ឆ្លើយសំណួរមួយចំនួនរបស់មិត្តអ្នកស្តាប់

ពីរាជធានីភ្នំពេញ នៃព្រះរាជាណាចក្រកម្ពុជាមិត្តនួនស៊ីថាមានបំណងចង់បានស្ដាប់ការឧទ្ទេសនាមអំពីរថយន្តអគ្គិសនីស្និទ្ធិស្នាលជាមួយបរិស្ថាននៅលើកោះ Ly Son។ ពីទីក្រុង Jalarta ប្រទេសឥណ្ឌូនេស៊ី មិត្ត Basid Hasibuan មានបំណងចង់ស្ដាប់ការឧទ្ទេសនាមអំពីវិទ្យាស្ថានហិរញ្ញវត្ថុរបស់វៀតណាម។ ចំណែកឯមិត្ត Paul Gager មកពីប្រទេសអាល្លឺម៉ង់បានសួរថា តើប្រទេសវៀតណាមមានសកម្មភាពជួយជ្រោមជ្រែងទិវា ទឹកនោមផ្អែមពិភពលោកដែរឬទេ។ ជាបន្តទៅទៀត យើងខ្ញុំសូមឆ្លើយសំនួរទាំងនេះជូនមិត្តអ្នកស្ដាប់ផងដែរ។

ក្នុងរយៈពេលថ្មីៗនេះ នៅស្រុកកោះ Ly Son រថយន្តអគ្គិសនីបានក្លាយទៅជាមធ្យោបាយពេញនិយម ដែលជំនួសឲ្យរថយន្ត ប្រើប្រាស់ប្រេងសាំងវិញ។ ដោយមានការប្តេជ្ញាចិត្តឆ្ពោះទៅរកជីវភាពរស់នៅដែលស្និទ្ធិស្នាលជាមួយបរិស្ថាននោះ ការប្រើប្រាស់រថយន្តអគ្គិសនីទទួលបានការនិយមចូលចិត្តរបស់ប្រជាជននៅកោះ Ly Son។ សូម្បីតែនៅក្នុងថ្ងៃសំខាន់ៗដូចជាថ្ងៃរៀបអាពាហ៍ពិពាហ៍នោះ ប្រជាជននៅទីនេះនៅតែប្រើប្រាស់រថយន្តអគ្គិសនីផងដែរ។ រថយន្តអគ្គិសនីក៏បានឆ្លើយតបនឹងតម្រូវការរបស់ខេត្ត Quang Ngai ក្នុងការទាក់ទាញទុនវិនិយោគលើវិស័យទេសចរណ៍នៅស្រុកកោះ Ly Son។ រថយន្តអគ្គិសនីគឺជារថយន្តមួយប្រភេទ ដែលត្រូវបានរដ្ឋាភិបាលអនុញត្តិឲ្យសាកពិសោធន៍នៅស្រុកកោះ Ly Son កាលពីពាក់កណ្ដាលឆ្នាំ២០១៧។ រថយន្តអគ្គិសនីបានបង្ហាញនូវភាពស្និទ្ធស្នាលជាមួយបរិស្ថាន ហើយក្លាយទៅជាមធ្យោបាយពេញនិយមចំពោះប្រជាជន និងភ្ញៀវទេសចរនៅទីនេះផងដែរ។

ជាបន្តទៅទៀត យើងខ្ញុំសូមឆ្លើយសំនួររបស់មិត្ត Basid Hasibuan មកពីទីក្រុង Jalarta ប្រទេសឥណ្ឌូនេស៊ី។ លោកអ្នកនាងជាទីមេត្រី។ កាលពីមុនវិទ្យាស្ថានហិរញ្ញវត្ថុ មានឈ្មោះថា សាលាកម្មាភិបាលហិរញ្ញវត្ថុ -គណនេយ្យ ធនាគារមជ្ឈិម ដែលបានបង្កើតឡើងនាឆ្នាំ១៩៦៣។ នាឆ្នាំ១៩៧៦ សាលានេះត្រូវបានប្តូរឈ្មោះទៅជាមហាវិទ្យាល័យហិរញ្ញវត្ថុ - គណនេយ្យទីក្រុងហាណូយ ដោយមានភារកិច្ចបណ្តុះបណ្តាល និងស្រាវជ្រាវវិទ្យាសាស្ត្រ ដើម្បីបណ្ដុះបណ្ដាលធនធានមនុស្សថ្នាក់ឧត្តម និងក្រោយឧត្តមនៅក្នុងវិស័យហិរញ្ញវត្ថុជូនប្រទេសកម្ពុជា និងឡាវ។ នាថ្ងៃទី ១៧ ខែសីហា ឆ្នាំ ២០០១ នាយករដ្ឋមន្ត្រីវៀតណាមបានចេញសេចក្តីសំរេចលេខ ១២០/២០០១ / QD-TTg ស្ដីពីការ បង្កើតវិទ្យាស្ថានហិរញ្ញវត្ថុ។ វិទ្យាស្ថាននេះមានតួនាទីនិងភារកិច្ចបណ្តុះបណ្តាលកម្មាភិបាលថ្នាក់ឧត្តម ក្រោយឧត្តមលើវិស័យហិរញ្ញវត្ថុ គណនេយ្យ ភាសារអង់គ្លេសខាងហិរញ្ញវត្ថុ និងព័ត៌មានវិទ្យាជាដើម។ ចាប់តាំងពីពេលបង្កើតរហូតមកដល់ពេលនេះ វិទ្យាស្ថានហិរញ្ញវត្ថុបណ្តុះបណ្តាលបានសិក្ខាកាមថ្នាក់បណ្ឌិត ជាង ៣០០ នាក់ ថ្នាក់អនុបណ្ឌិតជាង ៥០០០ នាក់ និងថ្នាក់បរិញ្ញាបត្រខាងសេដ្ឋកិច្ចជាង ៨៥០០០នាក់ជូនប្រទេសកម្ពុជា និងឡាវ។

មិត្ត Paul Gage និងលោកអ្នកនាងជាទីមេត្រី។ ដើម្បីជួយជ្រោមជ្រែងទិវាទឹកនោមផ្អែមពិភពលោក (ថ្ងៃទី ១៤ ខែវិច្ឆិកា) នាថ្ងៃទី ១១ ខែវិច្ឆិកា កន្លងទៅ នៅទីក្រុងហាណូយ ក្រសួងសុខាភិបាល សមាគមគ្រូពេទ្យវ័យក្មេងវៀតណាម មជ្ឈិមសម្ព័ន្ធយុវជនកុម្មុយនិស្តហូជីមិញ បានរួមសហការជាមួយអង្គការ AstraZeneca ប្រចាំនៅវៀតណាម បានរៀបចំឡើងមហោស្រពដើម្បីសហគមន៍ ដោយមានប្រធានបទថា "គ្រួសារ ធ្វើសកម្មភាពរួមគ្នាទប់ស្កាត់ជំងឺទឹកនោមផ្អែមឲ្យបានឆាប់បំផុត" ។ តាមរយៈមហោស្រពនេះ គណចាត់តាំងមានបំណងចង់ទទួលបានការយកចិត្តទុកដាក់របស់សង្គម គ្រួសារ សហគមន៍ ដើម្បីរួមចំណែកក្នុងការកាត់បន្ថយជម្ងឺទឹកនោមផ្អែមនៅវៀតណាមផងដែរ។

មិត្តអ្នកស្តាប់ជាទីមេត្រី! នាទីប្រអប់សំបុត្ររបស់យើងខ្ញុំសូមបញ្ចប់នៅត្រឹមនេះ។ រាល់សំបុត្រ មតិ ឬសំណួររបស់អស់លោកអ្នក សូមផ្ញើរមកកាន់អាស័យដ្ឋាន៖ កម្មវិធីផ្សាយជាភាសាខ្មែរ វិទ្យុសម្លេងវៀតណាម លេខ ៤៥ វិថី Ba Trieu រដ្ឋធានីហាណូយ ឬ Email៖ vov5khmer@gmail.com។ លោកអ្នកនាងអាចទាក់ទងជាមួយយើងខ្ញុំតាមរយៈទំព័រវែបសាយ Www.vovworld.vnផងដែរ។នាទីប្រអប់សំបុត្រមិត្តអ្នកស្ដាប់សូមបញ្ចប់នៅត្រឹមនេះ។សូមជួបអស់លោកអ្នកនាងនាសប្ដាហ៍ខាងមុខ៕