(VOVWORLD) - ໃນຊຸມວັນນີ້, ຢູ່ເຂດທົ່ງພຽງທາງພາກໃຕ້ ຫວຽດນາມ ແມ່ນເວລານ້ຳຂຶ້ນ, ໝູ່ບ້ານອາຊີບສານແຫ ເທີມເຣີມ ນະຄອນ ເກີນເທີ ພັດມີຄວາມຄືກຄື້ນມ່ວນຊື່ນ. ນັບສິບໆຄອບຄົວຢູ່ທີ່ນີ້ ໄດ້ຫ້າວຫັນຜະລິດທັງວັນ ແບະ ຄືນ ເພື່ອມີເຄື່ອງມືຫາປາສະໜອງໃຫ້ແກ່ຕະຫຼາດຢ່າງທັນການ.

(VOVWORLD) - ກິ່ນຫອມຂອງຖົ່ວດິນ, ຂີງ ປະສົມກັບນ້ຳຕານອ້ອຍ ໄດ້ສ້າງເປັນລົດຊາດຫອມແຊບ, ເຮັດໃຫ້ລູກຄ້າທັງຢູ່ພາຍໃນ ແລະ ຕ່າງປະເທດບໍ່ອາດລືມເມື່ອໄດ້ກິນເຂົ້າໜົມ ກູເດີ ຫ່າຕິ້ງ. ດ້ວຍລົດຊາດພິເສດສະເພາະ, ເຂົ້າໜົມກູເດີ ໄດ້ຢັງຢືນເຄື່ອງໝາຍການຄ້າໃນແຜນທີ່ອາຫານການກິນແຫ່ງຊາດ, ໄດ້ຮັບການເຊີດຊູໃນ “Top 100 ເຍື່ອງອາຫານ, ຂອງຕ້ອນພິເສດຂອງ ຫວຽດນາມ”.

(VOVWORLD) - ໂດຍຕັ້ງຢູ່ຫ່າງຈາກນະຄອນພູດອຍ ເປີໄລກູ ປະມານ 30 ກມ, ໝູ່ບ້ານ ແກັບ, ຕາແສງ ອີອາລີ, ແຂວງ ຢາລາຍ ໃນຊຸມປີມໍ່ມານີ້ ໄດ້ກາຍເປັນຈຸດນັດພົບທີ່ລື້ງເຄີຍຂອງແຂກທ່ອງທ່ຽວພາຍໃນ ແລະ ຕ່າງປະເທດ. ບໍ່ພຽງແຕ່ແມ່ນຍ້ອນທິວທັດທຳມະຊາດສວຍງາມ, ສະຫງົບງຽບຂອງເຂດພູຜາປ່າໄມ້ເທົ່ານັ້ນ ຫາກຍັງແມ່ນຍ້ອນອາຊີບຫັດຖະກຳຕ່ຳຫູກຂອງຊາວເຜົ່າ ຢາຣາຍ ຢູ່ທີ່ນີ້ ພວມໄດ້ຮັບການຟື້ນຟູ ແລະ ນຳລັກສະນະການທ່ອງທ່ຽວຍຸກສະໄໝໃໝ່ເຂົ້າໃນເຂດຊຸມຊົນອີກດ້ວຍ.

(VOVWORLD) - ໝູ່ບ້ານອາຊີບຕີເຫຼັກ ເຕິດຕາກ, ຕາແສງ ຈ້ຽວໂລກ, ແຂວງ ແທັງຮວາ ມີຊື່ສຽງມາແຕ່ດົນນານດ້ວຍອາຊີບຕີເຫຼັກ. ນັບແຕ່ຮ້ອຍໆປີມານີ້, ບັນດານາຍຊ່າງຢູ່ທີ່ນີ້ຍັງໄດ້ຕີເຫຼັກເປັນບັນດາຜະລິດຕະພັນຮັບໃຊ້ຄວາມຕ້ອງການໃນຊີວິດ ແລະ ທັງຮັກສາອາຊີບທີ່ເປັນມູນເຊື້ອຂອງລຸ້ນພໍ່ລຸ້ນອ້າຍທີ່ປະໄວ້ໃຫ້.

(VOVWORLD) - ໝູ່ບ້ານ ຊາເຈົາ, ຕາແສງ ຢາວຮຶງ, ແຂວງ ນິງບິ່ງ ແມ່ນເຂດແຄມທະເລທີ່ມີຊື່ສຽງດ້ວຍອາຊີບເຮັດນ້ຳປາພື້ນເມືອງມາແຕ່ດົນນານ. ບັນດາຢອດນ້ຳປາເຫຼືອງ, ເຂັ້ມຂຸ້ນໄປດ້ວຍລົດຊາດຂອງທະເລທີ່ເຮັດມາຈາກປາສົດ, ເກືອຂາວ ແລະ ສີມືທີ່ຄ່ອງແຄ້ວຂອງຊາວບ້ານ, ນ້ຳປາ ຊາເຈົາ ແມ່ນການປະສົມສິ່ງຍອດຍິ່ງຂອງດິນຟ້າ. ນີ້ບໍ່ພຽງແຕ່ແມ່ນຜະລິດຕະພັນພື້ນເມືອງທີ່ມີຊື່ສຽງຢູ່ເຂດທົ່ງພຽງແຄມທະເລທາງພາກເໜືອ ຫວຽດນາມ ເທົ່ານັ້ນ, ຫາກຍັງເປັນທີ່ຮູ້ຈັກເຖິງຂອງລູກຄ້າຢູ່ຫຼາຍແຂວງນະຄອນໃນທົ່ວປະເທດອີກດ້ວຍ.

(VOVWORLD) - ໂດຍຕັ້ງຢູ່ຫ່າງຈາກໃຈກາງຕາແສງ ກອນຕູມ, ແຂວງ ກວາງຫງ້າຍ ປະມານ 20 ກມ, ໝູ່ບ້ານ ກອນຢອງ ສະຫງົບງຽບຂອງຊາວເຜົ່າເຊີດັງ, ຕາແສງ ງອກແຣວ ຕັ້ງຢູ່ກາງສວນຢາງພາລາ, ກາເຟ ແລະ ປ່າໄມ້ທີ່ຂຽວສົດງົດງາມ. ຢູ່ແຫ່ງນີ້ມີຫ້ວຍນ້ຳ ດັກໂລຍ ງາມດັ່ງໃນຝັນ, ແມ່ນສະຖານທີ່ຈັບໃຈທີ່ສຸດ ສຳລັບຜູ້ທີ່ຮັກມັກການທ່ອງທ່ຽວ ແລະ ກັບຄືນສູ່ທຳມະຊາດ.

(VOVWORLD) - ເສື້ອຄຸມທີ່ເຮັດຈາກໃບຄໍ້ ບໍ່ພຽງແຕ່ແມ່ນເຄື່ອງກັນແດດ ກັນຝົນທີ່ລີ້ງເຄີຍກັບຊາວບ້ານ ອຽນລາກ, ຕາແສງ ຊວັນລົກ, ແຂວງ ຫ່າຕິ້ງ ໃນຕະຫຼອດຮ້ອຍໆປີເທົ່ານັ້ນ, ຫາກຍັງແມ່ນສັນຍາລັກແຫ່ງຄວາມດຸໝັ່ນຂະຫຍັນພຽນ, ຄວາມຄ່ອງແຄ້ວຂອງ ປຊຊ ອີກດ້ວຍ. ຜ່ານການເວລາ, ອາຊີບຫຍິບເສື້ອຄຸມທີ່ເຮັດດ້ວຍໃບໄມ້ຢູ່ແຫ່ງນີ້ ຍັງຄົງໄດ້ຮັບການຮັກສາຈຸດພິເສດສະເພາະ.

(VOVWORLD) - ຢູ່ບ້ານ ແດ່ວຢໍ, ຕາແສງ ເງິນເຊີນ, ແຂວງ ທາຍງວຽນ, ມື້ໃດກໍ່ມີກຸ່ມແມ່ຍິງຊາວເຜົ່າ ຢ້າວຕຽນ ທີ່ດຸໝັ່ນຂະຫຍັນພຽນຢູ່ໜ້າຜ້າຖັກແສ່ວ, ເຂົາເຈົ້າບໍ່ພຽງແຕ່ເປັນຜູ້ຮັກສາອາຊີບຫັດຖະກຳຖັກແສ່ວໄວ້ເທົ່ານັ້ນ, ຫາກຍັງມານະພະຍາຍາມນຳຈຸດວັດທະນະທຳຊົນເຜົ່ານີ້ ເຈືອຈານເຂົ້າກັບຊີວິດແຫ່ງຍຸກສະໄໝດ້ວຍສີມືອັນຄ່ອງແຄ້ວຂອງຕົນອີກດ້ວຍ.

(VOVWORLD) - ໂຄງການແຫ່ງຊາດ ໜຶ່ງຕາແສງ ໜຶ່ງຜະລິດຕະພັນ (OCOP) ຢູ່ແຂວງ ວີ້ງລອງ ໄດ້ສ້າງຂີດໝາຍທີ່ດີເດັ່ນໃນການພັດທະນາເສດຖະກິດຊົນນະບົດ. ກ່ວາ 1000 ຜະລິດຕະພັນກະເສດຢູ່ທ້ອງຖິ່ນ ໄດ້ບັນລຸມາດຖານ OCOP ດ້ວຍຄຸນນະພາບສູງ, ຮູບແບບສວຍງາມ. ບັນດາຜະລິດຕະພັນນີ້ບໍ່ພຽງແຕ່ໄດ້ຊ່ວຍຍົກສູງລາຍຮັບໃຫ້ແກ່ ປຊຊ ເທົ່ານັ້ນ, ຫາກຍັງໄດ້ກາຍເປັນ “ທູດບ້ານເກີດເມືອງນອນ” ເພື່ອແຜ່ກະຈາຍຈຸດຄວາມງາມດ້ານວັດທະນະທຳທີ່ເປັນມູນເຊື້ອຂອງເຂດດິນແດນທາງທິດຕາວັນຕົກພາກໃຕ້ ຫວຽດນາມ ອີກດ້ວຍ.

(VOVWORLD) - ໝູ່ບ້ານທູບ ຖຸຍຊວັນ ຕັ້ງຢູ່ຖະໜົນ ຮ່ວຽນເຈິນກົງຈົວ ຫ່າງຈາກໃຈກາງນະຄອນ ເຫ້ວ ປະມານ 7 ກມ, ຍາມໃດກໍ່ດຶງດູດໃຈຜູ້ມາຢ້ຽມຢາມຍ້ອນຄວາມງາມທີ່ມີສີສັນຫຼາກຫຼາຍ ພ້ອມດ້ວຍການປະດັບປະດາທີ່ໜ້າປະທັບໃຈຈາກບັນດາມັດທູບທີ່ຫຼາກຫຼາຍສີສັນ. ໂດຍໄດ້ຕັ້ງຢູ່ໃກ້ກັບສອງສະຖານທີ່ທີ່ມີຊື່ສຽງແມ່ນ ວັງເຈົ້າຊີວິດ ຕື້ດຶກ ແລະ ໂນນພູ ວ້ອງແກັງ, ໝູ່ບ້ານທູບ ຖຸຍຊວັນ ແມ່ນສະຖານທີ່ທີ່ແຂກທ່ອງທ່ຽວບໍ່ຄວນພາດເມື່ອມາຢ້ຽມຢາມ ເຫ້ວ.