(VOVWORLD) - ຢູ່ ງານວາງສະແດງເຕັກໂນໂລຊີດິຈີຕອນ ຫວຽດນາມ ຊື່ງໄດ້ດຳເນີນຢູ່ ຮ່າໂນ້ຍ ໃນກາງເດືອນກັນຍາ, ບໍລິສັດ CTOptimal (ຂຶ້ນກັບກຸ່ມບໍລິສັດ CT Group) ເປັນຄັ້ງທຳອິດໄດ້ແນະນຳເຖິງມະຫາຊົນ 3 ຜະລິດຕະພັນ AI ສະເພາະໃຫ້ບັນດາຂົງເຂດຄື: Healthcare (ດູແລສຸຂະພາບ), Logistics (ພະລາທິການ) ແລະ UAV (ເຮືອບິນບໍ່ມີຄົນຂັບ).

(VOVWORLD) - ໂດຍປະຕິບັດແຜນຮ່າງຫັນເປັນດີຈີຕອນຢ່າງແຮງຂອງລັດຖະບານ, ປີນີ້, ນະຄອນໂຮ່ຈີມິນ ວາງຄາດໝາຍເລີ່ມເຄື່ອນໄຫວ 2 ກິດຈະກຳຈຸດສຸມໃນການຫັນເປັນດິຈີຕອນຂອງຂະແໜງສາທາລະນະສຸກນະຄອນ ນັ້ນແມ່ນ: ສ້າງເອກະສານບັນທຶກສຸຂະພາບເອເລັກໂຕນິກ ໃຫ້ແກ່ປະຊາຊົນ ແລະ ສ້າງສາງຖານຂໍ້ມູນຮ່ວມໃຫ້ແກ່ຂະແໜງສາທາລະນະສຸກ. ມີຫຼາຍໆຮູບແບບ ແລະ ຈຸດເດັ່ນໃນການຫັນເປັນດິຈີຕອນໃນຂົງເຂດນີ້ ໄດ້ ແລະ ພວມນໍາເອົາຜົນປະໂຫຍດມາສູ່ປະຊາຊົນ.

(VOVWORLD) - SAPO ຜະລິດຕະພັນເຕັກໂນໂລຊີຂອງ ບໍລິສັດຫຸ້ນສ່ວນ Sapo ຫວຽດນາມ, ປະຈຸບັນ ແມ່ນມາດຕະການເຕັກໂນໂລຊີແຖວຫນ້າໃນການຫນູນຊ່ວຍຂົງເຂດຂາຍຍ່ອຍ ແລະ ການຄ້າເອເລັກໂຕນິກ ຢູ່ ຫວຽດນາມ.

(VOVWORLD) -ສາທາລະນະສຸກແມ່ນໜຶ່ງໃນບັນດາຂະແຫນງຕົ້ນຕໍໄດ້ທີ່ຮັບບຸລິມະສິດຂອງການຫັນເປັນດີຈີຕອນຢູ່ ຫວຽດນາມ. ເລື່ອງຍູ້ແຮງການຫັນເປັນດິຈີຕອນ, ຫຼຸດຜ່ອນເວລາເຮັດລະບຽບການຢູ່ບັນດາຮາກຖານກວດປິ່ນປົວພະຍາດ ແມ່ນຫນ້າທີ່ຈຸດສຸມຂອງຂະແຫນງ. ຢູ່ບັນດາໂຮງໝໍ, ວຽກງານນີ້ໄດ້ຮັບການຜັນຂະຫຍາຍຢ່າງຕັ້ງໜ້າ, ສ້າງການປ່ຽນແປງຢ່າງຈະແຈ້ງໃນວຽກງານກວດ ແລະ ປິ່ນປົວພະຍາດ.

(VOVWORLD) - Platform ການແພດດີຈີຕອນ OneClinic ດ້ວຍບັນດາຂໍ້ສະເຫນີ ນຳໃຊ້ມາດຕະການເຕັກໂນໂລຢີຂໍ້ມູນຂ່າວສານໃນການຄຸ້ມຄອງລະບົບຫ້ອງກວດພະຍາດກໍ່ຄືຊອບແວບັນທຶກສຸຂະພາບແບບເອເລັກໂຕຣນິກທີ່ມີການເຊື່ອມຕໍ່ສອງທາງກັບຊອບແວເອກະສານບັນທຶກສຸຂະພາບທົ່ວໂລກ ຂອງບໍລິສັດ One Clinic ຈຳກັດ ໄດ້ປະກອບສ່ວນເຂົ້າໃນການຫັນເປັນດີຈີຕອນ ຢູ່ຫຼາຍທ້ອງຖິ່ນຂອງຫວຽດນາມ.

(VOVWORLD) -ໃນຊຸມເດືອນ ສິງຫາ ປີ 1945, ເຂດຖານທີ່ໝັ້ນ ຫວຽດບັກ (ລວມມີ ບັນດາແຂວງ ກາວບັ່ງ, ບັກກ້ານ, ລ້າງເຊີນ, ຮ່າຢາງ, ຕວຽນກວາງ, ທາຍງວຽນ ໄດ້ກາຍເປັນແຫ່ງປຸກລຸກຂະບວນການລຸກຮື້ຂຶ້ນຍາດເອົາອຳນາດການປົກຄອງໃນທົ່ວປະເທດ, ສ້າງພື້ນຖານເອກະລາດ, ເສລີພາບໃຫ້ແກ່ປະເທດຊາດ. ໃນໂອກາດວັນຊາດ ທີ 2 ກັນຍາປີນີ້ ຄວາມຊົງຈຳຂອງລະດູໃບໄມ້ຫລົ່ນປະຫວັດສາດກ່ອນນີ້ 78 ປີ ທີ່ບໍ່ອາດຫລົງລືມນັ້ນ ໄດ້ກັບຕ່າວຄືນມາຢ່າງຟົດຟື້ນໃນໃຈຂອງປະຊາຊົນຢູ່ເຂດນີ້.

(VOVWORLD) -ກວດກາການເຄື່ອນໄຫວຂອງກຳປັ່ນ ຫາປາຢູ່ທະເລ ແມ່ນຫນຶ່ງໃນບັນດາມາດຕະການສຳຄັນຕ້ານການຂຸດຄົ້ນ IUU (ຂຸດຄົ້ນສິນທະເລຜິດກົດໝາຍ, ບໍ່ລາຍງານ ແລະ ບໍ່ປະຕິບັດຕາມຂໍ້ກຳນົດ). ຢູ່ ແຂວງ ກວ໋າງນິງ ບັນດາມາດຕະການຫັນເປັນດິຈີຕອນ, ໝູນໃຊ້ເຕັກໂນໂລຊີຂໍ້ມູນຂ່າວສານ ໄດ້ ແລະ ພວມໄດ້ຮັບການຜັນຂະຫຍາຍເພື່ອຄຸ້ມຄອງກຳປັ່ນຫາປາ ແລະ ຫນູນຊ່ວຍຊາວປະມົງ, ກ້າວໄປເຖິງການ ຍົກເລີກ “ບັດເຫລືອງ” ຂອງ EC ໃນໄລຍະຈະມາເຖິງ.

(VOVWORLD) -ໂຄງການດຳເນີນງານ ແລະ ຄຳຂວັນ “Make in Vietnam” ໂດຍ ກະຊວງຖະແຫລງຂ່າວ ແລະ ສື່ສານ ຫວຽດນາມ ປຸກລະດົມແຕ່ປີ 2019. ນັບແຕ່ນັ້ນມາຮອດປະຈຸບັນ ນັບມື້ນັບມືຫລາຍຜະລິດຕະພັນ, ການບໍລິການເຕັກໂນໂລຊີ ຕອບສະຫນອງຢ່າງຄົບຖ້ວນບັນດາມາດຖານ “Make in Vietnam”. ນັ້ນແມ່ນ: ຄົ້ນຄ້ວາຢູ່ ຫວຽດນາມ, ປະດິດສ້າງຢູ່ ຫວຽດນາມ, ຜະລິດຢູ່ ຫວຽດນາມ. ການຫັນປ່ຽນຢ່າງແຮງຂອງບັນດາວິສາຫະກິດເຕັກໂນໂລຊີ ດິຈີຕອນ ພ້ອມກັບບັນດາຜະລິດຕະພັນເຕັກໂນໂລຊີ ດິຈີຕອນ ພວມຄ່ອຍໆນຳຂະແຫນງອຸດສາຫະກຳເຕັກໂນໂລຊີ ກາຍເປັນເສົາຄ້ຳຂອງພື້ນຖານເສດຖະກິດ ພ້ອມທັງສ້າງທ່ວງທ່າໃຫ້ແກ່ ຫວຽດນາມ ກາຍເປັນປະເທດດິຈີຕອນ ໃນປີ 2030.

(VOVWORLD) -ໄລຍະ 2020-2025, ແຂວງເຊີນລາວາງຄາດໝາຍກາຍເປັນສູນໝູນໃຊ້ກະສິກຳເຕັກໂນໂລຊີສູງ; ສູນການຜະລິດ, ປຸງແຕ່ງຜະລິດຕະພັນກະເສດຂອງໄຕບັກ(ຕາເວັນຕົກສຽງເໜືອ). ພາຍຫຼັງປະຕິບັດແຜນນະໂຍບາຍນຳເອົາຕົ້ນໄມ້ກິນໝາກມາປູກຢູ່ເທິງດິນຄ້ອຍຢ່າງສຳເລັດຜົນ, ແຂວງເຊີນລາ ໄດ້ມີຫຼາຍວິທີເຮັດທີ່ມີຫົວຄິດປະດິດສ້າງ, ເໝາະສົມກັບສະພາບເງື່ອນໄຂຂອງທ້ອງຖິ່ນ, ເພື່ອຊຸກຍູ້ການເຕີບໂຕສີຂຽວ ແລະ ມານະພະຍາຍາມເພື່ອບັນລຸເປົ້າໝາຍທີ່ໄດ້ວາງອອກ.

(VOVWORLD) -ໃນໄລຍະມໍ່ໆມານີ້, ໂຮງໝໍແມ່ ແລະ ເດັກ ສູນກາງ ຮ່າໂນ້ຍ ໄດ້ປະສົບຜົນສຳເລັດໃນການເບິ່ງແຍງລ້ຽງເດັກທາລົກຫຼາຍຄົນທີ່ເກີດກ່ອນກຳນົດ ເຊິ່ງອາຍຸຄັນ 24 – 25 ອາທິດ ໄດ້ມີຊີວິດ,ໃນນັ້ນ ມີເດັກທາລົກບາງຄົນທີ່ມີນ້ຳໜັກພຽງແຕ່ 400 – 500 ກຼາມ ເທົ່ານັ້ນ. ຫວ່າງແລ້ວນີ້, ບັນດາແພດໝໍ, ພະຍາບານ ໄດ້ປະສົບຜົນສຳເລັດໃນການເບິ່ງແຍງດູແລ, ຮັກສາປິ່ນປົວໃຫ້ເດັກທາລົກຊາຍທີ່ເກີດໃນຕອນອາຍຸຄັນໄດ້ 25 ອາທິດ, ມີນ້ຳໜັກ 600 ກຼາມ, ເປັນລຳໄສ້ອັກເສບ (ປະເພດເນື້ອຕາຍ). ນີ້ກໍ່ແມ່ນເດັກທາລົກທີ່ນອນຢູ່ໂຮງໝໍດົນທີ່ສຸດນັບແຕ່ກ່ອນມາຮອດປັດຈຸບັນ ເຊິ່ງເປັນເວລາ 05 ເດືອນ. ຜົນສຳເລັດນີ້, ອີກເທື່ອໜຶ່ງ ໄດ້ຢັ້ງຢືນລະດັບສີມື ແລະ ຄວາມສຸດຈິດສຸດໃຈຂອງແພດໝໍ ຂະແຫນງຜະດຸງຄັນ ຫວຽດນາມ.