កម្មវិធីប្រគុំតន្ត្រីបុណ្យណូអែលខៀវ៖ សំណាងល្អនិងសេចក្ដីសង្ឃឹម

(VOVWORLD) - ដោយបានរៀបចំឡើងមុនបុណ្យណូអែលនិងឆ្នាំសកល កម្មវិធីប្រគុំ តន្ត្រីបុណ្យណូអែលខៀវមានបំណងចង់នាំមកនូវសេចក្ដីសង្ឃឹមនិងសំណាងល្អសម្រាប់យុវជននិងកុមារដែលមានជីវភាពរស់នៅលំបាក។

កម្មវិធីប្រគុំតន្ត្រីបុណ្យណូអែលខៀវ - Green Christmas ត្រូវបានរៀបចំឡើងនាយប់ថ្ងៃទី២១ ខែធ្នូ នៅវិជ្ជាស្ថានតន្ត្រីជាតិវៀតណាម រដ្ឋធានីហាណូយ។

អ្នកដឹកនាំវង់តន្ត្រី អ្នកស្រី Nguyen Hai Yen បានចែករំលែកថា វង់តន្ត្រី ខ្យល់ខៀវ ត្រូវបានបង្កើតឡើងក្នុងបំណងចង់នាំតន្ត្រី choral ខិតជិតមកមនុស្សគ្រប់គ្នានិងប្រើប្រាស់តន្ត្រីដើម្បីតភ្ជាប់មនុស្សជាមួយមនុស្ស។

កម្មវិធីសម្ដែងយប់នេះជាសញ្ញាសម្គាល់ក្នុងឆ្នាំដំបូងរបស់វង់តន្ត្រីខ្យល់ខៀវ។

នាងបានបង្ហាញនូវបំណងថា កម្មវិធីនឹងលើកតម្កើងសេចក្ដីស្រឡាញ់ ការចែករំលែកនិងការតភ្ជាប់គ្នារវាងមនុស្សជាមួយមនុស្ស។

វង់តន្ត្រីមានសមាជិកជិត១០០នាក់ដែលមានវ័យអាយុផ្សេងៗគ្នា ចាប់តាំងពីកុមារ អាយុ៥-៦ ឆ្នាំ រហូតដល់ជនចាស់ជរា អាយុជាង៨០ឆ្នាំ ប៉ុន្តែគ្មានការរើសអើងពីអាជីព យេនឌ័រ ឬចំណេះដឹងផ្នែកតន្ត្រីនោះឡើយ។

ហេតុដូច្នេះ ទស្សនិកជនរបស់វង់តន្ត្រី ខ្យល់ខៀវ ក៏មានវ័យអាយុយ៉ាងសម្បូរបែបផងដែរ។

បណ្ដាអ្នកចម្រៀងចូលរួមកម្មវិធី។

សិល្បករខ្លុយឬស្សីពក Dinh Quang Vu ក៏ចូលរួមសម្ដែងទៀតផង។ លោកជាសិល្បៈករពិការភ្នែកដែលធ្លាប់បានបញ្ចប់ការសិក្សាវិញ្ញាសារខ្លុយឬស្សីពកប្រកបដោយឆ្នើម នៅវិជ្ជាស្ថានតន្ត្រីជាតិហាណូយ។