ໃນບັນຍາກາດປິຕິຊົມຊື່ນທົ່ວປະເທດມຸ່ງໄປເຖິງການສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ, ຫໍພິພິທະພັນ ຮ່າໂນ້ຍ ໄດ້ຈັດງານວາງສະແດງ ດ້ວຍຫົວຂໍ້ “ຄວາມຊົງຈຳວັນທ້ອນໂຮມປະເທດຊາດເປັນເອກະພາບ”, ພາຜູ້ເຂົ້າຊົມຫວນຄືນຊຸມວັນເດືອນປີປະຫວັດສາດທີ່ດຸເດືອດ ແລະ ອົງອາດກ້າຫານ.
ງານວາງສະແດງໄດ້ແນະນຳພາບຖ່າຍ, ເອກະສານ ແລະ ບັນດາວັດຖຸພັນຈາກສະໄໝສົງຄາມ, ຊ່ວຍໃຫ້ມະຫາຊົນ ມີຄວາມເຂົ້າໃຈແຈ້ງກວ່າກ່ຽວກັບການເສຍສະຫຼະ, ການສູນເສຍ, ນ້ຳໃຈອົງອາດກ້າແກ່ນ ແລະ ບໍ່ຍອມຈຳນົນຂອງຊາດ ຫວຽດນາມ ເພື່ອມີສັນຕິພາບໃນວັນນີ້.
ຊຸດເຄື່ອງແບບຂອງນັກບິນ ອາເມລິກາ ທີ່ຖືກຈັບຕົວ.
ຮ່ອງຮອຍຄວັນໄຟຍັງປະໄວ້ໃນຊາກໂລຫະເຂົ້າໝ້ຽງຂອງຍານພາຫະນະທີ່ນຳໃຊ້ໃນປາງສົງຄາມ, ອັນໄດ້ລະນຶກເຖິງບັນດາບັ້ນຕໍ່ສູ້ທາງອາກາດຢ່າງດຸເດືອດ.
ບີດົງນ້ຳ, ອຸປະກອນການແພດ, ແຖວໜັງສືບັນທຶກປະຈຳວັນ, ຈົດໝາຍຂຽນດ້ວຍມື... ໂດຍບັນດານັກຮົບເກົ່າ ມອບໃຫ້ຫໍພິພິທະພັນ. ແຕ່ລະວັດຖຸພັນແມ່ນໜຶ່ງເລື່ອງລາວ, ໜຶ່ງຄວາມຊົງຈຳ ທີ່ໄດ້ຮັບການເກັບຮັກສາດ້ວຍຄວາມຮູ້ບຸນຄຸນຢ່າງລົ້ນເຫຼືອ ແລະ ຄວາມເອກອ້າງທະນົງໃຈ.

ປືນປ້ອງກັນທາງອາກາດ ໂດຍກອງຊາວໜຸ່ມເຍົາວະຊົນຍິງປ້ອງກັນຕົວ ເວິນໂດນ (ຮາຍບ່າຈຶງ, ຮ່າໂນ້ຍ) ໄດ້ນໍາໃຊ້ເພື່ອຍິງເຮືອບິນ ອາເມລິກາ F-111 ຕົກເມື່ອເດືອນ ທັນວາ 1972.
ແກເຕືອນໄພ ເມື່ອມີເຮືອບິນ ອາເມລິກາ ຖີ້ມລະເບີດ.

ມີບັນດາຮອຍຍິ້ມເຈືອຈານໄປກັບນ້ຳຕາໃນວັນມະຫາໄຊຊະນະ
ໃນຊຸມມື້ນີ້, ປະຊາຊົນ, ນັກຮຽນ, ນັກສຶກສາຈຳນວນຫຼາຍ ໄດ້ເຂົ້າມາຢ້ຽມຊົມງານວາງສະແດງ

“ຄວາມຊົງຈຳໃນວັນທ້ອນໂຮມປະເທດຊາດເປັນເອກະພາບ” ບໍ່ພຽງແຕ່ແມ່ນງານວາງສະແດງເທົ່ານັ້ນ, ຫາກຍັງເປັນວິວັດທະນາການຫວນຄືນ ແລະ ແຜ່ກະຈາຍຄຸນຄ່າແຫ່ງສັນຕິພາບ, ເອກະລາດ ແລະ ນ້ຳໃຈຮັກຊາດ. ນີ້ແມ່ນເຫດການໜຶ່ງທີ່ບໍ່ຄວນພາດໃນໂອກາດວັນບຸນ 30 ເມສາ – 1 ພຶດສະພາ ປີນີ້ຢູ່ນະຄອນຫຼວງ ຮ່າໂນ້ຍ.
ງານວາງສະແດງ “ຄວາມຊົງຈຳວັນທ້ອນໂຮມປະເທດຊາດເປັນເອກະພາບ” ຈະເປີດປະຕູຕ້ອນຮັບແຂກເຂົ້າມາຢ້ຽມຊົມຮອດວັນທີ 4 ພຶດສະພາ 2025 ຈຶ່ງອັດລົງ.