(VOVWORLD) - សិល្បៈធ្វើកុលាលភាជន៍របស់ជនជាតិចាមទទួលបានវិញ្ញាបនបត្រកត់ត្រាកិត្តិនាមជា"បេតិកភណ្ឌវប្បធម៌អរូបីចាំបាច់ត្រូវការពារបន្ទាន់ជាផ្លូវការ" របស់គណៈកម្មការអប់រំ វិទ្យាសាស្ត្រ និងវប្បធម៌នៃអង្គការសហប្រជាជាតិ (UNESCO) នាថ្ងៃទី ១៦ មិថុនា ក្នុងរាត្រីបើកពិធីបុណ្យទំពាំងបាយជូរ - ស្រាទំពាំងបាយជូរ Ninh Thuan ឆ្នាំ ២០២៣។ ការទទួលកិត្តិនាមនេះ គឺជាឱកាសថ្មីសម្រាប់អាជ្ញាធរគ្រប់ជាន់ថ្នាក់ និងបងប្អូនជនជាតិចាមនៅទីនេះអភិរក្ស និងពង្រីកតម្លៃបេតិកភណ្ឌ រក្សារបរប្រពៃណី និងបង្កើនប្រាក់ចំណូលពីការធ្វើទេសចរណ៍ ដោយផ្អែកលើកេរ្កិ៍ដំណែលសិល្បៈធ្វើកុលាលភាជន៍ផងដែរ។

(VOVWORLD) - ក្នុងនាមជាឃុំដាច់ស្រយាលនៃស្រុក Krong Bong ខេត្ត Dak Lak Cu Dram គឺជាឃុំដែលមានលក្ខខ័ណ្ឌធម្មជាតិមិនអំណោយផល។ ប៉ុន្តែអាជ្ញាធរ និងប្រជាជននៅទីនេះបានប្រែក្លាយគុណវិបត្តិទាំងនោះទៅជាគុណសម្បត្តិដើម្បី អភិវឌ្ឍន៍សេដ្ឋកិច្ច។ ដោយមានការជួយឧបត្ថម្ភទុនពីធនាគារគោលនយោបាយ ប្រជាជននៅឃុំ Cu Dram បានផ្លាស់ប្តូរដំណាំដាំដុះយ៉ាងសកម្ម ដើម្បីលើកកម្ពស់ប្រសិទ្ធភាពសេដ្ឋកិច្ច។

(VOVWORLD) - នៅតំបន់ព្រៃភ្នំ Tran Yen ខេត្ត Yen Bai ប្រជាជនមានប្រាក់ចំណូលច្រើនជាង ៣ ទៅ ៤ ដង ដោយអាស្រ័យលើការផ្លាស់ប្ដូរពីការដាំស្រូវ និងដំណាំទៅជាការដាំដើមមន និងចិញ្ចឹមដង្កូវនាង។គ្រួសារជាច្រើនមានប្រាក់ចំណូលរាប់សិបលានដុងដល់រាប់រយលានដុងក្នុងមួយឆ្នាំ។ ជីវភាពរស់នៅរបស់ប្រជាជននៅតាមឃុំជនបទថ្មីនៅទីនេះកំពុងផ្លាស់ប្ដូរពីដើមមន និងដង្កូវនាងពីមួយថ្ងៃទៅមួយថ្ងៃ។

(VOVWORLD) - ភូមិ Lien Minh ស្ថិតនៅក្បែរជ្រលងភ្នំនៅចុងបណ្ដោយផ្លូវ។ ផ្ទះចំនួន ២០ ខ្នង ស្ថិត រាយប៉ាយនៅជុំវិញជ្រលងភ្នំដ៏ធំល្វឹងល្វើយដែលមានស្មៅខៀវស្រងាត់។ នៅជ្រុងមួយនៃជ្រលងភ្នំគឺជាបឹងទឹកដែលមានរាងបេះដូងជាមួយហ្វុងកុក។ ធ្វើដំណើរពីភូមិឆ្លងជ្រលងភ្នំគឺទៅដល់ច្រាំងថ្មចោត ជាគោលដៅដែលភ្ញៀវទេសចរផ្សងព្រេងជ្រើសរើសដើម្បីបង្ហាញសមត្ថភាពឡើងភ្នំរបស់ខ្លួន។

(VOVWORLD) - ដោយអនុវត្តន៍ “កម្មវិធីផ្លាស់ប្តូរឌីជីថលជាតិដល់ឆ្នាំ ២០២៥ តម្រង់ទិសដៅដល់ឆ្នាំ ២០៣០” ដែលត្រូវបានរដ្ឋាភិបាលអនុម័ត ស្រុក Cu Lao Dung ខេត្ត Soc Trang បាននឹងកំពុងផ្តោតសំខាន់លើការអនុវត្តការផ្លាស់ប្ដូរឌីជីថលលើវិស័យកសិកម្ម។ តាមនោះ នាំមកនូវប្រសិទ្ធភាពខ្ពស់ក្នុងផលិតកម្ម និងអាជីវកម្មជាជំហានៗ រួមចំណែក យ៉ាងសំខាន់ក្នុងការជំរុញការអភិវឌ្ឍសេដ្ឋកិច្ច សង្គមរបស់ស្រុកផងដែរ។

(VOVWORLD) - ចំការស្ត្របឺរីនានានៅឃុំ Nguyen Phich ស្រុក U Minh ខេត្ត Ca Mau ជាប់នឹងព្រៃ U Minh Ha ហើយស្ថិតនៅតាមបណ្ដោយដងទន្លេ Cai Tau ។ ចំការស្ត្របឺរីទាំងនេះមានវត្តមាន និងអភិវឌ្ឍន៍រាប់រយឆ្នាំកន្លងទៅ ជាមួយនឹងដើមស្ត្របឺរីចំណាស់ បង្កប់សញ្ញាសម្គាល់ នៃពេលវេលារបស់តំបន់ទឹកដីភាគខាងត្បូងបុរមបុរាណ។ នាបច្ចុប្បន្ននេះ ចំការស្ត្របឺរី Cai Tau បានក្លាយទៅជាផលិតផលទេសចរណ៍ដ៏វិសេសវិសាលផងដែរ។

(VOVWORLD) - របរធ្វើបាញ់ត្រាងនៅសង្កាត់ Thuan Hung ខ័ណ្ឌ Thot Not ទីក្រុង Can Tho ទើបតែត្រូវបានក្រសួងវប្បធម៌ កីឡា និងទេសចរវៀតណាមដាក់បញ្ជូលទៅក្នុងបញ្ជីបេតិកភណ្ឌវប្បធម៌អរូបីជាតិលើវិស័យរបរសិប្បកម្មប្រពៃណី។ បាញ់ត្រាង Thuan Hung គឺជាភូមិរបរប្រពៃណីដើមដំបូងរបស់ទីក្រុង Can Tho ដែលទទួលបានកិត្តិយសនេះ។ នេះគឺជាក្តីសោមនស្សរីករាយយ៉ាងក្រៃលេងចំពោះបងប្អូនអ្នកភូមិរបរ ដែលបានឆ្លងកាត់រយៈពេលជាង ២០០ នៃការកកើត និងអភិវឌ្ឍន៍។

(VOVWORLD) - ដោយអនុវត្តន៍កម្មវិធីគោលដៅជាតិស្ដីពីការកសាងជនបទថ្មី ខេត្ត Quang Ninh បានដាក់ចេញគោលដៅខ្ពស់បំផុតគឺលើកកំពស់យ៉ាងទូលំទូលាយនូវជីវភាពរស់នៅខាងសម្ភារៈ និងស្មារតីរបស់ប្រជាកសិករ និងអ្នកជនបទតាមស្តង់ដារសុភមង្គល។ ដោយមានការស្រុះចិត្តគំនិតគ្នារបស់ប្រជាជន តំបន់ជនបទជាច្រើនចាប់ពីតំបន់ព្រៃភ្នំដល់កោះសមុទ្រនៅខេត្ត Quang Ninh ក្នុងនោះមានឃុំព្រៃភ្នំ Binh Khe បានក្លាយទៅជាតំបន់ជនបទគំរូ។

(VOVWORLD) - បច្ចុប្បន្ននេះ ខេត្ត Vinh Phuc មានភូមិរបរប្រពៃណីចំនួន ១៩ ជាមួយសហករណ៍ចំនួន ២៣៥ ដែលប្រតិបត្តិការលើវិស័យកសិកម្ម។ ខេត្តក៏មានតំបន់ផលិតកសិផលប្រមូលផ្តុំទ្រង់ទ្រាយធំមួយចំនួនដែលមានការអភិវឌ្ឍយ៉ាងទូលំទូលាយ។ នេះគឺជាសក្តានុពល ដែលមានសម្រាប់អង្គការ និងបុគ្គល ចូលរួមកម្មវិធីឃុំមួយផលិតផលមួយ (OCOP) បង្កើតផលិតផលដ៏មានតម្លៃ ហើយមានកម្លាំងប្រកួតប្រជែងនៅលើទីផ្សារ។

(VOVWORLD) - ជំរុញមុខរបរចិញ្ចឹមជីវិតប្រកបដោយនិរន្តរភាពសម្រាប់កសិករផលិតកម្មខ្នាតតូច ជាពិសេសគឺស្ត្រី និងបងប្អូនជនជាតិភាគតិច គឺជាគោលដៅនៃគម្រោង "ឈានឡើង-អភិវឌ្ឍន៍មុខរបរចិញ្ចឹមជីវិតរស់នៅប្រកបដោយចីរភាព"។ គម្រោងនេះត្រូវបានអង្គការ CARE International ប្រចាំនៅវៀតណាម រួមជាមួយដៃគូនានាសម្របសម្រួលគ្នាអនុវត្តន៍ ហើយកំពុងត្រូវបានអនុវត្តន៍នៅរីរួមខេត្ត Buon Ho ខេត្ត Dak Lak ដើម្បីជួយឧបត្ថម្ភដល់ស្ត្រីជនជាតិភាគតិចទទួលបានវិធីសាស្រ្តចិញ្ចឹមសត្វថ្មី ផលិតកម្មតាមទិសដៅប្រកបដោយចីរភាព។