺទាញយកសម្រស់ស្រស់ស្អាតរបស់ប្រជាជនវៀតណាម ជាពិសេសស្ត្រីកំពុងធ្វើពលកម្ម។ ពីរូបភាពនៃភូមិសិប្បកម្មប្រពៃណី វាលស្រែ រហូតដល់ផ្សារណាត់ជនបទ រូបថតនីមួយៗបានបង្ហាញពីដំណើររឿងដ៏រស់រវើក និងរំជួលចិត្ត។ គ្រាទាំងនោះមិនត្រឹមតែបង្ហាញពីភាពឧស្សាហ៍ព្យាយាមនិងភាពប៉ិនប្រសប់របស់ប្រជាជនវៀតណាមប៉ុណ្ណោះទេ ថែមទាំងឆ្លុះបញ្ចាំងពីលក្ខណៈវប្បធម៌ពិសេសនៃតំបន់នីមួយៗទៀតផង។

សម្រាប់ Khanh Phan ការថតរូបគឺជាវិធីមួយដើម្បីរក្សានិងផ្សព្វផ្សាយសម្រស់ស្អាតរបស់ប្រទេសវៀតណាម។ ជាមួយនឹងទេពកោសល្យ និងចំណង់ចំណូលចិត្តរបស់ខ្លួន នាងមិនត្រឹមតែឈ្នះពានរង្វាន់ធំៗប៉ុណ្ណោះទេ ថែមទាំងបានបំផុសគំនិតយ៉ាងខ្លាំងដល់សហគមន៍អ្នកចូលចិត្តថតរូបទៀតផង។

Khanh Phan - វិចិត្រករម្នាក់បានដែលប្រើប្រាស់ពន្លឺរស្មី និងពណ៌ចម្រុះ ដើម្បីនិទានរឿងអំពីស្រុកកំណើត ហើយស្នាដៃនីមួយៗរបស់នាងគឺជាសារអញ្ជើញសម្រាប់ពិភពលោកឱ្យមកឃើញពីប្រទេសវៀតណាម។

VOV5 សូមឧទ្ទេសនាមអំពីស្នាដៃរូបថតមួយចំនួនដែលទទួលបានពានរង្វាន់ពិភពលោករបស់វិចិត្រករថតរូប Khanh Phan៖

ស្នាដៃ៖ រ៉ូបផ្កា

ពានរង្វាន់កំពូលនៅ SkyPixel Video - SkyPixel Annual Photo & Video Contest លើកទី ៨។

ស្នាដៃ៖ ជួសជុលសំណាញ់ (Mending net)

ឈ្នះពានរង្ចាន់ Travel របស់ទស្សនាវដ្តី Wanderlust ក្នុងឆ្នាំ ២០១៩។

ចុះផ្សាយក្នុងទស្សនាវដ្តី Wanderlust ខែមិថុនា ឆ្នាំ ២០២០។

គម្របទស្សនាវដ្តី Wanderlust កំណែជាភាសាអង់គ្លេស ខែមីនា ឆ្នាំ ២០២០ ។

ស្នាដៃ៖ ឆ្លងកាត់វាលស្រែ - Thang Binh ខេត្ត Quang Nam

បោះពុម្ពផ្សាយក្នុងទស្សនាវដ្តី Geo Magazine (ទស្សនាវដ្តីថតរូបដ៏ល្បីល្បាញលើពិភពលោក) កំណែជាភាសាអង់គ្លេស ខែមេសា ឆ្នាំ ២០២០; កំណែជាភាសាបារាំង ខែឧសភា ឆ្នាំ ២០២០។

ចុះផ្សាយទស្សនាវដ្តីអនឡាញ់របស់រុស្ស៊ី អាមេរិក និងចិន។

ពានរង្វាន់កិត្តិយសខ្ពស់បំផុសនៅក្នុងពានរង្វាន់ Drone of Siena ឆ្នាំ ២០១៩។

តាំងពិព័រណ៍នៅ Siena, Tuscany ប្រទេសអ៊ីតាលី ឆ្នាំ ២០២០។

តាំងពិព័រណ៍នៃមហោស្រពរូបថតវ័យក្មេងឆ្នាំ ២០១៩។