ប្រតិភូធ្វើពិធីចុចប៊ូតុងសម្ពោធគម្រោងជាផ្លូវការ (រូបថត៖ VOV)

គម្រោងនេះ ដែលមានផ្ទៃដីជិត ៤៣៦ ហិកតា ជាមួយនឹងការវិនិយោគសរុបជាង ៤.១៥០ ពាន់លានដុង (ជាង ១៥៥ លានដុល្លារអាមេរិក) បានទទួលការយល់ព្រមពីនាយករដ្ឋមន្ត្រីក្នុងឆ្នាំ ២០២១។ ស្ថិតនៅចំកណ្តាលនៃតំបន់សេដ្ឋកិច្ចបើកចំហ Chu Lai មណ្ឌលឧស្សាហកម្មនេះមានការតភ្ជាប់ងាយស្រួលទៅកាន់ប្រព័ន្ធដឹកជញ្ជូន រួមទាំងផ្លូវថ្នល់ ផ្លូវដែក ផ្លូវអាកាស ផ្លូវសមុទ្រ និងផ្លូវទឹកក្នុងស្រុក ដែលបង្កើតបានជាអត្ថប្រយោជន៍ដ៏សំខាន់មួយក្នុងវិស័យភស្តុភារកម្ម។

គម្រោងនេះមានទិសដៅអភិវឌ្ឍន៍តាមទម្រង់មណ្ឌលឧស្សាហកម្មទំនើប និងមិនប៉ះពាល់ដល់បរិស្ថាន ដោយផ្តល់អាទិភាពដល់ការទាក់ទាញឧស្សាហកម្មបច្ចេកវិទ្យាខ្ពស់ ឧស្សាហកម្មស្អាត និងវិស័យដែលមានតម្លៃបន្ថែមខ្ពស់ ដូចជាអេឡិចត្រូនិក វិស្វកម្មមេកានិច រថយន្តនិងយានយន្ត ឱសថ វត្ថុធាតុដើម ការកែច្នៃស៊ីជម្រៅ ភស្តុភារកម្ម ឃ្លាំងទុកបម្រុង និងសេវាកម្មគាំទ្រ ដែលរួមចំណែកដល់ការអភិវឌ្ឍសេដ្ឋកិច្ច-សង្គមនៃតំបន់ភាគកណ្តាល៕