(VOVWORLD) - ខេត្ត Nghe An ជាខេត្តមួយស្ថិតនៅភាគកណ្តាល ដែលពោរពេញទៅដោយខ្យល់និងពន្លឺព្រះអាទិត្យ គឺជាកន្លែងបង្កើតឡើងវីរបុរសនិងឥស្សរៈជនល្បីឈ្មោះ ជាច្រើនក្នុងនោះមានលោកប្រធានហូជីមិញផងដែរ។ ស្រុក Nam Dan ខេត្ត Nghe An ដែលជាស្រុកកំណើតរបស់លោកប្រធានហូជីមិញ គឺជាកន្លែងសម្រាប់ថែរក្សាវត្ថុអនុស្សាវរីយ៍ ឯកសារ និងវប្បធម៌ប្រវត្តិសាស្រ្តស្តីពីកុមារ ភាពរបស់លោកប្រធានហូជីមិញ។

(VOVWORLD) - ក្នុងប៉ុន្មានថ្ងៃនេះ រួមជាមួយប្រទេសជាតិទាំងមូល ទីក្រុង ហូជីមិញកំពុងរៀបចំនូវសកម្មភាពជាច្រើនដើម្បីអបអរសាទរខួបលើកទី ៤៥ នៃទិវារំដោះភាគខាងត្បូង ឯកភាពប្រទេសជាតិ (៣០ មេសា ១៩៧៥ - ៣០ មេសា ២០២០)។ ភ្ញៀវទេសចរជាតិនិងអន្តរជាតិជាច្រើននាក់ និងប្រជាជនទីក្រុងបានធ្វើដំណើរទៅទស្សនា “អាស័យដ្ឋានក្រហម” មួយចំនួនដែលភ្ជាប់ជាមួយប្រពៃណីបដិវត្តរបស់ទីក្រុង បំពាក់ឈ្មោះលោកប្រធានហូជីមិញ ដូចជាវិមានឯករាជ្យ កំពង់ផែ Nha Rong និងផ្លូវរូងក្រោមដី Cu Chi ជាដើម ដើម្បីរួមគ្នា រំលឹកឡើងវិញនូវប្រវត្តិសាស្រ្តដ៏រុងរឿងរបស់ប្រទេសជាតិ និងតបស្នងសងគុណចំពោះអ្នកដែលបានពលីកម្មដើម្បីឯករាជ្យនិងសេរីភាពជូនមាតុភូមិ។

(VOVWORLD) - នាប៉ុន្មានថ្ងៃមុននេះ៤៥ ឆ្នាំ (១៩៧៥-២០២០) ប្រជុំកោះ Truong Sa ដែលឥឡូវនេះជាស្រុកកោះ Truong Sa ខេត្ត Khanh Hoa ត្រូវបានរំដោះ។ ក្រោយរយៈពេល ៤៥ ឆ្នាំនៃការកសាង អភិវឌ្ឍនិងរីកចម្រើនមក កងទ័ពនិងប្រជាជន Truong Sa តែងតែរួបរួមគ្នា ជំនះពុះពាររាល់ការលំបាក ដើម្បីលើកកម្ពស់ជីវភាពខាងសម្ភារៈនិងខាងស្មារតី រួមចំណែកកសាងស្រុកកោះមួយ ដែលមានសេដ្ឋកិច្ចរីកចម្រើន សន្តិសុខរឹងមាំ ជាពិសេស តែងតែពង្រឹងសមត្ថភាពស្មារតីប្រុងប្រយ័ត្នដោយឥតឈប់ឈរ និងត្រៀមខ្លួនជានិច្ចដើម្បីប្រយុទ្ធការពារអធិបតេយ្យភាពកោះ សមុទ្រដ៏ពិសិដ្ឋនៃមាតុប្រទេស។

(VOVWORLD) - Suoi Giang ជាឃុំព្រៃភ្នំមួយនៃស្រុក Van Chan ខេត្តYen Bai។ មានទីតាំងស្ថិតនៅរយៈកំពស់ជិត ១.៤០០ ម៉ែត្រ Suoi Giang ត្រូវបានគេប្រដូចទៅនឹងទីរួមស្រុក Sa Pa នៃខេត្ត Lao Cai ឬ ទីក្រុង Da Lat នៃខេត្ត Lam Dong ដោយសារអាកាសធាតុត្រជាក់ស្រស់ស្រាយពេញមួយឆ្នាំ។ ឥឡូវនេះ អ្នកទេសចរមិនត្រឹមតែមកសម្រាកលំហែកាយនៅ Suoi Giang ប៉ុណ្ណោះទេ ថែមទាំងមករីក រាយនឹងតែពិសេសដែលមានឈ្មោះថា Shan Tuyet ដែលបានផលិតចេញពីដើម តែបុរាណមានអាយុកាលរាប់រយឆ្នាំទៀតផង។

(VOVWORLD) - ខេត្ត Phu Yen ត្រូវបានគេស្គាល់ដល់ជាច្រើនតាមរយៈខ្សែភាពយន្ត “ខ្ញុំឃើញផ្កាព័ណ៌លឿងនៅលើវាលស្មៅបៃតង” ហើយបច្ចុប្បន្ននេះ ខេត្តកំពុងជាគោលដៅទេសចរណ៍ល្បីឈ្មោះមួយ ដែលជាជម្រើសរបស់ភ្ញៀវទេសចរជាតិនិងអន្តរជាតិជាច្រើន។ ក្រៅពីទីតាំងដ៏ល្បីល្បាញដូចជា Mui Dien, ចំណោត Da Dia និងឆ្នេរសមុទ្រពណ៌ខៀវស្រងាត់មក Phu Yen ត្រូវបានគេស្គាល់ថាតំបន់ដីមានម្ហូបអាហារដ៏សម្បូរបែបនិងចម្រុះក៏ដូចជាប្រជាជនដែលស្លូតបូត និងរួសរាយរាក់ទាក់ផងដែរ។

(VOVWORLD) - ទីក្រុង Buon Ma Thuot មានផ្ទៃដីជាង ៣៧០ គីឡូ ម៉ែត្រការ៉េ មានចំនួនប្រជាជនជាង ៥០មឺននាក់ ដែលជាជនជាតិ Kinh, E De, K'Ho, Co Tu, Xo Dang និង Gia Rai។ នេះគឺជាទីក្រុងធំជាងគេនៅក្នុងតំបន់ Tay Nguyen គឺជាទីក្រុងនៃតំបន់ព្រៃភ្នំ ដែលមានចំនួនប្រជាជនច្រើនជាងគេនៅប្រទេសវៀតណាម។ តាមផែនការដល់ឆ្នាំ ២០៣០ ចក្ខុវិស័យដល់ឆ្នាំ ២០៤៥ នោះ ទីក្រុង Buon Ma Thuot នៃខេត្ត Dak Lak នឹងក្លាយជាតំទីក្រុងកណ្តាលនៃតំបន់ Tay Nguyen។

(VOVWORLD) - តាំងពីយូរណាស់មកហើយ ផ្កាជើងគោ (Hoa Ban)បានចូលទៅក្នុងជីវភាពខាងវប្បធម៌និងស្មារតីរបស់ប្រជាជន ជនជាតិភាគតិច នៅភាគ ពាយព្យ (វៀតណាម) ជាពិសេសប្រជាជនជនជាតិ Thai និងជនជាតិ Tay តែម្តង។ អ្នកភូមិនៅតំបន់ព្រៃភ្នំ គេតែងតែចាត់ទុកផ្កាជើងគោ ជា “ស្តេចផ្កា” និងជាផលិតផលប្រចាំតំបន់ភាគពាយព្យ។ ផ្កាជើងគោគឺជាប្រភេទផ្កានិមិត្តរូបនៃតំបន់ព្រៃភ្នំពាយព្យនិងជានិមិត្តរូបនៃសេចក្តីស្នេហាររបស់គូរស្រករផងដែរ។

(VOVWORLD) - ស្រុកព្រៃភ្នំ A Luoi ខេត្ត Thua Thien Hue ដែលបានធម្មជាតិអំណោយផលឲ្យមានទេសភាពស្រស់បំព្រងជាច្រើន ដូចជា៖ ព្រៃស្រោង A Roang, ល្បាក់ទឹក A Nôr, ទឹកជ្រោះ A Lin និងទឹកជ្រោះ Pâr Le ជាដើម។ នៅលើទីធ្លាដ៏ធំល្វឹងល្វើយនៃភ្នំ Truong Son នេះ អ្នកនឹងរីករាយបានត្រាំខ្លួនក្នុងទឹកជ្រោះដ៏ត្រជាក់ និងគយគន់ទឹកជ្រោះធ្លាក់បែកពពុះពណ៌សក្បោះ ដែលហូរចុះពីកម្ពស់រាប់រយម៉ែត្រផងដែរ។

(VOVWORLD) - ខេត្ត Lang Son ដែលមានចម្ងាយប្រហែល ១៨០ គីឡូម៉ែត្រពីហាណូយ គឺជាទឹកដីសម្បូរដោយសក្តានុពលទេសចរណ៍នៅភាគឦសាននៃប្រទេស វៀតណាម។ ដោយមានបេតិកភណ្ឌប្រវត្តិសាស្រ្ត រមណីដ្ឋាន វត្តអារ៉ាម និងទីសក្ការៈបូជារាប់មិនអស់ ហេតុដូច្នេះ ពេលមកដល់ខេត្ត Lang Son អ្នកទស្សនានឹងមានជម្រើសជាច្រើនដើម្បីទស្សនានិងស្វែងយល់ផងដែរ។ លក្ខណៈសម្បូរបែបនៃវប្បធម៌របស់ជនជាតិភាគតិចនៅទីនេះ ក៏ជាលក្ខណៈពិសេសមួយដែលទាក់ ទាញភ្ញៀវទេសចរមកទស្សនាខេត្ត Lang Son នៅរដូវទាំង ៤នៃឆ្នាំផងដែរ។

(VOVWORLD) - នៅខេត្ត Kon Tum តំបន់ខ្ពង់រាបភាគកណ្ដាលវៀត ណាម នៅលើខ្សែ ព្រំដែនចំនួន២៩២គីឡូម៉ែត្រជាប់ជាមួយកម្ពុជានិងឡាវនោះ មានទីតាំងដ៏ ពិសេសមួយដែល “សូម្បីតែមាន់រងារនៅប្រទេសទាំងបីសុទ្ធតែលឺបានដែរ”។ នៅទីនេះ កាលពីឆ្នាំ២០០៧ អាស្រ័យដោយមានស្មារតីសហប្រតិបតិ្តការរបស់រដ្ឋា ភិបាលនិងប្រជាជននៃប្រទេសទាំងបី វៀតណាម កម្ពុជានិងឡាវ ក្នុងការ ដោះស្រាយបញ្ហាពាក់ព័ន្ធដល់ព្រំដែន ដែនដីនោះ បង្គោលព្រំដែនត្រីភាគី មួយត្រូវបានកសាងឡើង។ នេះជានិមិត្តរូបនៃជំនឿទុកចិត្ត សាមគ្គីភាពក្នុង ការកសាងខ្សែព្រំដែនប្រកបដោយសន្តិភាពនិងមិត្តភាពរវាងប្រទេសទាំងបី វៀតណាម កម្ពុជា និងឡាវ។