(VOVWORLD) - ຫວຽດນາມ ຈະລົງທຶນກໍ່ສ້າງບັນດາ ໂຮງຮຽນສາມັນກິນນອນຊົນເຜົ່າ ລວມຂັ້ນປະຖົມ ແລະມັດທະຍົມ ຕອນຕົ້ນ ຢູ່ 248 ຕາແສງ ຊາຍແດນເຂດດິນຕໍ່ແຜ່ນ. ນີ້ເປັນຄັ້ງທຳອິດ ຫວຽດນາມ ມີຮູບແບບ ໂຮງຮຽນສາມັນກິນນອນຊົນເຜົ່າຂັ້ນປະຖົມ ແລະມັດທະຍົມຕອນຕົ້ນ ຢູ່ ບັນດາຕາແສງເຂດຊາຍແດນ. ລັດຖະນະໂຍບາຍພິເສດນີ້ ມີລັກສະນະຍຸດທະສາດ ແລະ ຮີບດ່ວນ ເພື່ອແນໃສ່ຮັດແຄບຄວາມແຕກໂຕນດ້ານການສຶກສາ, ພັດທະນາແຫລ່ງຊັບພະຍາກອນມະນຸດຢູ່ກັບທີ່, ປະຕິບັດນະໂຍບາຍຊົນເຜົ່າ ແລະ ຮັບປະກັນຊີວິດສັງຄົມ.

(VOVWORLD) - ເດືອນກໍລະກົດຂອງແຕ່ລະປີແມ່ນໂອກາດເພື່ອໃຫ້ ປຊຊ ຫວຽດນາມ ອາໄລຫາ, ຕອບບຸນແທນຄຸນບັນດາຜູ້ທີ່ໄດ້ເສຍສະຫຼະຊີວິດເພື່ອເອກະລາດ, ເສລີພາບ ແລະ ເພື່ອຄວາມສະຫງົບຂອງປະເທດຊາດ. ມູນເຊື້ອ “ກິນເຂົ້າຄິດຮອດຄຸນນາ ກິນປາຄິດຮອດຄຸນນ້ຳ” ແມ່ນສາຍສຳພັນທີ່ສັກກະລະບູຊາ ເຊື່ອມຕໍ່ລຸ້ນຄົນຕ່າງໆ, ແມ່ນແຫຼ່ງກຳລັງແຮງດ້ານຈິດໃຈເພື່ອໃຫ້ຊົນຊາດ ຫວຽດນາມ ຜ່ານຜ່ານຄວາມຫຍຸ້ງຍາກນາໆປະການ, ສ້າງສາປະເທດຊາດໃຫ້ມື້ນັບຮັ່ງມີເຂັ້ມແຂງ, ສີວິໄລ.

(VOVWORLD) - ຫວຽດນາມ ພວມຢູ່ໃນໄລຍະສຸດທ້າຍ ເພື່ອສຳເລັດໂຄງການລົບລ້າງເຮືອນຢູ່ຊົ່ວຄາວ, ເຮືອນຮົ່ວເພ. ບັນດາໝາກຜົນທີ່ບັນລຸໄດ້ໃນເວລາ 9 ເດືອນທີ່ທ່ານນາຍົກລັດຖະມົນຕີໄດ້ປຸກລະດົມ (ແຕ່ເດືອນຕຸລາປີ 2024) ໄດ້ສະແດງໃຫ້ເຫັນວ່າ ນີ້ບໍ່ພຽງແຕ່ແມ່ນໂຄງການກະທຳເທົ່ານັ້ນ, ຫາກຍັງແມ່ນການສະແດງອອກຢ່າງຈະແຈ້ງທີ່ສຸດຂອງແນວຄິດ “ບໍ່ປະໃຫ້ຜູ້ໃດຢູ່ເບື້ອງຫຼັງ”, ແມ່ນການຫັນຈິດໃຈ “ພັດທະນາແບບກວມລວມ” ເປັນລະອຽດ ໂດຍພັກ ແລະ ລັດ ຫວຽດນາມ ໄດ້ຢືດໝັ້ນປະຕິບັດຕາມ.

(VOVWORLD) - ຄະນະຜູ້ແທນ ຫວຽດນາມ ຫາກໍ່ສິ້ນສຸດວາລະໂອ້ລົມສົນທະນາຄັ້ງທີ4 ກ່ຽວກັບການປະຕິບັດສົນທິສັນຍາສາກົນວ່າດ້ວຍບັນດາສິດພົນລະເຮືອນ ແລະ ການເມືອງ (ICCPR) ແຕ່ວັນທີ 7-8 ກໍລະກົດຢູ່ ສຳນັກງານຄະນະກຳມະການສິດທິມະນຸດ ສປຊ ຢູ່ ເຊີແນວ ປະເທດ ສະວິດຢ່າງສຳເລັດຜົນ. ໝາກຜົນວາລະໂອ້ລົມສົນທະນາ ໄດ້ສະແດງໃຫ້ເຫັນວ່າ ຫວຽດນາມ ຍາມໃດກໍ່ມານະພະຍາຍາມ, ສະຫງວນແຫລ່ງກຳລັງດີສຸດເພື່ອຮັບປະກັນການປະຕິບັດສິດທິມະນຸດ, ສິດພົນລະເຮືອນ, ໃນນັ້ນ ບັນດາສິດພົນລະເຮືອນ, ການເມືອງ ຕາມສົນທິສັນຍາ ICCPR.

(VOVWORLD) - ພາຍຫລັງຜັນຂະຫຍາຍມະຕິເລກທີ 57 - NQ/TW ຂອງກົມການເມືອງກ່ຽວກັບການບຸກທະລຸພັດທະນາວິທະຍາສາດ, ເຕັກໂນໂລຊີ, ນະວັດຕະກຳ ແລະການຫັນເປັນດິຈິຕອນແຫ່ງຊາດ ມາເປັນເວລາ 6 ເດືອນ, ຫວຽດນາມ ໄດ້ຮັບຮູ້ການຫັນປ່ຽນຢ່າງເຫັນໄດ້ຊັດກ່ຽວກັບຄວາມຮັບຮູ້ ແລະ ການກະທຳໃນລະບົບການເມືອງ. ຈິດໃຈແມ່ນປ່ຽນແປງຈະແຈ້ງ,ບາງຂໍ້ຕິດຄັດກ່ຽວກັບລະບອບລະບຽບການໄດ້ແກ້ໄຂຢ່າງລຸລ່ວງ, ຫັນພື້ນຖານໂຄງລ່າງດ້ານເຕິກນິກເປັນດິຈິຕອນພັດທະນາ.

(VOVWORLD) - ກົດໝາຍວ່າດ້ວຍນາຍຄູ ໄດ້ຮັບການຮັບຮອງເອົາໃນວັນທີ 16 ມິຖຸນາປີ 2025 ຢູ່ ກອງປະຊຸມສະໄຫມສາມັນເທື່ອທີ 9 ສະພາແຫ່ງຊາດຊຸດທີ XV. ກົດໝາຍ ໄດ້ຮັບການສ້າງຂຶ້ນ ບໍ່ພຽງແຕ່ແມ່ນບາດກ້າວເດີນໃນກິດສະການປັບປຸງລະບອບລະບຽບການໃຫ້ສຳເລັດເທົ່ານັ້ນ ຫາກຍັງແມ່ນສານຢັ້ງຢືນ ການສຶກສາແມ່ນການໃຫ້ບຸລິມະສິດແຖວຫນ້າໃນຍຸດທະສາດພັດທະນາແບບຍືນຍົງຂອງປະເທດຊາດ, ສະແດງໃຫ້ເຫັນການເຊື່ອມໂຍງເຂົ້າກັບສາກົນ.

(VOVWORLD) - ໃນຊຸມມື້ນີ້ ຫວຽດນາມ ພວມສະເຫລີມສະຫລອງ 100 ປີແຫ່ງວັນສື່ມວນຊົນປະຕິວັດ (ວັນທີ 21 ມິຖຸນາ ປີ 1925 - ວັນທີ 21 ມິຖຸນາປີ 2025). ໃນຕະຫລອດວິວັດການນີ້ ສື່ມວນຊົນປະຕິວັດ ຫວຽດນາມຍາມໃດກໍ່ຈົງຮັກພັກດີກັບຄະຕິທຳເປົ້າໝາຍທີ່ວາງອອກຈາກເບື້ອງຕົ້ນ ກາຍເປັນອາວຸດແຫລມຄົມ ຮ່ວມເດີນທາງພ້ອມກັບປະເທດຊາດໃນບັນດາການຕໍ່ສູ້ທີ່ລຳບາກກາກກຳກໍ່ຄືໃນພາລະກິດແຫ່ງການສ້າງສາປະເທດຊາດ.

(VOVWORLD) -ມີຄຳເຫັນປະກອບກວ່າ 280 ລ້ານ ຄຳເຫັນ, ດ້ວຍກວ່າ 99% ແມ່ນເຫັນດີ ນັ້ນແມ່ນໝາກຜົນທີ່ພົ້ນເດັ່ນພາຍຫລັງ1 ເດືອນທີ່ຮັບເອົາຄຳເຫັນປະກອບຂອງປະຊາຊົນກ່ຽວກັບຮ່າງມະຕິປັບປຸງ, ເພີ່ມເຕີມບາງມາດຕາຂອງລັດຖະທຳມະນູນປີ 2013. ນັ້ນແມ່ນຕົວເລກປະທັບໃຈ ສະແດງໃຫ້ເຫັນຄວາມເຫັນດີ ເປັນຈິດຫນຶ່ງໃຈດຽວ ມີຄວາມຮັບຜິດຊອບຂອງພະນັກງານ, ສະມາຊິກພັກ ແລະ ປະຊາຊົນ ສຳລັບເອກະສານທີ່ມີລັກສະນະພື້ນຖານໃຫ້ແກ່ອະນາຄົດຂອງປະເທດຊາດ.

(VOVWORLD) - ຫວຽດນາມ ພວມຢູ່ໃນສັບປະດາທະເລ ແລະ ໝູ່ເກາະ (01- 08 ມິຖຸນາ). ນີ້ແມ່ນໂອກາດເພື່ອໃຫ້ຫວຽດນາມ ຢັ້ງຢືນແຫລ່ງກຳລັງໃຫຍ່ກ່ຽວກັບເສດຖະກິດທະເລ ແລະ ສະແດງໃຫ້ເຫັນຄວາມຕັດສິນໃຈພັດທະນາຮອບດ້ານຂະແຫນງອາຊີບທາງທະເລ, ປົກປັກຮັກສາສິ່ງແວດລ້ອມເຂດທະເລ, ໝູ່ເກາະແບບຍືນຍົງ. ສັບປະດາໄດ້ດຳເນີນໃນສະພາວະຫວຽດນາມ ພວມສູ້ຊົນສຳເລັດການໂຮມແຂວງກ່ອນວັນທີ 15 ສິງຫາຈະມາເຖິງ. ນີ້ບໍ່ພຽງແຕ່ແມ່ນ “ການສ້າງອົງປະກອບຄືນໃຫມ່”ເຂດແດນການປົກຄອງເທົ່ານັ້ນ ຫາກຍັງແມ່ນກາລະໂອກາດດີທີ່ສຸດເພື່ອກໍ່ສ້າງບັນດາພື້ນທີ່ພັດທະນາໃຫມ່, ຕາມທິດທະເລ.

(VOVWORLD) - ບັ້ນທຳອິດກອງປະຊຸມສະໄຫມສາມັນເທື່ອທີ 9 ສະພາແຫ່ງຊາດ ຫວຽດນາມ ຊຸດທີ XV ໄດ້ອັດລົງໃນວັນທີ 29 ພຶດສະພາ. ຈຸດເດັ່ນທີ່ຫນ້າສົນໃຈແມ່ນການສັບຊ້ອນ, ສ້າງການຈັດຕັ້ງກົງຈັກຂອງລະບົບການເມືອງໃຫ້ກະທັດລັດ.