ນ້ຳກາງແມ່ນໜຶ່ງໃນບັນດາສະຖານທີ່ຍັງຮົກເຮື້ອຢູ່ຊາປາ, ແຂວງລາວກາຍ

ເດີນຕາມບັນດາເສັ້ນທາງໃນປ່າ ແຂກທ່ອງທ່ຽວຈະໄດ້ເຊື່ອມຕົວເຂົ້າກັບທຳມະຊາດ, ໄດ້ຟັງສຽງຫ້ວຍນ້ຳໄຫຼ, ສຽງນົກຮ້ອງ ດັ່ງກ້ອງກັງວານຈາກໄກ

ຄວາມປະທັບໃຈທຳອິດເມື່ອແຂກທ່ອງທ່ຽວໄປຮອດເຂດດິນທີ່ຮົກເຮື້ອນີ້ກໍ່ແມ່ນເນື້ອທີ່ນາຂັ້ນໄດນອນລຽບຕາມຮອມພູຕິດແໜ້ນກັບເນີນພູ

ໃນຍາມເຂົ້າສຸກເຫຼືອງເມື່ອເດືອນສິງຫາ ແລະ ເດືອນກັນຍາ ແຂກທ່ອງທ່ຽວຍິ່ງມີຄວາມປະທັບໃຈ ຍ້ອນຄວາມງາມຂອງນ້ຳກາງ

ເມື່ອຍ່າງຕາມເສັ້ນທາງດິນນ້ອຍໆແຄມທົ່ງນາຂັ້ນໄດສຸກເຫຼືອງອາຮາມ, ຜູ້ຄົນທັງຫຼາຍຈະເຫັນເຮືອນຫຼັງຕ່າງໆ ຂອງຊາວເຜົ່າຢ້າວ ແລະ ເຜົ່າມົ້ງຖືກຕັ້ງຢູ່ຕາມເນີນພູທີ່ລຽບງ່າຍເຊິ່ງໄດ້ມີມາເກືອບຮ້ອຍປີນີ້.

ຖ້າຫາກມຸ່ງສາຍຕາໄປທາງໄກ, ບັນດາເຮືອນຕູບເຮັດດ້ວຍໄມ້ຂອງພໍ່ແມ່ພີ່ນ້ອງເຜົ່າຢາວແດງ ກໍ່ປຽມເໝືອນໝາຍຈ້ຳປະດັບປະດາໃສ່ຮູບພາບທຳມະຊາດທີ່ກ້ວາງໃຫຍ່ໄພສານ. ນີ້ແມ່ນບ່ອນທີ່ ຊາວກະສິກອນເຄີຍເຝົ້າຍາມເນື້ອທີ່ນາ ແລະ ເປັນບ່ອນ ເກັບມ້ຽນເຄື່ອງມືກະສິກຳ.