បារាំងរាំងស្កាត់ការបំផ្ទុះគ្រាប់បែកនៅខាងក្រៅធនាគារអាមេរិកនៅទីក្រុងប៉ារីស

យោងតាមប្រព័ន្ធផ្សព្វផ្សាយបារាំង ហេតុការណ៍នេះបានកើតឡើងនៅម៉ោងប្រហែល ៣:៣០ ព្រឹក (ម៉ោងក្នុងស្រុក) នៅពីមុខទីស្នាក់ការកណ្តាលធនាគារ Bank of America ក្នុងខ័ណ្ឌទី ៨ នៃទីក្រុងប៉ារីស ដែលមានចម្ងាយពីរបីផ្លូវពី Champs-Élysées។ ប៉ូលីសបានចាប់ខ្លួនជនសង្ស័យបន្ទាប់ពីមុខសញ្ញានេះបានដាក់ឧបករណ៍ផ្ទុះផលិតនៅផ្ទះ ដែលមានសារធាតុរាវ ប្រហែល ៥ លីត្រដែលគេជឿថា ជាឥន្ធនៈផ្ទុះ រួមជាមួយនឹងប្រព័ន្ធបំផ្ទុះ។

រដ្ឋមន្ត្រីក្រសួងមហាផ្ទៃបារាំង លោក Laurent Nunez បានលើកឡើងថា ជម្លោះនៅមជ្ឈិមបូព៌ាអាចជាហេតុផលនៅពីក្រោយហេតុការណ៍នេះ។ ចាប់តាំងពីការផ្ទុះឡើងនៃជម្លោះនៅមជ្ឈិមបូព៌ាមក បណ្តាប្រទេសនៅអឺរ៉ុបបានប្រុងប្រយ័ត្នខ្ពស់ចំពោះហានិភ័យនៃការវាយប្រហារលើទីតាំងសាសនាជ្វីហ្វ ក៏ដូចជាទ្រព្យសម្បត្តិដែលទាក់ទងនឹងសហរដ្ឋអាមេរិកនិងអ៊ីស្រាអែល៕