ក្នុងប៉ុន្មានថ្ងៃចុងក្រោយនៃឆ្នាំ ២០២៣ សាលាភូមិ Ha Vi និងសាលាភូមិ Tu Thi (សង្កាត់ Hang Gai ខ័ណ្ឌ Hoan Kiem ទីក្រុងហាណូយ) បានទាក់ទាញភ្ញៀវទេសចរក្នុងស្រុក និងបរទេសជាច្រើនមកនឹងការតាំងពិពណ៌ “រឿងសាលាភូមិនៅតាមក្រុង”។
សាលាភូមិ Ha Vi ស្ថិតនៅលេខ ១១ វិថី Hang Hom ដែលធ្វើសក្ការៈបូជាគ្រូដើមនៃរបរធ្វើថ្នាំលាបប្រពៃណី លោក Tran Lu (១៤៧០-១៥៤០)។
នេះជាលើកទីមួយដែលរឿងរ៉ាវអំពីថ្នាំលាបប្រពៃណីនិងការអភិវឌ្ឍនៃមុខរបរនេះ ត្រូវបានដំណាលឡើងវិញយ៉ាងរស់រវើកដល់ប្រជាជន និងភ្ញៀវទេសចរមកពីគ្រប់ទិសទី តាមរយៈការតាំងពិព័រណ៌ “រឿងសាលាភូមិនៅតាមក្រុង”។
សិល្បៈករវ័យក្មេងបានបង្កើតកន្លែងដំឡើងជាមួយនឹងស្នាដៃដោយប្រើសម្ភារៈថ្នាំលាបប្រពៃណី។
ទាំងអស់នេះបានបង្កើតបរិយាកាសដ៏ជាក់ស្ដែង រស់រវើក ដោយដំណាល់ដល់
អ្នកទស្សនានូវរឿងរ៉ាវស្ដីពីវិជ្ជាជីវៈ និងការច្នៃប្រឌិតរបស់ជាងថ្នាំលាប។
ឧបករណ៍ធ្វើថ្នាំលាបប្រពៃណីក៏ត្រូវបានបង្កើតឡើងវិញនៅឯពិព័រណ៍ផងដែរ។
សាលាភូមិ Tu Thi ជាកេរ្តិ៍ដំណែលប្រវត្តិសាស្ត្រ វប្បធម៌ថ្នាក់ជាតិ ជាទីធ្វើសក្ការៈ
បូជាគ្រូដើមរបរប៉ាក់ លោក Le Cong Hanh (១៦០៦-១៦៦១)។ ថ្វីត្បិតតែស្ថិតនៅក្នុង
ផ្លូវតូចក៏ដោយ ប៉ុន្តែនេះគឺជាកន្លែងដែលភ្ញៀវទេសចរមកទស្សនាជាញឹកញាប់។
ប៉ុន្មានថ្ងៃនេះ នៅឯសាលាភូមិ Tu Thi គណៈកម្មការរៀបចំ បានតាំងបង្ហាញ
គំនូរសូត្រប៉ាក់ដោយដៃរបស់បណ្ដាសិប្បករ។
ស្នាដៃទាំង ៣០ គឺជាបច្ចេកទេសប៉ាក់ចំនួន ៣០ ផ្សេងៗគ្នារបស់សិប្បករនៃភូមិ
ប៉ាក់ Quat Dong។
ផលិតផលប៉ាក់ដោយដៃរបស់បណ្ដាសិប្បករត្រូវបានច្នៃប្រឌិតប្រកបដោយភាពជិតស្និទ្ធនឹងជីវភាពប្រចាំថ្ងៃ។

នៅសាលាភូមិ Tu Thi ក៏មានតាំងបង្ហាញផលិតផលសិប្បកម្មវិចិត្រសិល្បៈមួយ
ចំនួនពីម៉ាកល្បីៗនៅផ្លូវ Hang Gai ផងដែរ។
ព្រឹត្តិការណ៍នេះកំពុងទាក់ទាញសិស្សានុសិស្សជាច្រើនក្នុងភូមិសាស្ត្រខ័ណ្ឌក៏ដូចជាភ្ញៀវទេសចរទាំងជាតិ និងអន្តរជាតិមកទស្សនា។ រូបថត៖ កាសែត Nhan Dan
ការតាំងពិព័រណ៌ “រឿងសាលាភូមិនៅតាមក្រុង” ប្រៀបប្រដូចជាខ្យល់បក់ថ្មី ដើម្បី
សរសេរបន្តពីប្រពៃណី បង្កើតរឿងរ៉ាវស្ដីពីផ្លូវសិប្បកម្មទាំង ៣៦ របស់រដ្ឋធានី
ហាណូយ។ ពិព័រណ៍នេះគ្រោងនឹងបើកទ្វាររហូតដល់ខែកុម្ភៈ ឆ្នាំ២០២៤៕