ແງ່ຫວັງເສດຖະກິດຫວຽດນາມປີ 2017

ປີ 2016 ໄດ້ສິ້ນສຸດລົງດ້ວຍເຫດການ ແລະ ຜົນງານຫຼາຍຢ່າງທາງດ້ານເສດຖະກິດທີ່ສຳຄັນ, ນັ້ນແມ່ນ, ປີທຳອິດຂອງລັດຖະບານໃໝ່ - ລັດຖະບານແຫ່ງການສ້າງສາ ແລະ ການກະທຳດ້ວຍບັນດາມາດຕະກາບປັບປຸງສະພາບແວດລ້ອມແຫ່ງການລົງທຶນ, ດຳເນີນທຸລະກິດ, ໜູນຊ່ວຍວິສາຫະກິດພັດທະນາ ແລະ ຊຸກຍູ້ຈິດໃຈເລີ່ມທຸລະກິດ, ປ່ຽນໃໝ່ຢ່າງມີຫົວຄິດປະດິດສ້າງ. ນີ້ກໍ່ແມ່ນປະຖົມປັດໄຈເພື່ອໃຫ້ ຫວຽດນາມ ຊຸກຍູ້ການເຕີບໂຕເສດຖະກິດໃນປີ 2017.

(vovworld)_ ປີ 2016 ໄດ້ສິ້ນສຸດລົງດ້ວຍເຫດການ ແລະ ຜົນງານຫຼາຍຢ່າງທາງດ້ານເສດຖະກິດທີ່ສຳຄັນ, ນັ້ນແມ່ນ, ປີທຳອິດຂອງລັດຖະບານໃໝ່ - ລັດຖະບານແຫ່ງການສ້າງສາ ແລະ ການກະທຳດ້ວຍບັນດາມາດຕະກາບປັບປຸງສະພາບແວດລ້ອມແຫ່ງການລົງທຶນ, ດຳເນີນທຸລະກິດ, ໜູນຊ່ວຍວິສາຫະກິດພັດທະນາ ແລະ ຊຸກຍູ້ຈິດໃຈເລີ່ມທຸລະກິດ, ປ່ຽນໃໝ່ຢ່າງມີຫົວຄິດປະດິດສ້າງ. ນີ້ກໍ່ແມ່ນປະຖົມປັດໄຈເພື່ອໃຫ້ ຫວຽດນາມ ຊຸກຍູ້ການເຕີບໂຕເສດຖະກິດໃນປີ 2017. ບົດຂຽນ “ແງ່ຫວັງເສດຖະກິດຫວຽດນາມປີ 2017” ຂອງຕວນຕູ໋, ນັກຂ່າວ VOV.

ພາບປະກອບ

ໜຶ່ງໃນບັນດາຈຸດພົ້ນເດັ່ນ ແລະ ກໍ່ແມ່ນຂີດໝາຍໃນການພັດທະນາເສດຖະກິດໃນປີຜ່ານມາ, ນັ້ນແມ່ນການສຸມໃສ່ແກ້ໄຂຄວາມຫຍຸ້ງຍາກໃຫ້ແກ່ວິສາຫະກິດໃນການຜະລິດດຳເນີນທຸລະກິດ, ຊຸກຍູ້ການເຕີບໂຕດ້ານເສດຖະກິດ. ທ່ານນາຍົກລັດຖະມົນຕີ ໄດ້ປະກາດໃຊ້ມະຕິເລກທີ 35 ກ່ຽວກັບການໜູນຊ່ວຍ ແລະ ພັດທະນາວິສາຫະກິດເຖິງປີ 2020 ແລະ ໃນປີ 2016, ຫວຽດນາມ ມີວິສາຫະກິດໄດ້ຮັບການສ້າງໃຫມ່ 110.100 ແຫ່ງ. ເຖິງວ່າລະດັບການເຕີບໂຕ GDP ໃນປີ 2016 ບໍ່ທັນບັນລຸໄດ້ຄາດໝາຍໂດຍສະພາແຫ່ງຊາດວາງອອກແມ່ນ 6,7%, ແຕ່ວ່າ, ບັນດານັກຊ່ຽວຊານຖືວ່າໃນສະພາບການເສດຖະກິດໂລກບໍ່ສະດວກ, ສະພາບການພາຍໃນປະເທດປະສົບກັບຄວາມຫຍຸ້ງຍາກຫຼາຍຢ່າງຍ້ອນ, ສິ່ງແວດລ້ອມທະເລມີການຜັນແປຢ່າງສັບສົນນັ້ນເພື່ອບັນລຸລະດັບເຕີບໂຕ 6,21% ແມ່ນຜົນສຳເລັດແລ້ວ. ທ່ານ ຮ່າກວາງຕ໋ວຽນ, ຫົວໜ້າກົມລະບົບບັນຊີແຫ່ງຊາດ, ກົມໃຫຍ່ສະຖິຕິ ໃຫ້ຮູ້ວ່າ:

“ເປັນຄັ້ງທຳອິດການເຕີບໂຕເສດຖະກິດຂອງ ຫວຽດນາມ ບັນລຸລະດັບສູງກ່ວາ ແຕ່ບໍ່ ຂຶ້ນກັບການຂຸດຄົ້ນແຫຼ່ງຊັບພະຍາກອນທຳມະຊາດ. ການສົ່ງອອກສິນຄ້າເກີນດຸ່ນໄດ້ຮັບການຟື້ນຟູຄືນໃໝ່. ການບໍລິຫານນະໂຍບາຍເງິນຕາ ແລະ ອັດຕາແລກປ່ຽນເງິນຕາກໍ່ມີຫຼາຍຈຸດທີ່ຕັ້ງໜ້າ ແລະ ເປັນປົກກະຕິ. ດັ່ງນັ້ນ, ການແຮເງິນຕາຕ່າງປະເທດໄດ້ຮັບຖືວ່າມີລະດັບສະຖິຕິນັບແຕ່ກ່ອນມາຮອດປະຈຸບັນ ແລະ ໄພເງິນເຟີ້ໄດ້ຮັບການຄວບຄຸມເປັນຢ່າງດີ”

ໃນປີ 2017, ຄາດໝາຍການເຕີບໂຕ GDP ໃນທົ່ວປະເທດສູ້ຊົນບັນລຸໃຫ້ໄດ້ 6,7%, ໄພເງິນເຟີ້ຕ່ຳກ່ວາ 4% ແລະ ງົບປະມານຕ້ອງຮັບປະກັນນັບທັງຂຶ້ນສູນກາງ ແລະ ທ້ອງຖິ່ນ. ປີ 2017, ບັນດານັກຊ່ຽວຊານດ້ານເສດຖະກິດ ຖືວ່າ, ທາງດ້ານການເມືອງ ແລະ ເສດຖະກິດມະຫາພາກ ແລະ ແຫຼ່ງທຶນໂດຍກົງຈາກຕ່າງປະເທດຄາດຄະເນວ່າຈະສືບຕໍ່ເປັນປົກກະຕິ. ກົດໝາຍວ່າດ້ວຍການລົງທຶນໄດ້ຮັບການຜັນຂະຫຍາຍຈະຊ່ວຍໃຫ້ການເຄື່ອນໄຫວປ່ອຍເງິນມີປະສິດທິຜົນກ່ວາ. ຮອງສາດສະດາຈານ - ປອ ຟ້າມເຕີດຖັງ, ກະຊວງອຸດສາຫະກຳ ການຄ້າ ຖືວ່າ:

“ປີ 2017 ແມ່ນໄລຍະເປີດຄວາມສະດວກຫຼາຍຢ່າງສຳລັບການເຄື່ອນໄຫວດ້ານເສດຖະກິດຂອງ ຫວຽດນາມ. ຕາມນັ້ນແລ້ວ, ຈະມີຫຼາຍກາລະໂອກາດ, ຕົວຢ່າງຄື: ມີຫຼາຍສັນຍາການຄ້າເສລີມີຜົນສັກສິດ. ຖ້າວ່າພວກເຮົາໝູນໃຊ້ສັນຍາການຄ້າເສລີກັບສຳພັນທະມິດອາຊີ - ເອີລົບ, ສະຫະພັນ ເອີລົບ, ກັບ ຍີ່ປຸ່ນ, ສ. ເກົາຫຼີ ນັ້ນ, ສິ່ງດັ່ງກ່າວຈະສ້າງຄວາມສາມາດສົ່ງອອກດີທີ່ສຸດ. ນອກຈາກບັນດາປະເພດສິນຄ້າຕົ້ນຕໍ່ອື່ນໆ ໄດ້ເລີ່ມມີຕະຫຼາດສົ່ງອອກ ແລະ ຢຶດຄອງບັນດາຕະຫຼາດທີ່ຕ້ອງການຄຸນນະພາບສູງຄື: ຜັກ, ໝາກໄມ້ໄປສູ່ ຍີ່ປຸ່ນ, ອາເມລິກາ…”

ອາດສາມາດເວົ້າໄດ້ວ່າ, ການເຕີບໂຕທາງດ້ານເສດຖະກິດປີ 2017 ຈະພັດທະນາຕາມທິດຕັ້ງໜ້າ, ຍ້ອນໄດ້ປັບປຸງລະບອບເສດຖະກິດ, ປັບປຸງສະພາບແວດລ້ອມແຫ່ງການລົງທຶນ, ສ້າງກຳລັງໃໝ່ໃຫ້ແກ່ພາກເອກະຊົນ ກາຍເປັນກຳລັງໜູນຕົ້ນຕໍຂອງປີ. ກ່າວຄຳເຫັນທີ່ກອງປະຊຸມຜ່ານເຄືອຂ່າຍອີນເຕີເນັດລະຫວ່າງລັດຖະບານ ກັບບັນດາທ້ອງຖິ່ນ ກ່ຽວກັບການຜັນຂະຫຍາຍໜ້າທີ່, ແຜນການເສດຖະກິດ - ສັງຄົມ ແລະ ງົບປະມານແຫ່ງລັດປີ 2017, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຊີ້ແຈ້ງວ່າ ຈຸດສຸມໃນການຊີ້ນຳບໍລິຫານແມ່ນຮັກສາເສດຖະກິດມະຫາພາກ, ການເຕີບໂຕສູງ, ຕິດພັນກັບການສ້າງໂຄງປະກອບເສດຖະກິດຄືນໃໝ່, ຍົກສູງສະມັດຕະພາບ, ຄຸນນະພາບ, ປະສິດທິຜົນ ແລະ ກຳລັງແກ່ງແຍ້ງຂອງພື້ນຖານເສດຖະກິດ… ໄລຍະຈະມາເຖິງ, ສືບຕໍ່ຍູ້ໄວການຫັນເປັນຫຸ້ນສ່ວນ ແລະ ປ່ຽນໃໝ່ການບໍລິຫານລັດວິສາຫະກິດ ໄປພ້ອມກັບການສົ່ງເສີມການໜູນຊ່ວຍເສດຖະກິດພາກເອກະຊົນ, ຊຸກຍູ້ການເລີ່ມທຸລະກິດຢ່າງແຮງ.