(VOVWORLD) - ចាប់ពីថ្ងៃទី ២៥ ខែតុលាដល់ថ្ងៃទី ៤ ខែវិច្ឆិកា ពិព័រណ៍សរទរដូវឆ្នាំ ២០២៥នឹងប្រព្រឹត្តទៅនៅមជ្ឈមណ្ឌលពិព័រណ៍វៀតណាម (VEC) សង្កាត់ Dong Anh ទីក្រុងហាណូយ។ ដោយប្រធានបទ “តភ្ជាប់មនុស្សជាមួយផលិតកម្ម និងអាជីវកម្ម” ព្រឹត្តិការណ៍នេះត្រូវបានរៀបចំឡើងតាមថ្នាក់ជាតិ ដែលជាពិព័រណ៍ដ៏ធំបំផុតមិនធ្លាប់មាននៅវៀតណាម។ មិនត្រឹមតែជាកន្លែងផ្សព្វផ្សាយផលិតផលឆ្នើម និងមានគុណភាពខ្ពស់របស់សហគ្រាសវៀតណាមប៉ុណ្ណោះទេ ពិព័រណ៍នេះក៏ជាចំណុចតភ្ជាប់ពាណិជ្ជកម្មរវាងទីផ្សារក្នុងស្រុក និងអន្តរជាតិ ដោយបានរួមចំណែកយ៉ាងសកម្មដល់គោលដៅកំណើនសេដ្ឋកិច្ចវៀតណាមឆ្នាំ២០២៥ បង្កើតសន្ទុះសម្រាប់ការអភិវឌ្ឍប្រកបដោយចីរភាពក្នុងដំណាក់កាលបន្ទាប់។

(VOVWORLD) - ចម្ការទំពាំងបាយជូរ Ninh Thuan (ចាស់) បច្ចុប្បន្ននៅខេត្ត Khanh Hoa មិនត្រឹមតែមានរសជាតិផ្អែមឆ្ងាញ់ប៉ុណ្ណោះទេ ថែមទាំងនាំមកនូវតម្លៃសេដ្ឋកិច្ចកសិកម្មខ្ពស់ និងក្លាយជាផលិតផលទេសចរណ៍ពិសេស រួមចំណែកអភិវឌ្ឍន៍សេដ្ឋកិច្ចនៅតំបន់ដីនេះ។

(VOVWORLD) - ឆ្នេរសមុទ្រវែងអន្លាយ អាកាសធាតុខ្យល់មូសុងត្រូពិច វិទ្យុសកម្មព្រះអាទិត្យនិងល្បឿនខ្យល់ខ្ពស់ គឺជាសក្តានុពលនិងអំណោយផលសម្រាប់វៀតណាមក្នុងការអភិវឌ្ឍថាមពលកកើតឡើងវិញ ដូចជា៖ ថាមពលពន្លឺព្រះអាទិត្យ វាយោអគ្គិសនី ថាមពលជីវម៉ាស។ ម៉្យាងវិញទៀត ដោយមានទីតាំងនៅជិតមជ្ឈមណ្ឌលផលិតថាមពលកកើតឡើងវិញ និងខ្សែសង្វាក់ផ្គត់ផ្គង់បរិក្ខារធំៗដូចជា៖ ចិន ជប៉ុន កូរ៉េខាងត្បូង... វៀតណាមមានឱកាសក្លាយជាតំណភ្ជាប់ដ៏សំខាន់នៅក្នុងខ្សែសង្វាក់ផ្គត់ផ្គង់ថាមពលកកើតឡើងវិញរបស់ពិភពលោក។

(VOVWORLD) - កាលពីមុននេះ ប្រជាជននៅតំបន់សមុទ្រ Thien Cam (ខេត្ត Ha Tinh) ភាគច្រើនរស់នៅដោយប្រកបរបរនេសាទ។ ប៉ុន្តែ នាប៉ុន្មានឆ្នាំថ្មីៗនេះ ឆ្នេរសមុទ្រ Thien Cam បានក្លាយជាគោលដៅទេសចរណ៍ដ៏ល្បីល្បាញដែលបានគេស្គាល់ដល់ជាច្រើន បង្កើតឱកាសដ៏ល្អសម្រាប់ប្រជាជនក្នុងការផ្លាស់ប្តូរផ្នត់គំនិតពីសេដ្ឋកិច្ចសមុទ្របែបប្រពៃណី ទៅជាការអភិវឌ្ឍសេដ្ឋកិច្ចទេសចរណ៍សមុទ្រ។

(VOVWORLD) - តាំងពីយូរយារណាស់មកហើយ ការនាំចេញគឺជាកត្តាជំរុញកំណើនដ៏សំខាន់សម្រាប់សេដ្ឋកិច្ចវៀតណាម រួមចំណែករក្សាអត្រាកំណើនខ្ពស់ ស្ថិរភាពតុល្យភាពពាណិជ្ជកម្ម និងបង្កើតការងារធ្វើសម្រាប់ពលកររាប់លាននាក់។ នៅឆ្នាំនេះ រដ្ឋាភិបាលបានដាក់ចេញនូវគោលសដៅកំណើននាំចេញ ១២% ស្មើនឹងប្រាក់ចំណូលប្រមាណ ៤៥០-៤៥១ ពាន់លានដុល្លារ រួមជាមួយនឹងអតិរេកពាណិជ្ជកម្ម ៣០ ពាន់លានដុល្លារ។ ក្នុងរយៈពេល ៨ ខែដើមឆ្នាំ ការនាំចេញបានកើនឡើងជាង ១៣% លើសពីគោលដៅដែលបានដាក់ចេញ ដោយបើកយថាទស្សន៍វិជ្ជមានជាច្រើន។ ទោះជាយ៉ាងណាក៏ដោយ ដើម្បីរក្សាសន្ទុះកំណើននៅក្នុងបរិបទនៃសេដ្ឋកិច្ចសកលមានការប្រែប្រួលជាច្រើន វៀតណាមបានដាក់ពង្រាយប្រកបដោយសមកាលកម្មនូវដំណោះស្រាយយុទ្ធសាស្ត្រជាច្រើន។

(VOVWORLD) - ក្នុងបរិបទដែលស្ថានភាពភូមិសាស្ត្រនយោបាយនិងបច្ចេកវិទ្យាជាសកលមានការផ្លាស់ប្តូរជាបន្តបន្ទាប់ វៀតណាមកំពុងផ្លាស់ប្តូរជាលំដាប់ "រោងចក្រផលិតកម្ម" ទៅជាមជ្ឈមណ្ឌលច្នៃប្រឌិតបច្ចេកវិទ្យាខ្ពស់ក្នុងតំបន់។

(VOVWORLD) - ធ្វើជាម្ចាស់គំរូអាជីវកម្ម តភ្ជាប់ទំនាក់ទំនង បង្កើតម៉ាកយីហោផលិតផលតាមរយៈការច្នៃប្រឌិត និងនវានុវត្តន៍។ ទាំងអស់នេះគឺជាវិធីដែលស្ត្រីធ្លាប់តែធ្វើស្រែចម្ការ និងផលិតកម្មតាមបែបប្រពៃណី បានក្លាយជាម្ចាស់សហករណ៍និងក្រុមសហករណ៍ ដោយរីកសាយភាយគំរូចាប់ផ្តើមអាជីវកម្មប្រកបដោយជោគជ័យនៅតំបន់ព្រៃភ្នំខេត្ត Son La។

(VOVWORLD) - Son La គឺជាមូលដ្ឋានឈានមុខគេមួយក្នុងការអភិវឌ្ឍផលិតផលនៃកម្មវិធី "ឃុំមួយផលិតផលមួយ" (OCOP)។ ខេត្តបានចាត់ទុកនេះជាដំណោះស្រាយដ៏សំខាន់ក្នុងការជំរុញសេដ្ឋកិច្ចជនបទតាមទិសដៅជំរុញកម្លាំងផ្ទៃក្នុង បង្កើនតម្លៃផលិតផល និងលើកកំពស់ជីវភាពរស់នៅរបស់ប្រជាជន។ ដោយមានទីតាំងស្ថិតនៅតំបន់ព្រៃភ្នំភាគខាងជើង ជាមួយនឹងលក្ខខណ្ឌអំណោយផលជាច្រើនទាក់ទងនឹងអាកាសធាតុ និងសណ្ថានដី ខេត្ត Son La បានក្លាយជាតំបន់ផលិតកសិផលប្រមូលផ្តុំ ជាពិសេសមានភាពលេចធ្លោជាមួយនឹងដើមឈើហូបផ្លែ តែ និងឱសថ។ ខេត្តបានអនុវត្តកម្មវិធី OCOP ប្រកបដោយសមកាលកម្ម និងទូលំទូលាយ បង្កើតការផ្លាស់ប្តូរដ៏សំខាន់ក្នុងរចនាសម្ព័ន្ធផលិតកម្មកសិកម្ម នាំផលិតផលកសិកម្ម Son La អះអាងពីម៉ាកយីហោរបស់ខ្លួននៅលើទីផ្សារក្នុងស្រុក និងអន្តរជាតិជាបណ្ដើរៗ។

(VOVWORLD) - ជារៀងរាល់សរទរដូវមកដល់ម្តងៗ ក្នុងបរិយាកាសនៃបដិវត្តន៍ខែសីហា ឆ្នាំ ១៩៤៥ ប្រជាជន Viet Bac តែងតែមានមោទនភាព ដោយបានរំលឹកឡើងវិញនូវប្រពៃណីដ៏រុងរឿង។ ពីតំបន់ព្រៃភ្នំ Viet Bac នេះ ជំនឿជាក់ដ៏រឹងមាំ ឆន្ទៈដ៏អង់អាចក្លាហាន និងស្មារតីសាមគ្គីភាព បានរួមចំណែកបង្កើតជ័យជម្នះជាប្រវត្តិសាស្ត្ររបស់ប្រទេសជាតិ។ សរទរដូវ ខែសីហា មិនត្រឹមតែជាអនុស្សាវរីយ៍ដ៏រុងរឿងប៉ុណ្ណោះទេ ថែមទាំងជាកម្លាំងចលករសម្រាប់ជំនាន់បច្ចុប្បន្ន បន្តកសាងទឹកដី Viet Bac ឱ្យកាន់តែសម្បូរសប្បាយ និងស៊ីវិល័យជាង។

(VOVWORLD) - វិស័យកសិកម្មត្រូវបានខេត្ត Son La ចាត់ទុកជាវិស័យសេដ្ឋកិច្ចមុខព្រួញ ព្រោះនៅទីនេះ មានសក្តានុពលនិងគុណសម្បត្តិជាច្រើនសម្រាប់ការអភិវឌ្ឍកសិកម្ម ជាពិសេសដើមឈើហូបផ្លែ។ នាពេលថ្មីៗនេះ ខេត្ត Son La បានផ្តោតការយកចិត្តទុកដាក់លើដំណោះស្រាយជាច្រើន ដើម្បីបន្តបង្កើតរបកគំហើញក្នុងការអភិវឌ្ឍកសិកម្ម តាមនោះ រួមចំណែកសម្រេចបាននូវគោលដៅកំណើនសេដ្ឋកិច្ច ៨% ឡើងទៅក្នុងឆ្នាំនេះ។