ចំណាប់អារម្មណ៏អំពីពិធីរៀបអាពាហ៍ពិពាហ៍ដ៏ពិសេសរបស់ គូស្វាមីភរិយា ចំនួន ២០គូ ដែលសុទ្ធតែជាវេជ្ជបណ្ឌិត និងគិលានុបដ្ឋាយិកានៅមន្ទីរពេទ្យវិទ្យាសាស្ត្រយោធលេខ ១៧៥

(VOVWORLD) - ក្នុងឱកាសទិវាគ្រូពេទ្យវៀតណាម (២៧ កុម្ភៈ ២០២២) មន្ទីរពេទ្យវិទ្យាសាស្ត្រយោធលេខ ១៧៥ (ក្រសួងការពារប្រទេសវៀតណាម) ទើបតែបានរៀបចំពិធីរៀបអាពាហ៍ពិពាហ៍ដ៏ពិសេសជូន គូស្វាមីភរិយា ចំនួន ២០គូ ដែលជាបុគ្គលិកសុខាភិបាលនៃមន្ទីរពេទ្យ ដោយសារមុននេះអាក់ខានពិធីរៀបមង្គលការរបស់ខ្លួន ដើម្បីចូលរួមប្រយុទ្ធប្រឆាំងជំងឺរាតត្បាត។

ពិធីរៀបមង្គលការដ៏ពិសេសបានប្រព្រឹត្តិទៅកាលពីយប់ថ្ងៃទី ២០ កុម្ភៈ នៅបរិវេណ មន្ទីរពេទ្យវិទ្យាសាស្ត្រយោធលេខ ១៧៥ ។

គូស្វាមី ភរិយាត្រូវបានរៀបចំពិធីមង្គលការសមូហភាពនៅ មន្ទីរពេទ្យវិទ្យាសាស្ត្រយោធលេខ ១៧៥ នាពេលរាត្រី

គូស្វាមីភរិយាស្រស់ស្អាត ដោយបានស្លៀកពាក់សំលៀកបំពាក់អាពាហ៍ពិពារហ៍

គូស្វាមីភរិយាជាច្រើនមិនអាចលាក់បាំងអារម្មណ៍រំភើបចិត្ត ព្រោះថាពិធីរៀបមង្គលការត្រូវបានរៀបចំយ៉ាងឱឡារិកហួសពីការស្មានដល់របស់ពួកគេ។

ក្នុងក្របខ័ណ្ឌនៃពិធីរៀបមង្គលការបានប្រព្រឹត្តិទៅកម្មវិធីសិល្បៈពិសេសមួយក្រោមប្រធានបទ "ខ្សែជីវិត" គឺជាការតបស្នង់សងគុណ លើកទឹកចិត្ត និងទទួលស្គាល់ការលះបង់របស់វេជ្ជបណ្ឌិត និងគិលានុបដ្ឋាយិកាដែលបានចូលរួមក្នុងខ្សែជួរមុខប្រយុទ្ធប្រឆាំងជំងឺរាតត្បាតកូវីដ ១៩។

កម្លាំងដឹកជញ្ជូនស្បៀងអាហារទៅកាន់តំបន់បិទខ្ទប់ ដើម្បីជួយឧបត្ថម្ភប្រជាពលរដ្ឋ ត្រូវបានសម្ដែងឡើងវិញយ៉ាងរស់រវើកនៅឆាកនៃពិធីរៀបមង្គលការសមូហភាពរបស់គូស្វាមីភរិយាជាវេជ្ជបណ្ឌិត និង គិលានុបដ្ឋាយិកានៅមន្ទីរពេទ្យវិទ្យាសាស្ត្រយោធលេខ ១៧៥។