ម្ហូបអាហារ - មោទនភាពរបស់វៀតណាម

មុខម្ហូបវៀតណាមមានភាពចម្រុះ សម្បូរបែប ប្រណិត ហើយផ្សាភ្ជាប់នឹងលក្ខណៈដោយឡែករបស់ខ្លួន ដោយប្រើប្រាស់ផលិតផលប្រចាំតំបន់នីមួយៗ ដូច្នេះទើបមានភាពទាក់ទាញយ៉ាងខ្លាំងចំពោះភ្ញៀវទេសចរអន្តរជាតិ។

នាពេលថ្មីៗនេះ វៀតណាមបានជាប់ក្នុងបញ្ជីប្រទេសចំនួន ១០ ដែលមានម្ហូបអាហារឆ្ងាញ់បំផុតនៅលើពិភពលោក យោងតាមការវាយតម្លៃរបស់អ្នកអានទស្សនាវដ្តី The Travel (កាណាដា)។ វៀតណាមជាប់ចំណាត់ថ្នាក់លេខ៥ក្នុងបញ្ជីនេះ។ កាណាល់ទូរទស្សន៍ CNN ដ៏ល្បីល្បាញ ក្នុងឆ្នាំនេះក៏បានបោះឆ្នោតជ្រើសរើសមុខម្ហូបវៀតណាមមួយចំនួន ចូលក្នុងបញ្ជីអាហារតាមដងវិថី ឆ្ងាញ់បំផុតទាំង ៥០ នៅអាស៊ីផងដែរ។

នៅខាងក្រោមនេះ សូមអញ្ជើញលោកអ្នកនាងនិងប្រិយមិត្តរួមជាមួយ VOV5រាយឈ្មោះមុខម្ហូប
វៀតណាមនានាដែលត្រូវបានពិភពលោកកោតសរសើរ និងលើកតម្កើង៖

១. ហ្វើ

និយាយពីប្រទេសវៀតណាម ជនបរទេសជាច្រើននឹងនឹកឃើញដល់ហ្វើភ្លាមៗ - ម្ហូបអាហារដែលមានសរសៃពណ៌ស ទន់ ដោយស្រូបជាមួយទឹកស៊ុប និងសាច់គោ/មាន់ ជី និងចាខ្វៃ។

នាពេលថ្មីៗនេះ ហ្វើ ត្រូវបានទូរទស្សន៍ CNN លើកតម្កើងជាអាហារដែលមានទឹកស៊ុបដ៏ឆ្ងាញ់បំផុតលើពិភពលោក។

ហ្វើគឺជាមុខម្ហូបដ៏ល្បីលើពិភពលោក ដែលកម្រមានមុខម្ហូបផ្សេងណាមួយ អាចប្រកួតប្រជែងបានឡើយ។ (រូបភាព៖ Shutterstock)

ហ្វើតែងតែត្រូវបានដាក់លាយជាមួយទឹកស៊ុបដ៏ក្រអូប ផ្អែម សរសៃហ្វើស្វិតៗ និងសាច់មួយចំនួន ដែលត្រូវបានចម្អិនទន់ សម្បូរប្រូតេអ៊ីនដូចជាសាច់គោ និងសាច់មាន់។ (រូបថត៖ trivietphat.net)

នំប៉័ងវៀតណាមត្រូវបានគេហទំព័រអាហារ Taste Atlas ដាក់បញ្ចូលក្នុងបញ្ជីអាហារតាមដងវិថីឆ្ងាញ់បំផុតលើពិភពលោកដោយ បន្ទាប់ពីការស្ទង់មតិរបស់អ្នកអានជុំវិញពិភពលោក ដែលធ្វើឡើងក្នុងខែកញ្ញាឆ្នាំនេះ ដោយទទួលបាន ៤.៨/៥ ពិន្ទុ។

យោងតាមគេហទំព័រ Euronews នៅតាមតំបន់នីមួយៗ នំប៉័ងវៀតណាមស្នូលនិងរសជាតិផ្សេងៗគ្នា។ (រូបថត៖ Trithuctre)

ពាក្យ "banh mi" បានបង្ហាញខ្លួនជាផ្លូវការនៅក្នុងវចនានុក្រម Merriam-Webster (សហរដ្ឋ អាមេរិក) នៅខែកញ្ញា ឆ្នាំ ២០២២។ (រូបថត៖ Sunny Side Circus)

CNN ធ្លាប់បានហៅនំប៉័ងវៀតណាមថា "សាំងវិចឆ្ងាញ់បំផុតនៅលើពិភពលោក" ។ Traveler - គេហទំព័រទេសចរណ៍ដ៏ល្បីល្បាញរបស់អូស្ត្រាលី ធ្លាប់បានដាក់បញ្ចូលនំបុ័ងវៀតណាមក្នុង Top ១០ សាំងវិចដ៏ទាក់ទាញបំផុតនៅលើភពផែនដី។ (រូបថត៖ laodong)

យោងតាមព័ត៌មានដែល TF១ ដែលជាប៉ុស្តិ៍ទូរទស្សន៍ធំជាងគេនៅប្រទេសបារាំង ផ្សាយកាលពីថ្ងៃទី ៧ ខែកុម្ភៈ ឆ្នាំ ២០២២ ណែមចៀនប្រពៃណីវៀតណាមបានជាប់ចំណាត់ថ្នាក់លេខ ៣ ក្នុងបញ្ជីមុខម្ហូបបរទេសដែលអ្នកប្រើប្រាស់បារាំងពេញនិយមបំផុត។

គ្រឿងផ្សំសម្រាប់ធ្វើណែមចៀន មានសាច់ចិញ្ច្រាំ មីសួ ការ៉ុត សណ្តែកបណ្តុះពងមាន់ ផ្សិតត្រចៀក កណ្ដុរ ផ្សិតស៊ីអ៊ីតាក ជាដើម រួមជាមួយគ្រឿងទេស។ (រូបថត៖ danviet.vn)

ណែមចៀន គឺជាមុខម្ហូបមួយក្នុងចំណោមមុខម្ហូបដែលតំណាងឱ្យម្ហូបប្រពៃណីវៀតណាម បានទាក់ទាញអ្នកទទួលទានជានិច្ច។ (រូបថត៖ danviet.vn)

CNN បានធ្វើបញ្ជីមុខម្ហូបចៀនឆ្ងាញ់បំផុតចំនួន ៣០ នៅលើពិភពលោក ក្នុងនោះមានមុខនំពណ៌ក្រូច ដែលឬបានហៅថា នំពងអង្ក្រងរបស់វៀតណាម។

នំពណ៌ក្រូចត្រូវបានប្រជាជនភាគខាងត្បូងដាក់ឈ្មោះ ដោយសារតែមានរូបរាង និងពណ៌ដូចផ្លែក្រូច ធ្វើពីម្សៅអង្ករដំណើបស្អិត ជាមួយនឹងស្នូលជាម្សៅសណ្តែកខៀវ ខាងក្រៅមានគ្រាប់ល្ងស ចៀនក្នុងខ្ទះប្រេង។ (រូបថត៖ foodnews.com)

នៅភាគខាងជើង នំពណ៌ក្រូចត្រូវបានគេហៅថា នំពងអង្ក្រង បន្ទាប់ពីចៀន វាត្រូវបានលាបទឹកឃ្មុំឬស្ករមួយស្រទាប់។ (រូបថត៖ baodantoc.vn)

នៅក្នុងខែមេសាកន្លងទៅ នំម្សៅដំឡូងមី គឺជាឈ្មោះដែលបានលើកឡើងនៅពេលទូរទស្សន៍ CNN ស្ងើចសរសើរម្ហូបអាហារវៀតណាម។ នេះគឺជាមុខម្ហូបដ៏ល្បីបំផុតនៃម្ហូបអតីតរាជធានី Hue។

នំម្សៅដំឡូងមីធ្វើពីម្សៅដំឡូងមីជាមួយបង្គា និងសាច់ខ្លាញ់មួយដុំ ដើម្បីធ្វើឱ្យនំមានក្លិនក្រអូប និងខ្លាញ់។ (រូបថត៖ huesmiletravel.com.vn)

ខាងក្រៅនំគឺស្លឹក dong ឬស្លឹកចេក ក្លិនស្លឹកឈើក៏លាយជាមួយរសជាតិនំ បន្ទាប់ពីចំហុយ។ (រូបថត៖ Giaoducphanthiet.edu.vn)

ពេលដែលអ្នកទទួលទាន ចុកបកស្លឹកខៀវចេញ វានឹងបង្ហាញសាច់នំទន់ថ្លា ហើយអាចមើលឃើញបង្គា និងសាច់នៅខាងក្នុងបានយ៉ាងច្បាស់។ (រូបថត៖ huesmiletravel.com.vn)