(VOVWORLD) - នៅក្នុងចលនាប្រឡងប្រណាំងស្នេហាជាតិ ឆ្នាំ ២០២៥ វរសេនីយ៍ឯក សាស្ត្រាចារ្យរង បណ្ឌិត Nguyen Kim Nu Hieu អតីតអនុប្រធានមន្ទីរពេទ្យយោធាមជ្ឈិម, ១០៨ គឺជាគំរូឆ្នើមមួយ MED ទោះបីជាលោកស្រីមានវ័យចំណាស់ក៏ដោយ ប៉ុន្តែលោកស្រីនៅតែពោរពេញដោយកម្លាំងពលំ លះបង់ដើម្បីការងារវិជ្ជាជីវៈ។ ជីវិតរបស់លោកស្រីគឺជាដំណើរនៃការខិតខំប្រឹងប្រែង និងការ លះបង់ ចាប់ពីឆ្នាំដ៏លំបាកនៅសមរភូមិរហូតដល់សម័យសន្តិភាព ហើយមិនត្រឹមតែជាគ្រូ ពេទ្យដែលខិតខំប្រឹងប្រែងប៉ុណ្ណោះទេ ថែមទាំងលោកស្រីតែងតែឧស្សាហ៍ព្យាយាមក្នុង សកម្មភាពស្ម័គ្រចិត្ត ដោយជួយអ្នកដែលស្ថិតក្នុងកាលៈទេសៈលំបាកឱ្យឈានឡើងក្នុងជីវភាពរស់នៅប្រចាំថ្ងៃ។

(VOVWORLD) - បន្ទាប់ពីរយៈពេល ១៦ ឆ្នាំដែលត្រូវបានដាក់បញ្ចូលក្នុងបញ្ជីឈ្មោះបេតិកភណ្ឌវប្បធម៌អរូបី ត្រូវការការពារជាបន្ទាន់ ចម្រៀង Tru របស់វៀតណាមបានអភិវឌ្ឍន៍យ៉ាងខ្លាំងក្លាឡើងវិញ។ សកម្មភាពរបស់សមាគមនិងក្លឹបចម្រៀង មិនត្រឹមតែរួមចំណែកដល់ការអភិរក្ស និងផ្សព្វផ្សាយសិល្បៈចម្រៀង Tru ប៉ុណ្ណោះទេ ថែមទាំងបង្កើតកម្លាំងរស់យូរអង្វែងសម្រាប់បេតិកភណ្ឌទៀតផង។ ក្នុងនោះ សិប្បការិនីឆ្នើម Van Mai ប្រធានក្លឹបចម្រៀង Tru, Bich Cau Dao Quan នៃទីក្រុងហាណូយ ត្រូវបានគេស្គាល់ដល់ជាមនុស្សម្នាក់ដែលបានចូលរួមចំណែកយ៉ាងសំខាន់ក្នុងការអភិរក្ស និងផ្សព្វផ្សាយទម្រង់សិល្បៈពិសេសនេះ។

(VOVWORLD) - សេចក្តីក្លាហាននិងបំណងប្រាថ្នាចូលរួមចំណែក គឺជាចំណុចលេចធ្លោនៅ ពេលនិយាយអំពីអនុសេនីយ៍ឯក អ្នកបើកបរយន្តហោះ ង្វៀន ហ័ង ហាយ ក្វាង (Nguyen Hoang Hai Quang) ដែលជាគំរូឆ្នើមវ័យក្មេងវៀតណាម ឆ្នាំ ២០២៤។ លោកនិងមិត្តរួមក្រុមរបស់ខ្លួនបានបំពេញការងារ ការពារផ្ទៃមេឃសន្តិភាពនៃមាតុភូមិទាំងយប់ទាំងថ្ងៃ បន្តនូវស្មារតីដ៏រុងរឿងរបស់បុព្វបុរស ដែលជាសក្ខីភាពរស់រវើស ចំពោះសេចក្តីប្រាថ្នាស្ទុះឈានទៅមុខរបស់យុវជនជំនាន់ក្រោយ។

(VOVWORLD) - នាយិការប្រតិបត្តិ Nguyen Thi Khuyen នាយិការក្រុមហ៊ុនចំកាត់ក្បឿងពណ៌ Nasaki វៀតណាម គឺជាបុគ្គលម្នាក់ដែលបាននាំយកសម្ភារសំណង់មិនដុត ទៅកាន់ពិភពលោក។ ផលិតផលឥដ្ឋ និងក្បឿងរបស់ក្រុមហ៊ុននេះ ត្រូវបានផលិតឡើងដោយប្រើបច្ចេកវិទ្យាជប៉ុន ក្រោមម៉ាក Nasaki។ ពីម៉ាកដែលមិនសូវមានអ្នកស្គាល់ដល់ រហូតមកដល់ពេកនេះ ផលិត ផល Nasaki គឺមានកិត្យានុភាពលើទីផ្សារទាំងជាតិនិងអន្តរជាតិ។

(VOVWORLD) - ថ្វីត្បិតតែជើងរបស់ខ្លួនមិនធម្មតា ប៉ុន្តែសិប្បការិនីឆ្នើម ហ័ង ធី ឃឿង គឺមានបាតដៃដ៏ប៉ិនប្រសប់និងឆន្ទៈដ៏មុតមាំ ជំនះ ពុះពារលើការកង្វះផ្នែករាងកាយ តស៊ូដើម្បីក្លាយជាទីបង្អែកសម្រាប់អ្នកមានស្ថានភាពដូចគ្នា។ លោកស្រីកំពុងថែរក្សាសិប្បកម្មប៉ាក់ប្រពៃណីរបស់ស្រុកកំណើតផង និងជួយជនពិការស្វែងរកការងារធ្វើផង ដោយសម្របខ្លួនចូលក្នុងសង្គមប្រកបដោយទំនុកចិត្ត។

(VOVWORLD) - ព្រឹទ្ធាចារ្យភូមិ K'Brep ជាជនជាតិ K'Ho នៅភូមិ Kala Krot ឃុំ Bao Thuan ខេត្ត Lam Dong មិនត្រឹមតែជាអ្នកត្រួសត្រាយក្នុងផលិតកម្មប៉ុណ្ណោះទេ លោកក៏ជាសិប្បករដ៏ប៉ិនប្រសប់ម្នាក់ដែលមានចំណង់ចំណូលចិត្តជាមួយមុខរបរសិប្បកម្មតម្បាញប្រពៃណីទៀតផង។ លោកក៏ជាអ្នកចូលរួមចំណែកយ៉ាងសកម្មក្នុងការកសាងជនបទថ្មីនៅក្នុងមូលដ្ឋាន។

(VOVWORLD) - បណ្ឌិត សិល្បការិនីប្រជាជន Pham Thi Thanh បានផុតដង្ហើមចុងក្រោយនាថ្ងៃទី ៣ ខែកញ្ញា នៅទីក្រុងហាណូយ ក្នុងវ័យអាយុ ៨៤ ឆ្នាំ។ ដោយបានលះបង់ពេញមួយជីវិតរបស់ខ្លួនសម្រាប់ឆាកល្ខោន លោកស្រីបានបន្សល់ទុកឲ្យវិស័យសិល្បៈវៀតណាមមិនត្រឹមតែរឿងល្ខោនបុរាណប៉ុណ្ណោះទេ ប៉ុន្តែថែមទាំងជំនាន់សិល្បករមានទេពកោសល្យ ដែលលោកស្រីបានបណ្តុះបណ្តាលផ្ទាល់ទៀតផង។

(VOVWORLD) - នៅភូមិ My Bac ឃុំ Tan Trinh ខេត្ត Tuyen Quang មានស្ត្រីជនជាតិ Pa Then ម្នាក់ កំពុងរក្សានិងលើកតម្កើងតម្លៃប្រពៃណីតាមសសៃអំបោះនីមួយៗ និងលំនាំក្បូរក្បាច់នៅលើក្រណាត់ចរបាប់នីមួយៗ។ នោះគឺលោកស្រី Tai Thi Mai ប្រធានសហករណ៍ចរបាប់ Pa Then អ្នកដែលបានលះបង់យុវវ័យរបស់ខ្លួន ដើម្បីសម្រេចបាននូវក្តីសុបិន នាំក្រណាត់ចរបាប់របស់ជនជាតិខ្លួនទៅកាន់ពិភពលោក។

(VOVWORLD) - ក្នុងវ័យជាង ៧០ឆ្នាំ សិល្បការិនី Thuy Dat នៅតែមានការជក់ចិត្តយ៉ាងខ្លាំងជាមួយសិល្បៈ ជាពិសេសសិល្បៈប្រជាប្រិយ ដូចជា៖ ចម្រៀង chèo, xẩm, ca trù, cải lương។ កាលលោកស្រីនៅបំពេញការងារនៅការិយាល័យចម្រៀងប្រ ជាប្រិយ និងតន្ត្រីប្រពៃណី នៃវិទ្យុសំឡេងវៀត ណាម លោកស្រីត្រូវបានគេស្គាល់ថា ជាមនុស្សមានទេពកោសល្យ ព្រោះលោកស្រីអាចច្រៀង Cai Luong, xam, ca tru... ផង ហើយក៏អ្នកនិពន្ធនូវកម្មវិធី "ពិសេស" របស់ស្ថានីយ៍វិទ្យុដូចជា "ចង្វាក់ភ្លេងភាគខាងត្បូង", "ស្រឡាញ់ជានិច្ចចម្រៀងប្រជាប្រិយ", "ដឹងគុណអ្នកប្រសូត្រយើងមក"។ បន្ទាប់ពីបានចូលនិវត្តន៍ នៅឆ្នាំ ២០០៨ លោកស្រីនៅតែផ្សព្វផ្សាយចំណង់ចំណូលចិត្ត ចំពោះសិល្បៈ និងវប្បធម៌ប្រពៃណីរបស់ខ្លួន ដល់មនុស្សជាច្រើនគ្រប់វ័យ។

(VOVWORLD) - ដោយមិនដើរតាមនិន្នាការនៃការជួសជុលយ៉ាងប្រញាប់ប្រញាល់តាមរយៈសំណង់ថ្មីនោះ ស្ថាបត្យករ Trung Mai បានជ្រើសរើសផ្ទៀងស្តាប់ចង្វាក់នៃជីវភាពរបស់ទីក្រុង ដើម្បីប្រែក្លាយបញ្ហាដែលហាក់ដូចជាកំពុងច្របូកច្របល់ទៅជាដំណោះស្រាយវិញ។ សម្រាប់ Trung Mai ស្ថាបត្យករម្នាក់ៗត្រូវការទីក្រុងផ្ទាល់ខ្លួន ហើយលោកបានជ្រើសរើសទីក្រុងហាណូយជាកន្លែងបញ្ចេញគំនិតច្នៃប្រឌិត និងនាំមកនូវតម្លៃដល់សហគមន៍។