(VOVWORLD) - “អនុសញ្ញាទីក្រុងហាណូយ” ដែលជាឯកសារច្បាប់ដំបូងរបស់អង្គការសហ ប្រជាជាតិ ស្តីពីការប្រយុទ្ធប្រឆាំងនឹងបទល្មើសតាមអ៊ីនធឺណិត ត្រូវបានអនុម័តដោយ មហាសន្និបាតអង្គការសហប្រជាជាតិនាថ្ងៃទី ២៤ ខែធ្នូ ឆ្នាំ ២០២៤ ហើយនឹងបើកការ ចុះហត្ថលេខាជាផ្លូវការនៅទីក្រុងហាណូយចាប់ពីថ្ងៃទី ២៥ ដល់ថ្ងៃទី ២៦ ខែតុលា ឆ្នាំ ២០២៥ ក្រោមសហអធិបតីភាពរបស់ប្រធានរដ្ឋវៀតណាម លោក Luong Cuong និងអគ្គលេខាធិការអង្គការសហប្រជាជាតិ លោក Antonio Guterres។

(VOVWORLD) - កាលពីសប្តាហ៍មុន (ថ្ងៃទី ១៣-១៨ ខែតុលា) មូលនិធិរូបិយវត្ថុអន្តរជាតិ (IMF) និងធនាគារពិភពលោក (WB) បានបើកកិច្ចប្រជុំជាប្រចាំឆ្នាំ នៅទីក្រុង វ៉ាស៊ីនតោន (សហរដ្ឋអាមេរិក) ដោយព្រមានថា សេដ្ឋកិច្ចពិភពលោកកំពុងបង្ហាញសញ្ញាតានតឹងដោយសារតែគោលនយោបាយពន្ធគយរបស់សហរដ្ឋ អាមេរិក និងលទ្ធិគាំពារនិយមដែលកំពុងរីករាលដាល។

(VOVWORLD) - តបតាមការអញ្ជើញរបស់ប្រធានាធិបតីហ្វាំងឡង់ លោក Alexander Stubb អគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម លោក តូ ឡឹម និងលោកជំទាវភរិយា រួមជាមួយគណៈប្រតិភូជាន់ខ្ពស់វៀតណាមនឹងអញ្ជើញបំពេញទស្សនកិច្ចជាផ្លូវការនៅហ្វាំងឡង់ ចាប់ពីថ្ងៃទី ២០ ដល់ថ្ងៃទី ២២ ខែតុលា។ ដំណើរទស្សនកិច្ចជាផ្លូវការរបស់លោកអគ្គលេខាបក្ស នឹងបើកចេញដំណាក់កាលថ្មីនៃកិច្ចសហប្រតិបត្តិការរវាងប្រទេសទាំងពីរឲ្យកាន់តែជាក់ស្តែង មានប្រសិទ្ធភាព និងនិរន្តរភាព ស្របតាមស្មារតីនៃកិច្ចសហប្រតិបត្តិការ នវានុវត្តន៍ និងការចែករំលែកដែលប្រជាជាតិទាំងពីរកំពុងឆ្ពោះទៅរក។

(VOVWORLD) - នៅប្រទេសវៀតណាម ការកសាង និងសុក្រិតច្រករបៀងផ្លូវច្បាប់ថ្មីមួយ ដើម្បីគ្រប់គ្រង កែសម្រួល និងការពារបណ្តាញ ឌីជីថល គឺជាតម្រូវការបន្ទាន់មួយ ដើម្បីឆ្ពោះទៅរកបរិយាកាសឌីជីថលប្រកបដោយសុវត្ថិភាព តម្លាភាពនិងនិរន្តរភាព។ ក្នុងបរិបទនៃសកល ភាវូបនីយកម្មនិងការផ្លាស់ប្តូរឌីជីថល បណ្តាញ អ៊ីនធឺណែតគ្មានព្រំដែន ទន្ទឹមនឹងការសុក្រិតក្របខ័ណ្ឌច្បាប់ក្នុងស្រុក វៀតណាមកំពុងពង្រីកកិច្ចសហប្រតិបត្តិការអន្តរជាតិឥតឈប់ឈរ រួមចំណែកក្នុងការកសាងក្រមប្រតិបត្តិអន្តរជាតិ ស្តី ពី បណ្តាញអ៊ីនធឺណែត ដោយឈរលើគោលការណ៍គោរពអធិបតេយ្យភាព និងមិនជ្រៀតជ្រែកកិច្ចការផ្ទៃក្នុង។

(VOVWORLD) - កាលពីថ្ងៃទី ១៤ ខែតុលា (តាមម៉ោងក្នុងស្រុក) នៅទីស្នាក់ការអង្គការសហប្រជាជាតិ នៅទីក្រុងញូវយ៉ក សហរដ្ឋអាមេរិក មហាសន្និបាតអង្គការសហប្រជាជាតិនីតិកាលទី ៨០ បានបោះឆ្នោតជ្រើសតាំងសមាជិកក្រុមប្រឹក្សាសិទ្ធិមនុស្សអង្គការសហប្រជាជាតិ សម្រាប់អាណត្តិ ២០២៦-២០២៨ ក្នុងនោះវៀតណាមបានជាប់ឆ្នោតឡើងវិញសម្រាប់ មុខតំណែងនេះ ជាមួយនឹងចំនួនសំឡេងគាំទ្រច្រើនបំផុត ក្នុងចំណោមបេក្ខជន តំណាងឲ្យតំបន់អាស៊ីប៉ាស៊ីហ្វិក។

(VOVWORLD) - ពិធីចុះហត្ថលេខាលើកិច្ចព្រមព្រៀងឈប់បាញ់នៅតំបន់ ហ្គាហ្សា រវាងអ៊ីស្រាអែល និងចលនាហាម៉ាស់ បានប្រព្រឹត្តទៅជាផ្លូវការនៅថ្ងៃទី ១៣ ខែតុលា នៅរមណីយដ្ឋាន Sharm El-Sheikh ជាប់ឆ្នេរសមុទ្រក្រហមនៃប្រទេសអេហ្ស៊ីប។ ព្រឹត្តិការណ៍នេះបានកត់សម្គាល់នូវរបត់ដ៏សំខាន់មួយ ដោយបើកចេញឱកាសដើម្បីបញ្ចប់ជម្លោះទាំងស្រុង និងកសាងសន្តិភាពយូរអង្វែងនៅតំបន់ហ្គាហ្សា។

(VOVWORLD) - មហាសន្និបាតលើកទី ១ នៃ គណៈកម្មាធិការបក្សរដ្ឋាភិបាល (ថ្ងៃទី ១២-១៣ ខែតុលា) អាណត្តិ ២០២៥-២០៣០ បានអះអាងនូវចក្ខុវិស័យ បេសកកម្ម និងការប្តេជ្ញាចិត្តចំពោះការច្នៃប្រឌិតដ៏ទូលំទូលាយ ដើម្បីរួមចំណែកនាំប្រទេសជាតិឆ្ពោះទៅកាន់យុគសម័យថ្មី។ មហា សន្និបាតបានបើកចេញដំណើរ ឆ្ពោះទៅសម្រេចបាននូវសេចក្តីប្រាថ្នាអភិវឌ្ឍន៍ប្រទេសជាតិ នាំប្រទេសវៀតណាមអភិវឌ្ឍន៍យ៉ាងឆាប់រហ័ស លើមាគ៌ាឧស្សាហូបនីយកម្ម ទំនើបភាវូបនីយកម្ម និងសមាហរណកម្មយ៉ាងស៊ីជម្រៅ ជាមួយនឹងបាវចនានៃសកម្មភាពគឺ៖ "សាមគ្គីភាព វិន័យ-ប្រជាធិបតេយ្យ នវានុវត្តន៍-របកគំហើញ អភិវឌ្ឍន៍-ជិត ប្រជាជន ដើម្បីប្រជាជន"។

(VOVWORLD) - ថ្ងៃទី ១០ ខែតុលា ជារៀងរាល់ឆ្នាំ ជាទិវាផ្លាស់ប្ដូរឌីជីថលជាតិ ទិវានេះមិនត្រឹមតែជាសញ្ញាសម្គាល់ខាងបច្ចេកវិទ្យាប៉ុណ្ណោះទេ ថែមទាំងជាទិវាបុណ្យនៃឆន្ទៈផ្លាស់ប្ដូរថ្មី ច្នៃប្រឌិត និងសេចក្ដីប្រាថ្នាឈានឡើង របស់វៀតណាមក្នុងយុគសម័យឌីជីថលទៀតផង។ នៅឆ្នាំ ២០២៥ ទិវាផ្លាស់ប្តូរឌីជីថលជាតិដោយមានប្រធានបទ "ការផ្លាស់ប្តូរឌីជីថលគ្រប់ជ្រុងជ្រោយសម្រាប់ប្រជាជនទាំងមូល ដើម្បីពន្លឿនការអភិវឌ្ឍសេដ្ឋកិច្ចឌីជីថល" ដែលបង្ហាញពីស្មារតីថ្មីមួយក្នុងដំណើរការនៃទំនើបកម្មជាតិជាមួយនឹងបច្ចេកវិទ្យាឌីជីថល ដោយយកប្រជាជនជាស្នូល អាជីវកម្មជាកម្លាំងចលករ និងទិន្នន័យជាមូលដ្ឋានគ្រឹះ។

(VOVWORLD) - សន្និបាតលើកទី១៣ នៃគណៈកម្មាធិការមជ្ឈិមបក្ស នីតិកាលទី ១៣ បានបិទបញ្ចប់នាព្រឹកថ្ងៃទី៨ ខែតុលានៅទីក្រុងហាណូយ។ បញ្ហានីមួយៗនៃសន្និបាតត្រូវបានលើក មកពិភាក្សា និងសម្រេចចិត្តដោយមតិឯកភាពខ្ពស់ ក្នុងនោះមានខ្លឹមសារជា "ឆ្អឹងខ្នង" ជាច្រើនដែលទាក់ទងដោយផ្ទាល់ ទៅនឹងជោគជ័យនៃមហាសន្និបាតលើកទី ១៤ របស់បក្ស ឆ្ពោះទៅគោលដៅអភិវឌ្ឍន៍ឆាប់រហ័ស និរន្តរភាព និងលើកកម្ពស់ជីវភាពរស់នៅរបស់ប្រជាជន។

(VOVWORLD) - តបតាមការអញ្ជើញរបស់អគ្គលេខាបក្សពលករកូរ៉េ និងជាប្រធានរដ្ឋនៃសាធា រណរដ្ឋប្រជាធិបតេយ្យប្រជាមានិត (ស.ប.ប) កូរ៉េ លោក Kim Jong Un អគ្គលេខា គណៈកម្មាធិការមជ្ឈិមបក្សកុម្មុយនិស្តវៀតណាម លោក To Lam បានអញ្ជើញទៅបំពេញ ទស្សនកិច្ចផ្លូវរដ្ឋនៅស.ប.បកូរ៉េ និងចូលរួមពិធីរំលឹកខួបលើកទី ៨០ ទិវាបង្កើតបក្ស ពលកម្មកូរ៉េចាប់ពីថ្ងៃទី ៩-១១ ខែតុលា។ ដំណើរទស្សនកិច្ចនេះគឺជាសញ្ញាសម្គាល់ដ៏ សំខាន់ក្នុងប្រវត្តិសាស្ត្រនៃទំនាក់ទំនងរវាងប្រទេសទាំងពីរ ជំរុញទំនាក់ទំនងវៀត ណាម-ស.ប.បកូរ៉េឲ្យរីកចម្រើនកាន់តែខ្លាំងក្លានិងជាក់ស្ដែងលើវិស័យជាច្រើន។