ແທງຮວາ ຮ່ວມສຳພັນພັດທະນາຜະລິດຕະພັນທ່ອງທ່ຽວ

(vovworld) - ແທງຮວາ ແມ່ນແຂວງຫນຶ່ງທີ່ມີຄວາມສາມາດບົ່ມຊ້ອນຫລາຍຢ່າງເພື່ອພັດທະນາການທ່ອງທ່ຽວວັດທະນະທຳ,

(vovworld) - ແທງຮວາ ແມ່ນແຂວງຫນຶ່ງທີ່ມີຄວາມສາມາດບົ່ມຊ້ອນຫລາຍຢ່າງເພື່ອພັດທະນາການທ່ອງທ່ຽວວັດທະນະທຳ, ຈິດວິນຍານ, ທ່ອງທ່ຽວຊີວະພາບພັກຜ່ອນບຳລຸງສຸຂະພາບ, ທ່ອງທ່ຽວຢ້ຽມຊົມໝູ່ບ້ານຫັດຖະກຳ.. ດ້ວຍບັນດາທ່າໄດ້ປຽບກ່ຽວກັບການທ່ອງທ່ຽວ, ແຂວງ ແທງຮວາ ໄດ້ຮັບເລືອກເຟັ້ນແມ່ນສະຖານທີ່ຈັດຕັ້ງປີທ່ອງທ່ຽວແຫ່ງຊາດ 2015 ດ້ວຍຫົວຂໍ້ວ່າ: “ຮ່ວມສຳພັນບັນດາມໍລະດົກໂລກ”. ນີ້ແມ່ນກາລະໂອກາດທີ່ດີເພື່ອໃຫ້ແຂວງ ແທງຮວາ ສ້າງບາດກ້າວບຸກທະລຸໃນການພັດທະນາການທ່ອງທ່ຽວ.

ກຳແພງລາຊະວົງໂຮ່
photo:internet

ແຂວງ ແທງຮວາ ມີທ່າໄດ້ປຽບຫລາຍຢ່າງເພື່ອພັດທະນາການທ່ອງທ່ຽວ ເພາະວ່າ ແທງຮວາ ແມ່ນແຂວງໃຫຍ່ ມີເນື້ອທີ່ 11.138 ຕາລາງກິໂລແມັດ ດ້ວຍ 7 ຊົນເຜົ່າດຳລົງຊີວິດຮ່ວມກັນ. ແຂວງ ແທງຮວາ ມີຝັ່ງທະເລຍາວເກືອບ 102 ກິໂລແມັດ ແລະ ມີປູຊະນີຍະສະຖານກວ່າ 1.500 ແຫ່ງ, ໃນນັ້ນ 130 ແຫ່ງຖືກຈັດເຂົ້າບັນຊີລາຍຊື່ປູຊະນີຍະສະຖານລະດັບຊາດ, ພິເສດ ກຳແພງລາຊະວົງໂຮ່ ໄດ້ຮັບການຮັບຮອງຈາກ UNESCO ວ່າແມ່ນມໍລະດົກວັດທະນະທຳໂລກ. ນອກນັ້ນ ແຂວງ ແທງຮວາ ຍັງມີທັດສະນີຍະພາບສວຍງາມຫລາຍແຫ່ງຄື: ຫ້ວຍປາເທວະດາເກີມເລືອງ , ຖ້ຳ ບ໋ານແຈງ, ຖ້ຳ ທຽນເຊີນ, ຖ້ຳ ຕືທຶກ… ພິເສດ ຫາດຊາຍທະເລ ເຊີ່ມເຊີນ ໄດ້ຮັບການຄົ້ນພົບມາເປັນເວລາ ກວ່າ 100 ຍັງຄົງແມ່ນສະຖານທີ່ຜັກພ່ອນບຳລຸງສຸຂະພາບທີ່ດູດດື່ມ.

ໄລຍະແຕ່ປີ 2008- 2013, ຍາມໃດ ແຂວງ ແທງຮວາ ກໍແມ່ນຫນຶ່ງໃນຈຳນວນ 10 ແຂວງ ນຳຫນ້າທົ່ວປະເທດກ່ຽວກັບບັນດາມາດຖານພັດທະນາການທ່ອງທ່ຽວ ດ້ວຍລະດັບການເຕີບໂຕກວ່າ 23%. ປີ 2013, ທົ່ວແຂວງ ໄດ້ຕ້ອນຮັບນັກທ່ອງທ່ຽວກວ່າ 4,1 ລ້ານເທື່ອຄົນ. ໃນ 6 ເດືອນຕົ້ນປີ 2014, ທົ່ວແຂວງຕ້ອນຮັບນັກທ່ອງທ່ຽວກວ່າ 2 ລ້ານ 8 ແສນເທື່ອຄົນ, ລາຍຮັບບັນລຸໄດ້ກວ່າ 1400 ຕື້ດົງ, ເມົ່າກັບ 63 % ແຜນການທີ່ໄດ້ວາງອອກ. ປະຈຸບັນ ທົ່ວແຂວງ ມີບອ່ນພັກເຊົາກວ່າ 550 ແຫ່ງ, ໃນນັ້ນ ກວ່າ 300 ແຫ່ງບັນລຸມາດຕະຖານ ແລະ ມີໂຮງແຮມ 65 ຫລັງບັນລຸລະດັບ 1-4 ດາວ ພ້ອມແລ້ວທີ່ຈະຕອບສະຫນອງຄວາມຕ້ອງການຂອງນັກທ່ອງທ່ຽວຜັກເຊົາເອົາແຮງ. ແຂວງ ແທງຮວາ ກໍໄດ້ກໍ່ສ້າງສະຫນາມບິນ ທໍ້ຊວນ ສຳເລັດໃນປີ 2013 ສາມາດຮັບໃຊ້ການຂົນສົ່ງຜູ້ໂດຍສານກວ່າ 60.000 ເທື່ອຄົນ ດ້ວຍ 5 - 7 ຖ້ຽວບິນ/ອາທິດ. ນອກນັ້ນ ແຂວງແທງຮວາ ເລີ່ມຕົ້ນການປະຕິບັດທິດນຳເປີດກວ້າງການຮ່ວມສຳພັນ, ເຊື່ອມຕໍ່ບັນດາມໍລະດົກວັດທະນະທຳໂລກ ຕິດພັນກັບການພັດທະນາບັນດາລາຍການທ່ອງທ່ຽວ ເພື່ອເພີ່ມຄວາມດຶງດູດໃຫ້ແກ່ນັກທ່ອງທ່ຽວ. ທ່ານ ໂດກວາງຈ້ອງ, ຜູ້ອຳນວຍການເຂດປູຊະນີຍະສະຖານກຳແພງລາຊະວົງໂຮ່ ໃຫ້ຮູ້ວ່າ:

“ໃຈກາງກຳແພງລາຊະວົງໂຮ່ ແມ່ນສະຖານທີ່ເຊື່ອມຕໍ່ລາຍການທ່ອງທ່ຽວແຫ່ງຊາດຫວຽດນາມປີ 2015 ກັບ ແຂວງນິງບີງ, ທັງລອງ.. ສະເພາະ ກຳແພງລາຊະວົງໂຮ່ ແຂວງ ແທງຮວາ ແມ່ນສະຖານທີ່ທ່ອງທ່ຽວຈຸດສຸມຂອງປີທ່ອງທ່ຽວແຫ່ງຊາດ. ທີ່ເຊື່ອມຕໍ່ນະຄອນ ແທງຮວາ, ກຳແພງລາຊະວົງໂຮ່, ຫ້ວຍປາເທວະດາ ເກີມເລືອງ ແລະ ກຸງເກົ່າ ນາມກີງ ນີ້ແມ່ນຫນຶ່ງໃນບັນດາລາຍການທ່ອງທ່ຽວສຳຄັນ ເພື່ອແນະນຳໂຄສະນາຄວາມສາມາດບົ່ມຊ້ອນກ່ຽວກັບການທ່ອງທ່ຽວຂອງແຂວງແທງຮວາ.”

ຫ້ວຍປາ ເກີມເລືອງ
photo:sotaydulich.com

ປະຈຸບັດນ, ແຂວງ ແທງຮວາ ພວມຕັ້ງຫນ້າກະກຽມທຸກເງື່ອນໄຂທີ່ດີ ເພື່ອຈັດຕັ້ງ ປີທ່ອງທ່ຽວແຫ່ງຊາດ 2015ໃຫ້ສຳເລັດ, ຄື: ລົງທຶນກໍ່ສ້າງບັນດາສະຖານທີ່ທ່ອງທ່ຽວໃຫ້ສຳເລັດ, ກໍ່ສ້າງບັນດາຜະລິດຕະພັນທ່ອງທ່ຽວທີ່ເປັນເອກະລັກສະເພາະ, ຈັດຕັ້ງການໂຄສະນາ ແລະ ສ້າງເຄື່ອງໝາຍການຄ້າ, ບຳລຸງສ້າງແຫລ່ງຊັບພະຍາກອນມະນຸດ, ຍົກລະດັບບັນດາສະຖານທີ່ພັກເຊົາ, ຮັບປະກັນຄວາມເປັນລະບຽບຮຽບຮ້ອຍ, ຄວາມປອດໄພໃຫ້ແກ່ນັກທ່ອງທ່ຽວ. ທ່ານ ເວືອງວັນກຽດ, ຮອງປະທານຄະນະກຳມະການປະຊາຊົນ ແຂວງ ແທງຮວາ ໃຫ້ຮູ້ວ່າ:

“ພວກຂ້າພະເຈົ້າສືບຕໍ່ສົມທົບກັບກົມໃຫຍ່ທ່ອງທ່ຽວ ແລະ ບັນດາວິສາຫະກິດ ເພື່ອກໍ່ສ້າງ ແລະ ສ້າງບັນດາຜະລິດຕະພັນທ່ອງທ່ຽວໃຫມ່ຄື: ລາຍທ່ອງທ່ຽວລຽບຕາມແມ່ນ້ຳ ໝາ໋, ຕິດພັນກັບການຂຸດຄົ້ນບັນດາສະຖານທີ່ທ່ອງທ່ຽວແຄມແມ່ນ້ຳ ໝ໋າຈາກ ເຊີມເຊີນ ຮອດຫ້ວຍປາ ເກີມເລືອງ. ພິເສດ ແຂວງ ມີສາຍພົວພັນທີ່ດີກັບບັນດາແຂວງ, ນະຄອນ ເພື່ອດຶງດູດການເຂົ້າຮ່ວມຂອງບັນດາແຂວງ, ນະຄອນໃນທົ່ວປະເທດ ໃນປີທ່ອງທ່ຽວແຫ່ງຊາດຢູ່ ແຂວງ ແທງຮວາ.”

ດ້ວຍຄວາມມານະພະຍາຍາມ ແລະ ຄວາມຕັດສິນໃຈສູງ, ປະຊາຊົນ, ອຳນາດການປົກຄອງແຂວງແທງຮວາ ພວມກະກຽມພື້ນຖານໂຄງລ່າງ, ເນື້ອໃນຈິດໃຈເພື່ອຈັດຕັ້ງປີທ່ອງທ່ຽວແຫ່ງຊາດ 2015 ສຳເລັດຜົນ. ນີ້ຈະແມ່ນກາລະໂອກາດເພື່ອໃຫ້ຂະແຫນງທ່ອງທ່ຽວແຂວງ ແທງຮວາ ພັດທະນາ ກາຍເປັນຂະແຫນງເສດຖະກິດສຳຄັນຂອງທ້ອງຖິ່ນ.