នាយករដ្ឋមន្ត្រីសម្តេចហ៊ុន ម៉ាណែត អញ្ជើញមានប្រសាសន៍ក្នុងកម្មវិធី (រូបថត៖ VOV)

នៅថ្ងៃទី២០ ខែមិថុនា ឆ្នាំ ២០២៤ ក្នុងពិធីរំលឹកខួបលើកទី៤៧ ឆ្នាំ នៃ ដំណើរតស៊ូរបស់សម្តេចតេជោ ហ៊ុន សែន ដើម្បីឈានឆ្ពោះទៅការផ្ដួលរំលំរបបប្រល័យពូជសាសន៍ ដែលប្រព្រឹត្តទៅនៅស្រុកមេមត់ ខេត្តត្បូងឃ្មុំ នាយករដ្ឋមន្ត្រីសម្តេចហ៊ុន ម៉ាណែត បានសង្កត់ធ្ងន់ថា៖ ប្រជាជនកម្ពុជានឹងចងចាំជានិច្ចនូវការពិតជាប្រវត្តិសាស្ត្រអំពីការលះបង់ដ៏បង្ហូរឈាមរបស់យុទ្ធជនស្ម័គ្រចិត្តវៀតណាមក្នុងបុព្វហេតុរំដោះជាតិ និងនាំប្រជាជនកម្ពុជាចេញពីរបបប្រល័យពូជសាសន៍ខ្មែរក្រហម។

ពិធីនេះបានប្រារព្វធ្វើឡើង ក្រោមអធិបតីភាពសម្តេចនាយករដ្ឋមន្ត្រី ហ៊ុន ម៉ាណែត ដោយមានការចូលរួមពីថ្នាក់ដឹកនាំជាន់ខ្ពស់នៃរាជរដ្ឋាភិបាល រដ្ឋសភា ព្រឹទ្ធសភា និងប្រតិភូចំនួន ១០០០នាក់ មកពីគ្រប់មូលដ្ឋាន និងស្ថាប័ននានានៃកម្ពុជា។ ខាងភាគីវៀតណាមមានការចូលរួមពីឧត្តមសេនីយឯក Vo Minh Luong សមាជិកគណៈកម្មាធិការមជ្ឈិមបក្ស អនុរដ្ឋមន្ត្រីក្រសួងការពារប្រទេស; ឧត្តមសេនីយ៍ទោ Nguyen Van Long អនុរដ្ឋមន្ត្រីក្រសួងនគរបាល; អនុរដ្ឋមន្ត្រីក្រសួងការបរទេសលោក Do Hung Viet; ឯកអគ្គរដ្ឋទូតវៀតណាមប្រចាំនៅកម្ពុជា លោក Nguyen Huy Tang និងថ្នាក់ដឹកនាំស្ថាប័នមជ្ឈិម និងមូលដ្ឋាន ព្រមទាំងមេបញ្ជាការយោធភូមិភាគពាក់ព័ន្ធមួយចំនួន។ ក្នុងពិធីនោះ សម្តេចនាយករដ្ឋមន្ត្រី ហ៊ុន ម៉ាណែត បានបញ្ជាក់ថា៖

“បក្ស រដ្ឋាភិបាលនិងប្រជាជនវៀតណាម ក៏បានជួយកម្ពុជា ក្នុងបុព្វហេតុរំដោះជាតិ ចេញពីរបបប្រល័យពូជសាសន៍ ប៉ុល ពត និងការកសាង អភិវឌ្ឍប្រទេសផងដែរ។ នេះជាសច្ចភាពនៃប្រវត្តិសាស្ត្រ ដែលប្រជាជននៃប្រទេសយើងទាំងពីរត្រូវយល់ឱ្យច្បាស់”៕