Vietnamese
中文
日本語
한국어
Français
Русский
Deutsch
Español
Bahasa Indonesia
ไทย
ພາສາລາວ
ខ្មែរ
(vovworld) - ເມື່ອທີ່ດິນສະຫງວນໃຫ້ແກ່ການປູກຕົ້ນໝາກແປ້ນ, ແລະດອກຄາຍຂອງຕາແສງ ງີຕ່າມ, ກວາງບ໋າ, ງອກຮ່າ… ເມືອງ ໄຕໂຮ່ ນັບມື້ນັບຄັບແຄບລົງນັ້ນ, ຢູ່ບັນດາຕາແສງໃໝ່ໃນເມືອງອ້ອມຂ້າງຄື ຕື່ລຽມເໜືອ, ຕົ້ນໝາກແປ້ນ ແລະດອກຄາຍພັດຂະຫຍາຍຕົວຢ່າງແຮງ, ສ້າງຄວາມງາມໃຫ້ແກ່ນະຄອນຫຼວງເມື່ອລະດູບານໃໝ່ວຽນມາ.
ພາບປະກອບ
ຈາກຕົ້ນໝາກແປ້ນ ແລະດອກຄາຍ, ຊີວິດຂອງຊາວກະສິກອນນັບຮ້ອຍຄອບຄົວຢູ່ທີ່ນີ້ນັບມື້ນັບດີຂຶ້ນ. ຕາແສງ ດຶກທັ໋ງ, ເມືອງ ຕື່ລຽມເໜືອ ແມ່ນໜຶ່ງໃນບັນດາເຂດປູກດອກໄມ້ແຫ່ງໃໝ່, ເຖິງວ່າຫາກໍ່ໄດ້ຮັບການສ້າງຕັ້ງຂຶ້ນບໍ່ທັນຮອດ 1 ປີ, ແລະຍັງປະສົບກັບຄວາມຫຍຸ້ງຍາກບໍ່ແມ່ນໜ້ອຍດ້ານພື້ນຖານໂຄງລ່າງກໍ່ຕາມ, ແຕ່ທ້ອງຖີ່ນໄດ້ມານະພະຍາຍາມຊັບຊ້ອນວຽກງານຢ່າງເໝາະສົມ. ພິເສດແມ່ນໄດ້ຊີ້ນຳການຜະລິດໃນເນື້ອທີ່ດິນກະສິກຳຢູ່ຕາແສງຢ່າງມີປະສິດທິຜົນ. ສິ່ງທີ່ໜ້າພາກພູມໃຈນັ້ນແມ່ນ, ໃນເນື້ອທີ່ດິນທີ່ຄັບແຄບນັ້ນ, ດອກຄາຍ ແລະ ຕົ້ນໝາກແຢ້ນພວມພັດທະນາ ແລະ ບັນລຸປະສິດທິຜົນ.
ໃນຊຸ່ມວັນໃກ້ຈະຮອດບຸນປີໃໝ່ 2015 ນີ້, ຕາແສງ ດຶກທັ໋ງມີຄວາມຟົດຟື້ນກວ່າ, ລູກຄ້າເປັນຈຳນວນຫຼວງຫຼາຍໄດ້ພາກັນໄປຍັງສວນດອກຄາຍ ແລະ ຕົ້ນໝາກແປ້ນເພື່ອເລືອກຊື້ຢູ່ກັບທີ່. ທ່ານປະທານສະມາຄົມຊາວກະສິກອນຕາແສງ ດຶກທັ໋ງ ຫງວຽນຮື້ວຟຸກ ໃຫ້ຮູ້ວ່າ, ສຳລັບຊາວກະສິກອນແລ້ວ ”ນີ້ແມ່ນລະດູການ’’ ຕົ້ນຕໍໃນປີ. ໃນຊຸ່ມມື້ນີ້, ຄອບຄົວທ່ານ ເຈືອງງອກກວນ, ໜ່ວຍ 2, ຕາແສງ ດຶກທັ໋ງຍາມໃດກໍ່ມີໜ້າຢູ່ເຂດສວນຂອງຕົນ, ທ່ານໃຫ້ຮູ້ວ່າ: “ເຂດສວນນີ້ກວ້າງ 3.000 ຕາແມັດ, ຄອບຄົວທ່ານໄດ້ປູກຕົ້ນໝາກແປ້ນ 100 ຕົ້ນ; ກ້ວຍໄມ້ 500 ຕົ້ນ… ແລະ ຕົ້ນໄມ້ປະດັບນັບຮ້ອນຕົ້ນ. ຖ້າຂາຍຕົ້ນໝາກແປ້ນທັງໝົດ ແລະ ກ້ວຍໄມ້ສ່ວນໜຶ່ງ, ບຸນປີໃໝ່ປີນີ້, ຄອບຄົວທ່ານກໍ່ສາມາດສ້າງລາຍຮັບໄດ້ຫຼາຍພໍສົມຄວນ.
ພາບປະກອບ
ຕາແສງ ດຶກທັ໋ງ ມີ 200 ຄອບຄົວຜະລິດກະສິກຳ, ເນື້ອທີ່ດິນກະສິກຳເກືອບ 20 ເຮັກຕາ ຖືກຫັນມາປູກດອກຄາຍ ແລະ ຕົ້ນໝາກແປ້ນ. ເຖິງວ່າເນື້ອທີ່ດິນທຳການຜະລິດຖືກຈຳກັດ, ຍ້ອນວິວັດແຫ່ງການຫັນເປັນຕົວເມືອງ, ແຕ່ຍ້ອນມີການຄິດໄລ່ຢ່າງຄ່ອງແຄ້ວ, ພ້ອມກັບຄວາມດຸໝັ່ນຂະຫຍັນພຽນຂອງປະຊາຊົນ ໄດ້ສ້າງກາລະໂອກາດຫຼາຍຢ່າງເພື່ອໃຫ້ຊາວກະສິກອນໃນຕາແສງບືນຕົວຂຶ້ນພັດທະນາເສດຖະກິດ, ສ້າງຄວາມຮັ່ງມີ. ປະທານສະມາຄົມຊາວກະສິກອນຕາແສງ ຫງວຽນຫື້ວຟຸກ ໃຫ້ຮູ້ວ່າ, ຄອບຄົວທ່ານກໍ່ມີສວນກວ້າງ 3 ໄຮ່ທີ່ປູກຕົ້ນໝາກແປ້ນ 500 ຕົ້ນ. ລາຄາຕົ້ນໝາກແປນຍັງເທົ່າກັຍທຸກປີ. ຊຳ້ບໍ່ໜຳແມ່ນຫຼຸດລົງນ້ອຍໜຶ່ງ, ແຕ່ຖ້າຂາຍໄດ້ໝົດ, ຄອບຄົວທ່ານກໍ່ສ້າງລາຍຮັບໄດ້ແຕ່ 150 – 200 ລ້ານດົ່ງ. ຕາມທ່ານປະທານຄະນະກຳມະການປະຊາຊົນຕາແສງ ເກິ໋ມວັນຢວນ ແລ້ວ, ເພື່ອໜູນຊ່ວຍຊາວກະສິກອນໃນທ້ອງຖີ່ນຍູ້ແຮງການຜະລິດ, ທາງຕາແສງ ໄດ້ຂົນຂວາຍປະຊາຊົນລົງທຶນ, ພັດທະນາການຜະລິດ, ຈັດບັນດາຊຸດອົບຮົມ ແລະ ນຳຄວາມກ້າວໜ້າດ້ານວິທະຍາສາດ, ເຕັກນິກໃໝ່ມາໃຫ້ປະຊາຊົນເພື່ອພັດທະນາການຜະລິດ. ໃນປີຜ່ານມາ, ມີບາງຄອບຄົວຊາວກະສິກອນໃນທ້ອງຖີ່ນໄດ້ຮັບແນວພັນໄມ້ ແລະ ຖ່າຍທອດເຕັກນິກປູກກ້ວຍໄມ້. ປະຈຸບັນບັນດາຄອບຄົວຊາວກະສິກອນໃນຕາແສງ ດຶກທັ໋ງ ພວມປູກກ້ວຍໄມ້ນັບໝື່ນຕົ້ນ, ອັນໄດ້ສ້າງທິດທາງໃໝ່, ປະກອບສ່ວນຫັນຜະລິດຕະພັນດອກໄມ້, ຕົ້ນໄມ້ປະດັບຂອງຊາວກະສິກອນ ຕາແສງ ດຶກທັ໋ງເປັນຫຼາຍຮູບຫຼາຍແບບ.
